Tito 2:10 - Nuevo Testamento Uwotjüja

¹⁰ Ttunä̧u̧kuä̧ro̧ka'a, ttu̧nä̧u̧kuä̧ra̧jueimä̧ jo̧mȩnü̧ ukuotü kkä̧nü̧, o'kajuiyünä̧ Tü̧ä̧nä̧wa̧ Dio surojüttü tü̧ji̧pü̧nä̧ ppä'ädü u̧wo̧juȩtü̧mä̧ juiyo adiwäjuei pä'ü tti̧jȩpä̧kua̧'a̧nü̧.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧ta̧nö̧ ttö̧nä̧u̧cuä̧rö̧ juiyäcua'a̧nö̧. Ja̧'hua̧nö̧ adiu jȩtta̧'a̧ topö, korotömä “Dios i̧huȩnȩ, Tu̧ru̧hua̧ i̧huȩnȩ, iso päi'önä huȩnȩ ja̧'a̧” pättäcuotö.

Tito 2:10 Referans Kwoze

San Mateo 5:16

Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

1 Pedro 2:12

Judío pokotü ttü̧'kä̧tȩttü̧mä̧ adiunä̧ o'ikuätukui. Ja̧'wa̧nü̧ jü̧nä̧tä̧, jitämä̧ ukuturu suronä̧ jȩpä̧tü̧rü̧ 'kua̧rü̧nä̧ ttukuokua'anä̧, adiu jȩ'kuä̧tu̧kua̧'a̧ topü chutä o'katoi'ünä̧rü̧ jä'epü mo̧ro̧ päi'omȩnä̧ Dio-rü ttesewäkuotü.

2 Juan 1:9

Ya̧tȩ Crito u̧wo̧juȩti̧no̧mȩttü̧'i̧nä̧ abonä̧nü̧ amükuädümä̧ Dio-rümä̧ kkü̧nä̧ro̧kü̧; ja̧'wa̧nü̧ ja̧'a̧nä̧ u̧wo̧juȩti̧nü̧nä̧ kkü̧mä̧ Jä'orü'i̧nä̧, I̧tti̧rü̧'i̧nä̧ kku̧nä̧rü̧.

Efesios 4:1

Ttü Tu̧ru̧wa̧ jäwänä̧ kärenä̧ pä̧nü̧ kkä̧nü̧, ukuturu jä'epüsä, Dio ukuturu woina̧'a̧ku̧, ukuotü ku̧ja̧kuä̧tu̧kua̧ pä'üsä.

1 Pedro 3:16

Ja̧'wa̧nü̧ ja̧'a̧nä̧ ukuo tekuäwätukuoka'a ukuotünü̧ jȩpü̧ adiwomȩnä̧ amükuädätukui, Crito-rü esetätü jü̧nä̧ adiu ku̧jä̧tu̧kuo̧mȩnä̧ suronä̧ ukuokuä'ijätümä̧, jitütä tti̧wȩnȩnä̧ dä'ättuttäkua'anü̧.

Tito 1:3

Ja̧'wa̧ta̧nü̧ jitämä̧, täkü päinü̧ mo̧ro̧ ja̧'a̧ttü̧, i̧wȩnȩmä̧ ttu̧wo̧jui̧pü̧nä̧ weäwi'ina̧'a̧ jittäu tä̧ju̧kuo̧mȩnä̧ tü̧ä̧nä̧wa̧ Dio ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧ weäwänä̧.

1 Timoteo 6:3

Tu̧ru̧wa̧ Jesucrito u̧wo̧juȩti̧nü̧'a̧kuä̧ ja̧'wa̧ta̧nü̧ isopäi'ünä̧ tesetü ttu̧wo̧juȩti̧nü̧'a̧kuä̧ ya̧tȩ kkoromȩnä̧ u̧wo̧juȩtu̧ttü̧mä̧,

1 Timoteo 6:1

Ttu̧wo̧juȩtä̧u̧ ji̧nä̧ esclavo pä̧ttä̧u̧ jü̧nä̧ wotümä̧, ttu̧ru̧wa̧rü̧mä̧ o'kajuiyünä̧tä̧ ttukuota pä'ü ja̧'a̧, Dio i̧mi̧'i̧nä̧ ttu̧wo̧juȩtü̧'i̧nä̧, suronä̧ ttukuoku juiyäkua'anü̧.

