Tito 1:16 - Nuevo Testamento Uwotjüja

¹⁶ Juätümä̧ Dio-rümä̧ wo̧juä̧tü̧mä̧ pä'ätü, ja̧'wa̧nü̧ ja̧'a̧nä̧ suronä̧ jȩtta̧'a̧ topü isopäi'ünä̧ jo̧ka̧'a̧ pä'ü wo̧juä̧tü̧jä̧; juätümä̧ kkü'kokotü, ja̧'wa̧ta̧nü̧ ttukuotokomȩttü̧ kkorojuei adiwäjueimä̧ jȩpo̧ko̧tü̧.

TÄ̧DO Ä̧CUÄ̧ I̧HUȨNȨ

¹⁶ Jahuätömä “Diosrö esetätöjä” pätta'anä, Dios i̧huȩnȩ päö ta'anö jȩpo̧co̧tö̧. Jahuätömä yoröiso suropätö. Jahuätömä jarode'ätö. Jahuätömä yoröiso adiunä jȩpo̧co̧tö̧.

Tito 1:16 Referans Kwoze

1 Juan 2:4

Ttümä̧, «Jua̧u̧ru̧ wo̧jua̧sä̧» pä'anä̧, weinü̧ ukuotokomȩnä̧mä̧, ja̧'wa̧nü̧ pä'ümä̧ ya̧pa̧rȩwa̧, jueü wȩnȩmä̧ kko̧ka̧'a̧ jua̧u̧nä̧mä̧.

Efesios 5:6

Suräjuä wȩnȩnä̧ ttüyaparewa'anä̧ kuiyäwätukuä, isopäi'ünä̧ jua̧u̧ttü̧tä̧ ichäkua'a churutä ütäwe'ätürü Dio ü̧tä̧bo̧tü̧ wȩnȩmä̧.

Judas 1:4

Cha̧'kua̧tta̧nü̧ jä̧ku̧sä̧, ku̧'kä̧tȩtu̧ku̧nä̧ dodepü yapareu ji'u, Jesucrito-mä̧ Tu̧ru̧wa̧mä̧kü̧, kukuotätukuärü pä'ü ttu̧wo̧juȩto̧mȩnä̧. Juätümä̧, pä'ätü Dio-mä̧ ujuturu rü̧ȩnä̧ repea'attü̧ suronä̧ jȩta̧'a̧nä̧'i̧nä̧ ro̧'ȩpo̧kü̧ jä̧kua̧, jü̧nä̧. Isopäi'ünä̧ ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧, mo̧ täbokütä päi'ünä̧ jiäwina̧'a̧, juätürü Dio ro̧ȩpä̧kuȩ wȩnȩmä̧.

Romanos 1:28

Dio-rümä̧ ttu̧wo̧jua̧rü̧ pättokoku, surojü tta̧mü̧kuäda'aku jȩpü̧ ttü̧jü̧nä̧tä̧ iyipinä̧u̧, jȩä̧kuä̧wo̧kü̧nä̧ jȩpü̧ ttü̧jü̧nä̧tä̧.

Apocalipsis 21:27

Juȩnȩmä̧, yorisotä surojümä̧ doächoka'a jä̧kua̧'a̧, ya̧tȩ surojü jȩpü̧'i̧nä̧, yapareu'i̧nä̧ do'ächokü jä̧kua̧, jua̧u̧ ja̧jü̧ jueimä̧ kkä̧kuä̧wä̧ kuyäru'tä, oweja mü̧ä̧ya̧ jü̧nä̧ wa̧ üäre'tänä̧ i̧mi̧ rü̧tä̧rü̧tä̧ do̧ä̧chä̧kua̧.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

1 Timoteo 5:8

Ja̧'wa̧ta̧nü̧ chutä a̧mü̧nä̧ jäwä a̧'kua̧ roekuoka'a, yabonä̧ awaruwärü'i̧nä̧ ppä'ädokümä̧ a̧'kua̧ u̧wȩnä̧rü̧ ä̧ppü̧tä̧rü̧, ja̧'wa̧nü̧ wa̧mä̧ esetokotüttü'i̧nä̧ abonä̧nü̧ wa̧.

1 Timoteo 1:9

Weäwä wȩnȩmä̧ ji̧yȩtȩ'i̧nä̧ adiu jȩpä̧tü̧rü̧mä̧ iyäwoka'a pä'ü ttamükuäda pä'ü ja̧'a̧. Ja̧'wa̧nü̧ ja̧ju̧ jueimä̧ pä̧i̧kuä̧tu̧rü̧tä̧, ukuotokotürütä, suropätürütä ja̧'wa̧ta̧nü̧ surojü jȩpä̧tü̧rü̧tä̧, Dio-rü'i̧nä̧, ttesetü'i̧nä̧ ukuotokotürütä, ttä'orü ja̧ pä'ü'i̧nä̧, tta̧ju̧ru̧ ja̧ pä'ü'i̧nä̧ kuä'ü ikuätürütä, ttü̧ja̧rü̧ kuäwä isotürümä̧ o'katoi'ünä̧rü̧tä̧ iyäwä ja̧'a̧.

2 Timoteo 3:17

ja̧'wa̧nü̧ jo̧mȩnä̧ Dio umüwäyotümä̧ adiwäjuei jȩtta̧ pä'ümä̧ jo̧mȩnü̧ wo̧juȩkuo̧tü̧ ttü̧ja̧kuä̧kuo̧tü̧.

Tito 3:1

Kkorotürümä̧ ji'äwi, ru̧wa̧ weümä̧, ja̧'wa̧ta̧nü̧ ukuo isotü wettümä̧ ttukuota; ja̧'wa̧ta̧nü̧ juätü wettümä̧ ttukuotäkua'anü̧ 'kuäopünä̧tä̧ adiwäjuei jȩä̧kuä̧wä̧ isotü jü̧nä̧ ttü̧ja̧kua̧.

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.