Biblia Todo Logo
Bib sou entènèt

- Piblisite -




Tito 1:11 - Nuevo Testamento Uwotjüja

11 Juätürümä̧ ttu̧wo̧juȩta̧'a̧nä̧ ja̧'a̧tä̧mä̧ to'kuätukuä; juätümä̧ ttü̧ja̧rü̧mä̧ o'katoi'ünä̧rü̧ jerutu ikutä, ja̧'wa̧ta̧nü̧ pärätä ttȩma̧ pä'ütä jȩpä̧tü̧.

Gade chapit la Kopi

TÄ̧DO Ä̧CUÄ̧ I̧HUȨNȨ

11 Ja̧'hua̧nö̧ ttucuocuomenä, ttö'coruchi'a pä'ö huettä̧u̧. Jahuätörö ä̧ju̧cu̧, recuätömä ttamönä ttahuaruhuäcu rohuähuätö. Jahuätömä yapareu huo̧juȩtä̧tö̧ pärätä ttȩma̧ pä'ö.

Gade chapit la Kopi




Tito 1:11
22 Referans Kwoze  

Isopäi'ünä̧ juätümä̧, odewiyänä̧ dodepü ja̧'wa̧ta̧nü̧ surojü rü̧ä̧nä̧ ttu̧ju̧nä̧ra̧'a̧ nä̧tü̧ ttidepä kkü'kekuä̧u̧ tta̧mi̧ 'kuä'ätürü yaparewätü isotü ja̧'a̧,


ja̧'wa̧ta̧nü̧ tta̧mü̧kuädü jui'ätuku, isopäi'ünä̧ wȩnȩ'i̧nä̧ jerupätuku, ja̧'wa̧ta̧nü̧ Dio-rü esetäkuäwämä̧ pärätä rü̧ȩnä̧ ȩmä̧wä̧ pä'ü amükuädü 'kuäopünä̧ rowäwätü, juätüttümä̧ 'kȩ'i̧pä̧chi̧.


Ja̧'wa̧nü̧ ja̧'a̧nä̧ o'kajuiyünä̧ weäwä wȩnȩ päümä̧, jua̧u̧nä̧tä̧ ukuotü kka̧kuä̧tü̧rü̧ pä'a; o'katoi'ünä̧tä̧ ttü'koruchi'a pä'ü ja̧'wa̧ta̧nü̧ pi̧jä̧ o'kajuiyünä̧ kka̧kuä̧tü̧mä̧, Dio pä'aku, ttümä̧ su̧ro̧pa̧sä̧ pättäwa pä'ü.


Ya̧tȩ Dio-rü esetinä̧tü̧rü̧ 'kȩ'ttȩkuä̧chü̧nä̧ jȩpü̧rü̧mä̧, ya'utenä̧ jikuäu o'ka'a, todärenä̧ jikuäwomȩnä̧ üarodüttümä̧ juorümä̧ rä'epü ikuirü.


Isopäi'ünä̧ wȩnȩ ukuru u̧wo̧juȩti̧nü̧'a̧kuä̧ kkä̧wi̧, kkorotürü'i̧nä̧ ja̧u̧ adiwäjuei wȩnȩnä̧ ttesewächi'äkua'anü̧ ja̧'wa̧ta̧nü̧ to'ija̧'a̧ku̧ ukuokuätürü'i̧nä̧ ttesetipünä̧ ji'äwi.


Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.


¡Crito jäwä jueü wȩnȩ ttünä̧ kka̧'a̧ttü̧!, Acaya rȩjȩ pünä̧ ji'äu cheseumä̧ 'chottipokoku chä̧kua̧sä̧.


Ja̧'wa̧nü̧ jä̧ji̧ o'ka'amä̧, yabonü̧mä̧ jä̧ttȩpä̧ra̧rü̧ pä'okotü pinä̧tü̧.


Ja̧'wa̧nü̧ jo̧ka̧'a̧, mikuänä̧ aditü oweja-tü̧ ttu̧ru̧wa̧mä̧; chutä'i̧nä̧ ä̧ji̧mü̧ jo̧ka̧'a̧ttü̧, Robo ichi'omȩnä̧ tü'ipächü, i̧kui̧pä̧u̧ru̧ pperetü iku Rowomä̧.


¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.


Ja̧'wa̧nü̧ ja̧'a̧nä̧ yajute rekua kki̧tti̧mü̧rü̧'i̧nä̧, ja̧'wa̧nü̧ jo̧ka̧'a̧ttü̧mä̧ kkü̧nä̧mu̧rü̧, kku̧nä̧rä̧ju̧mä̧, juätü jä̧kua̧'a̧, jawäjürü rekuä rü̧jü̧ ppättäda'anü̧ wotümä̧ ä̧kuo̧mȩnä̧ jitürütä tta̧'a̧rü̧, ppäjädinü̧ta̧'a̧nü̧. Pi̧yȩ ja̧'a̧ jȩtti̧ya̧rü̧ pä'ü Dio-rü pä̧wä̧rü̧jü̧mä̧.


Ja̧'wa̧ta̧nü̧ odewiyä kkorode pünä̧ kue'ächätü, ja̧'wa̧nü̧ kue'ächü ütäwächätü; suro ja̧u̧tä̧mä̧kü̧ suräjuei wȩnȩ'i̧nä̧ ukuokuätü ja̧'wa̧ta̧nü̧ kkorotü jäwänä̧ mȩ'o̧pä̧rü̧ ttukuoku juiyü'anü̧ jü̧ ukuokuätü.


juätümä̧ pä'ätü täkü tto'ächinä̧tü̧jä̧, ja̧'wa̧nü̧ pätta'anä̧ ja̧u̧mä̧ isopäi'ünä̧mä̧ jo̧ka̧'a̧, ja̧'wa̧nü̧ jȩpü̧ tti̧rȩbȩu̧mä̧ ji̧yȩtȩtä̧ ja̧'a̧, ttü̧ja̧rü̧ re'tetü ttikutä.


Swiv nou:

Piblisite


Piblisite