Tito 1:15 - Nuevo Testamento Uwotjüja

¹⁵ Isopäi'ünä̧ Jesucrito-rü ukuotätümä̧ o'kajuiyünä̧ adiwäjueitä jä̧u̧, ja̧'wa̧nü̧ ja̧'a̧nä̧ ukuotokotü tta̧'kua̧ wȩnä̧ro̧ko̧tü̧rü̧mä̧ adiwäjueimä̧ jo̧ka̧'a̧, ja̧'wa̧nü̧ ja̧'a̧ttü̧ tta̧mü̧kuädünä̧'i̧nä̧ surojütä amükuädätü.

TÄ̧DO Ä̧CUÄ̧ I̧HUȨNȨ

¹⁵ Iso päi'önä adiu amöcuädätörömä, o'ca juiyönä adihua'ado. Ja̧'hua̧nö̧ ja̧'a̧nä̧ suronä amöcuädö esetocotörömä, o'ca juiyönä suroja'ado. Jitötä ttamönä ttamöcuädömä surojödo.

Tito 1:15 Referans Kwoze

Romanos 14:14

Ja̧'wa̧ta̧nü̧ wo̧jua̧sä̧ Chu̧ru̧wa̧ Jesucrito-nä̧tä̧ tu̧kuȩ ji̧yȩnä̧tä̧mä̧ surojümä̧ juiya'a pä'ü. Ja̧'wa̧nü̧ ja̧'a̧nä̧, ya̧tȩ pi̧yȩmä̧ surojü pä'ü amükuädüttümä̧, iweye churutämä̧ surojü ja̧'a̧.

Romanos 14:20

Dio aditäwämä̧ surojuokuepätukuä ttu̧kuȩ jäwänä̧mä̧. O'kajuiyünä̧tä̧ ttu̧kuȩmä̧ surojü juiyü ja̧'a̧ttü̧; surojümä̧ ttu̧kuȩnä̧ Dio-rü a̧'kua̧ u̧wȩnä̧rü̧ttü̧ ya̧tȩrü̧ ma̧ä̧chü̧nä̧ jȩä̧kuä̧wä̧tä̧ ja̧'a̧.

1 Corintios 10:23

Iweye, o'kajuiyünä̧ jȩcha̧ pä'ümä̧ wa̧sä̧ ja̧'wa̧nü̧ ja̧'a̧nä̧ o'kajuiyünä̧mä̧ jȩä̧kuä̧wo̧kü̧ ja̧'a̧; o'kajuiyünä̧mä̧ jȩcha̧ pä'ü ja̧'a̧nä̧, o'kajuiyünä̧mä̧ ttürü äräbe'okü jäwä ja̧'a̧.

San Mateo 15:18

Ja̧'wa̧nü̧ ja̧'a̧nä̧, ttänä̧ räopümä̧ tta̧mi̧so'kittü räopü; ja̧'wa̧nü̧ ja̧'a̧ttü̧ jua̧u̧tä̧tä̧ ja̧'a̧ ttü̧ja̧rü̧ surojuoepümä̧.

Romanos 14:23

Ja̧'wa̧nü̧ ja̧'a̧nä̧, ya̧tȩ üdüdüwa'anä̧ u̧kuȩ ukuttümä̧, a̧'kua̧ u̧wȩnä̧ro̧ka̧'a̧ ku ja̧'wa̧nü̧ jo̧mȩnä̧ täkü surojuo'eku; isopäi'ünä̧ o'kajuiyünä̧ tta̧'kua̧ wȩnä̧rä̧kuä̧wo̧kü̧ttü̧ ichümä̧, surojü jȩkuä̧wä̧tä̧ ja̧'a̧.

1 Corintios 10:31

Ja̧'wa̧nü̧ jä̧'cha̧'a̧ttü̧, kukuätukuomȩnä̧'i̧nä̧, kuawätukuomȩnä̧'i̧nä̧, o'kajuiyünä̧tä̧ Dio-rü pä̧wä̧rü̧ja̧'a̧ku̧tä̧ jȩpä̧tu̧kui̧.

Hechos 10:15

Pä'äjita'anü̧ rä̧mi̧pi̧nä̧ku̧: «Dio tükü ikuinü̧mä̧, ukumä̧ surojü pä'ümä̧ okuä,» jü̧nä̧.

1 Corintios 8:7

Ja̧'wa̧nü̧ ja̧'a̧nä̧ pi̧yȩ wȩnȩmä̧ o'katoi'ünä̧mä̧ wo̧juo̧ko̧tü̧. Yotukunä̧mä̧, weye juo'inü̧'kotü ttü̧ä̧nä̧wo̧tü̧rü̧ ukuokuäkuäwa'a idepä kuätü; ja̧'wa̧ta̧nü̧ tta̧mü̧kuädüttü, jo̧mȩnü̧ ttoka'amä̧, jitütä surojuo'ekuätü.

Hebreos 10:22

Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.

1 Corintios 10:25

O'kajuiyünä̧tä̧ mikuänä̧ idepä ttiyomȩttü̧ kuä̧nü̧mä̧, ja̧'a̧tä̧ kuätukui; jä̧kuȩpä̧rä̧tu̧kuo̧ka̧'a̧tä̧, kkoro kuamükuädätuku juiyäkua'anü̧.

1 Timoteo 6:5

ja̧'wa̧ta̧nü̧ tta̧mü̧kuädü jui'ätuku, isopäi'ünä̧ wȩnȩ'i̧nä̧ jerupätuku, ja̧'wa̧ta̧nü̧ Dio-rü esetäkuäwämä̧ pärätä rü̧ȩnä̧ ȩmä̧wä̧ pä'ü amükuädü 'kuäopünä̧ rowäwätü, juätüttümä̧ 'kȩ'i̧pä̧chi̧.

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

Hebreos 12:15

Adiu topäkuäu kka̧kuä̧tu̧kui̧, Dio rettü iyümä̧ ya̧tȩ'i̧nä̧ ku̧ja̧kui̧'ä̧tu̧kuo̧ka̧'a̧ kuȩmä̧tu̧kuä̧kua̧'a̧nü̧; pä̧i̧ jakuänä̧ ȩki̧pa̧'a̧ püttächi'ü ttoepomȩnä̧, rekuätürü surojuoepü juiyäkua'anü̧.