Tito 3:7 - Nuevo Testamento Uwotjüja

⁷ rü̧ȩnä̧ repeomȩttü̧, Dio-mä̧ ȩmi̧nä̧u̧jä̧ kkä̧kuä̧wä̧ i'ko tȩma̧ pä'ü iyinä̧u̧jä̧ tȩmä̧kuo̧tü̧jä̧ tta̧tä̧rä̧'i̧jü̧mä̧.

TÄ̧DO Ä̧CUÄ̧ I̧HUȨNȨ

⁷ Chutä ppäda'attö, i̧tti̧mö̧jä̧. Ja̧'hua̧nö̧ ja̧'a̧ kä̧cuä̧huä̧ i'co tta̧tä̧rö̧mä̧ i̧yä̧cua̧ ujuturu.

Tito 3:7 Referans Kwoze

Romanos 8:17

Ja̧'wa̧nü̧ i̧tti̧mü̧ ta'amä̧, iya päinü̧mä̧ tiäremä̧ tȩmä̧kuo̧tü̧jä̧ ja̧'wa̧ta̧nü̧ Crito üäremä̧ ujutu'i̧nä̧ tüäre ja̧'a̧, chutäku usurä tȩmä̧u̧ttü̧mä̧, chutäku uruwonä̧ iyäwi'äkuä̧u̧jä̧.

Romanos 3:24

Ja̧'wa̧nü̧ ja̧'a̧nä̧ Dio-mä̧, chutä re kkä̧nü̧ mippoünä̧tä̧ adiwä isotü jü̧nä̧ juoepinä̧u̧jä̧, Jesucrito usurä ȩmä̧u̧ i̧mi̧täwinü̧nä̧.

Tito 2:11

Ja̧'wa̧ta̧nü̧ Dio-mä̧ rȩrü̧jü̧nü̧ toü tü'kümä̧ i̧jȩpi̧nü̧, ttü̧ja̧ o'katoi'ünä̧rü̧ surojüttü ttü̧ji̧pü̧nä̧ ppä'ädü.

1 Corintios 6:11

Iweye, ä'kojimä̧ yotukunä̧mä̧ ja̧'wa̧nü̧ kka̧kui̧nä̧tü̧jä̧; ja̧'wa̧nü̧ ja̧'a̧nä̧ jitämä̧ surojü juiyünä̧ aditü ikuinä̧u̧jä̧, adiwä isotü jü̧nä̧ jȩi̧nä̧u̧jä̧ Tu̧ru̧wa̧ Jesucrito i̧mi̧nä̧'i̧nä̧ ja̧'wa̧ta̧nü̧ Dio i̧sa̧ Epíritu-nä̧'i̧nä̧ jü̧nä̧.

Tito 1:2

Ja̧'wa̧nü̧tä̧ Dio yaparewokümä̧ tabokutä päi'ünä̧ kkä̧kuä̧wä̧ i'ko chi̧yä̧kua̧sä̧ päinü̧ ttȩma̧ pä'ümä̧ tta̧'ä̧rü̧ kka̧kuä̧tü̧jä̧.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

Gálatas 2:16

Ujutumä̧ wo̧juä̧tü̧jä̧, weäwä wȩnȩ päü jȩä̧kuä̧wä̧nä̧tä̧mä̧ Dio-mä̧ ȩmo̧kü̧ jä̧kua̧ pä'ümä̧, ja̧'wa̧nü̧ ja̧'a̧nä̧ Jesucrito-rü tta̧'kua̧ wȩnä̧rä̧kuä̧wä̧nä̧tä̧ ȩmä̧u̧jä̧. Ja̧'wa̧nü̧ jo̧mȩnä̧, ujutu'i̧nä̧ Jesucrito-rü esetinä̧tü̧jä̧, Jesucrito-nä̧ ȩma̧tü̧ pä'ümä̧, weäwä wȩnȩnä̧ jo̧ka̧'a̧ttü̧. Ja̧'wa̧nü̧ ja̧'a̧ttü̧, suro weäwä wȩnȩ päütä ttukuotüttümä̧, Dio-mä̧ ȩmo̧ko̧u̧ ttäkuotü.

Romanos 11:6

Ja̧'wa̧nü̧ ja̧'a̧ttü̧ Dio mippoünä̧ ppädino̧mȩttü̧ ja̧'a̧, ttü̧ja̧ jȩtti̧nü̧ttü̧mä̧kü̧; ja̧'wa̧nü̧ jȩtti̧nü̧ttü̧ jü̧ttü̧mä̧ Dio mippoünä̧ ppädümä̧ juiyaja'a.

Gálatas 3:29

Ja̧'wa̧ta̧nü̧, Crito-rü kuesetätukuttümä̧, Abraha̧-mi̧nä̧ i̧tti̧mü̧ isotüjä̧ ja̧'wa̧nü̧ ja̧'a̧ttü̧ Dio i̧yä̧kuȩ päinü̧mä̧ kuȩmä̧tu̧kua̧ pä'ütä ja̧'a̧.

Romanos 4:16

Ja̧'wa̧nü̧ ja̧'a̧ttü̧, Abraha̧-rü̧'i̧nä̧, i̧tti̧mü̧rü̧'i̧nä̧ iya pä'inü̧ mikuäwächi'ünä̧ ja̧ pä'ümä̧, mippoünä̧ iyinü̧, a̧'kua̧ u̧wȩnä̧ro̧mȩttü̧tä̧. Ja̧'wa̧nü̧ ja̧'a̧mä̧, suro weäwä wȩnȩ ukuotätürütä iya pä'ümä̧kü̧ ja̧'a̧; Abraha̧ ji̧nü̧ta'anü̧ tta̧'kua̧ wȩnä̧rä̧tü̧rü̧mä̧ o'katoi'ünä̧rü̧ iya pä'ü ja̧'a̧. Ja̧'wa̧nü̧ jo̧mȩnä̧ Abraha̧-mä̧ o'katoi'ünä̧ ttä'o ja̧'a̧.