1 Corintios 4:2

Ja̧'wa̧nü̧ ja̧'a̧ttü̧, adikuä 'chu̧'ä̧rä̧tü̧rü̧mä̧, ttaditäwä jȩpü̧ ttü̧ja̧ pä'ütä ja̧'a̧.

San Lucas 16:10

A̧'u̧ku̧nä̧tä̧ ja̧ pä'ü'i̧nä̧, adiu tta̧'ä̧rü̧mä̧, rü̧ȩnä̧ jo̧mȩnä̧'i̧nä̧ adiu tta̧'ä̧rü̧; ja̧'wa̧ta̧nü̧ a̧'u̧ku̧nä̧tä̧ jo̧mȩnä̧ adiu tta̧'ä̧ro̧kü̧mä̧, rü̧ȩnä̧ jo̧mȩnä̧'i̧nä̧ adiu tta̧'ä̧ro̧kü̧ jä̧kua̧.

San Mateo 24:45

¿Tideja̧'a̧jä̧ttü̧ u̧mü̧wä̧ya̧ ttu̧'ȩpä̧rü̧nü̧ ukuotümä̧? jua̧u̧mä̧ chú jä̧kua̧'a̧, u̧ru̧wa̧ ojusodenä̧ we'ü u̧ju̧ni̧'ä̧ku̧, ttu̧kuȩ iyäwomȩ pätekuächomȩnä̧ iyiyarü pä'ü.

1 Timoteo 5:17

Igresia-ttü a̧ci̧a̧nu̧ wotü adiu aditätümä̧, todäre jo̧mȩnä̧ mikuä ttȩma̧ pä'ü ja̧'a̧ ji̧nä̧somä̧ Dio i̧wȩnȩ ji'äu wo̧juȩtä̧tü̧rü̧ ja̧'a̧.

1 Timoteo 1:1

Jesucrito u̧mü̧wä̧ya̧ Apóto Pauru-mä̧, Tü̧ä̧nä̧wa̧ Dio surojüttü tü̧ji̧pü̧nä̧ jȩpü̧ weäwänä̧ weinä̧ku̧ ja̧'wa̧ta̧nü̧ Jesucrito tta̧tä̧rä̧ku̧nä̧,

Filipenses 4:8

Chawaruwä chi̧jä̧wa̧tü̧ amükuädätukui jueü wȩnȩnä̧tä̧, yapareäkuäwokünä̧tä̧, adiwomȩnä̧ jȩä̧kuä̧wä̧nä̧tä̧, surojü juiyünä̧ jȩä̧kuä̧wä̧nä̧tä̧, eseu ppädäkuäwänä̧tä̧, adiu ukuowunä̧tä̧. O'kajuiyünä̧ adiwäjuei oäwänänä̧tä̧ amükuädü jȩpä̧tu̧kui̧, üadiwä eseäkuäu ttü̧ja̧'a̧nü̧ jü̧nä̧tä̧.

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

San Juan 12:6

Ja̧'wa̧nü̧ ja̧'a̧nä̧, Juda pa̧'a̧nü̧ pä'amä̧, isopäi'ünä̧ usurä isotürü ppäda pä'ümä̧ pä'okü pinü̧; ü̧nä̧u̧kuä̧rä̧'i̧ja̧'a̧, pärätä ttenä̧yu 'chu̧'ä̧rü̧ ȩmo̧pä̧rä̧'i̧jü̧'ka̧ pä'inü̧.

San Lucas 1:47

Cha̧'kua̧rü̧ i̧sa̧mä̧, ttürü surojüttü rä'epü ikuinü̧ Dio-rü esewa'a.

San Lucas 1:80

Ji̧'ki̧cha̧wa̧mä̧ büó juoüta'anü̧ epíritu jäwänä̧'i̧nä̧ ä̧rä̧mi̧nü̧; ja̧'wa̧nü̧ ja̧'a̧mä̧ rȩba̧ dȩ'a̧ra̧'a̧tä̧ kki̧nü̧, Irae ttü̧ja̧rü̧ i̧jȩkuo̧mȩbü päi'ünä̧.

Tito 3:4

Ja̧'wa̧nü̧ ja̧'a̧nä̧ tü̧ä̧nä̧wa̧ Dio surojüttü tü̧ji̧pü̧nä̧ ppädäkuäwä i̧sa̧mä̧, ttü̧ja̧rü̧ rȩrü̧jü̧nü̧ toäkuäwä'i̧nä̧, eseäkuäwä'i̧nä̧ i̧jȩpi̧nü̧,