Tito 2:7 - Nuevo Testamento Uwotjüja

⁷ O'kajuiyünä̧, ukutä kua̧mü̧nä̧ pa̧ja̧tü̧ wȩnȩku̧ i̧jȩkui̧ adiwäjueimä̧ pa̧'a̧nü̧ jȩä̧kuä̧wä̧ pä'ü, wo̧juȩtü̧mä̧ adiutä jȩpü̧ kua̧'kua̧pü̧nü̧ kkä̧nü̧ i̧jȩkui̧.

TÄ̧DO Ä̧CUÄ̧ I̧HUȨNȨ

⁷ Ucutä Tito o'ca juiyönä jȩcu̧'u̧mä̧, adiunätä jȩpi̧ jahuätö ttu̧huo̧jui̧'ä̧cua̧'a̧nö̧. Ucu cu̧huo̧juȩto̧mȩnä̧, cua̧'cua̧ pö̧nö̧ kä̧nö̧ huo̧juȩti̧. Adiunätä huo̧juȩti̧.

Tito 2:7 Referans Kwoze

1 Pedro 5:3

Tta̧kuä̧rä̧tu̧kuä̧u̧ tturuwotü jü̧nä̧mä̧ jȩ'kuä̧tu̧kuä̧, ja̧'wa̧nü̧ ja̧jü̧ jueimä̧ juätürü i̧jȩkuä̧ wotü jü̧nä̧tä̧ kka̧kuä̧tu̧kui̧.

1 Timoteo 4:12

Ya̧tȩ'i̧nä̧ mü̧ä̧ya̧ pä'ü kkü'kü jui'ü pättä'cha'anä̧mä̧ kuiyäwä; ja̧'wa̧nü̧ ja̧jü̧ jueimä̧ kukuokunä̧'i̧nä̧, jȩpü̧ku̧ju̧nä̧'i̧nä̧, eseu repekunä̧'i̧nä̧, kua̧'kua̧rü̧nä̧'i̧nä̧, kua̧'kua̧ ku̧wȩnä̧rü̧nä̧'i̧nä̧, ja̧'wa̧ta̧nü̧ surojü juiyünä̧tä̧ ku̧ju̧ta̧'a̧nü̧ Crito-rü esetätümä̧ jȩpü̧ ttü̧jä̧kua̧'a̧nü̧ jȩpü̧ kkä̧wi̧.

Filipenses 1:10

Jua'amä̧ adiwäjuei ku̧wo̧juä̧tu̧kua̧ pä'ü. Ja̧'wa̧nü̧ kuätukuttümä̧ Jesucrito ichü mo̧ro̧ päi'omȩnä̧ surojü juikuätukuäkuotüjä̧ ya̧tȩ'i̧nä̧ surojü jȩ'kuȩ'i̧jü̧ päü juiyäkua'anü̧.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

2 Corintios 1:12

Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.

2 Tesalonicenses 3:9

Isopäi'ünä̧ ukutu ppäkuädätukua pä'ümä̧ jätepü'anü̧ ja̧'a̧nä̧, ujutumä̧ aditinä̧tü̧jä̧, ukutu'i̧nä̧ taditüta'anü̧ aditü weyejuokuätukua pä'ü tu̧wo̧juȩta̧'a̧ttü.

Efesios 6:24

Tu̧ru̧wa̧ ujuturu rȩrü̧jü̧ toinü̧, repeü beipokümä̧ ukutu o'katoi'ünä̧rü̧ kkü̧nä̧ ku̧jä̧tu̧kua̧ pä'üsä.

2 Corintios 2:17

Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

2 Corintios 8:8

We'ü ttukuoku'anü̧mä̧ ukuokuoküsä. Suro, kkoro igresia isotü ofrenda ppä'ädü jȩttü̧ ku̧wo̧juä̧tu̧kua̧tä̧ pä'üsä. Ukutu'i̧nä̧ isopäi'ünä̧ eseäkuäwä kui̧jȩpä̧tu̧kuä̧kua̧'a̧nü̧.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.