Romanos 3:28

Ja̧'wa̧nü̧ ja̧'a̧ttü̧ ka̧ka̧ti̧pü̧ pä'ätüjä̧: ttü̧ja̧sa̧mä̧ adiwä i̧sa̧mä̧ pä'i'okü, weäwä wȩnȩ päü ukuotü jȩo̧mȩnä̧mä̧, ji̧nä̧somä̧ Crito-rü a̧'kua̧ wȩnä̧rü̧ esetomȩnä̧tä̧ Dio-mä̧ adiwä i̧sa̧ pä'i'ünä̧ jȩä̧ku̧.

1 Pedro 3:7

Ja̧'wa̧ta̧nü̧ ukutu ttirekuomü̧mä̧, kuirekuamü̧tu̧ku̧ku̧ wo̧juȩku̧nä̧ kka̧kuä̧tu̧kui̧. Isajurumä̧ i̧sä̧yu̧ i̧so̧'ta̧ 'kuäo'ta̧ jä̧'i̧nü̧'a̧nü̧ ukuotätukui, juätü'i̧nä̧ kkä̧kuä̧wä̧ Dio iyinü ukutuku ttiya pä'ü woinä̧u̧ Dio iäre ju'to i̧yä̧kuȩttü̧, Dio-rü kukuokuomȩnä̧ tto̧ȩpä̧rü̧ juiyaku pä'ümä̧.

Hebreos 11:9

Ja̧'wa̧nü̧ a̧'kua̧ u̧wȩnä̧ro̧mȩttü̧ kki̧nü̧, Dio ü'ätetinä̧jä̧nä̧mä̧ kko̧ro̧jä̧ttü̧ i̧chä̧kuä̧wa̧ jü̧nä̧. Isotü tti̧jȩti̧yu̧ttü̧ adikuä o̧ta̧ttü̧ adikuä odenä̧tä̧ kki̧nü̧ ja̧'wa̧nü̧tä̧ ji̧na̧'a̧ Isaa'i̧nä̧, Jaco'inä̧ jü̧nä̧, jua̧u̧ iya pä'ü ukuokuinä̧u̧mä̧.

Hebreos 11:7

A̧'kua̧ u̧wȩnä̧ra̧'a̧ttü̧, Nuémä̧, Dio jiäwomȩnä̧mä̧, ji̧nä̧ 'kuäopäkuȩmä̧ tooka'anä̧ esetü woi'ka aditinü̧ i̧tti̧mü̧tä̧ku̧ ü̧ji̧pa̧ pä'ümä̧. Ja̧'wa̧nü̧ a̧'kua̧ u̧wȩnä̧ro̧mȩnä̧mä̧ pi̧jä̧ ttü̧ja̧mä̧ to'e'inä̧tü̧ ja̧'wa̧nü̧ ja̧'a̧nä̧ Nuémä̧ Dio-ttü ȩmi̧nü̧ adiwäjuei, Churutä tta̧'kua̧ wȩnä̧rä̧tü̧rü̧ iyü.

Hebreos 6:17

Ja̧'wa̧nü̧ ja̧'a̧ttü̧, iyäkuä̧u̧ru̧ Dio-mä̧ chi̧yä̧kua̧sä̧ päinü̧mä̧ pärowächü juiyünä̧ jueünä̧tä̧ iya pä'ü ukuokuinü̧, juramento pättünä̧ wȩnȩtü̧.

Gálatas 4:7

Ja̧'wa̧nü̧ ja̧'a̧ttü̧, täkü esclavo jü̧nä̧mä̧ u̧mü̧wä̧ya̧mä̧kü̧jä̧, jitämä̧ i̧tti̧jä̧; Dio-rü pä̧wä̧rü̧jo̧mȩnä̧ chutä iäre iya päinü̧mä̧ i̧yä̧kua̧jä̧.

Romanos 4:4

Adikuä i̧sa̧ iäre pärätämä̧, rettü ppädäkuäwä 'kua̧rü̧nä̧mä̧ pa̧ja̧kuo̧kü̧ ja̧'wa̧nü̧ ja̧jü̧ jueimä̧ tti̧mi̧ppotü jü̧nä̧tä̧ iyäwä ja̧'a̧.

Tito 2:13

Pa̧'a̧nü̧ tü̧ja̧ku̧'a̧nü̧ ja̧'a̧ o'katoi'ünä̧ tta̧tä̧rä̧'i̧jü̧ eseäkuäwä mo̧ro̧ rȩbȩwa̧'a̧nä̧; Tü̧ä̧nä̧wa̧ Dio'i̧nä̧, surojüttü tü̧ji̧pü̧nä̧ ppä'ädinü̧ Jesucrito'i̧nä̧ ppa̧wä̧cha̧'a̧nä̧mä̧.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

San Marcos 10:17

Ja̧'wa̧nü̧ ja̧'a̧ Jesú mä̧nä̧nä̧ i̧'cho̧mȩnä̧, ya̧tȩ jopipü ichi'ü, ä'kajo̧mȩ iwe'kiyunä̧ kkä̧mä̧dü̧ jä'epü ä̧ju̧kui̧nü̧: —Chu̧ru̧wa̧ adiwä i̧sa̧, ¿däjetä jȩchü̧'a̧nü̧ttü̧ kkä̧kuä̧wä̧ i'ko chu̧ju̧nä̧ra̧ pä'ümä̧?

2 Tesalonicenses 2:16

Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

Hebreos 1:14

Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.