San Mateo 9:37 - Nuevo Testamento Uwotjüja

³⁷ Ja̧'wa̧nü̧ ji̧yä̧ku̧ u̧wo̧juȩtä̧u̧rü pä'inü̧: —Isopäi'ünä̧ u̧wä̧ju̧ jo̧mȩnü̧ jü̧mä̧ rü̧a̧'a̧nä̧, adikuä isotütä a̧'u̧ku̧nä̧ ja̧'a̧.

TÄ̧DO Ä̧CUÄ̧ I̧HUȨNȨ

³⁷ Ja̧'hua̧nö̧ ja̧'a̧ttö̧ u̧huo̧juȩtä̧u̧ru̧ pä'inödo: —Iso päi'önä täcö ttu̧ju̧ni̧na̧'a̧ jo̧mȩ päi'a'anä, adicuä ttö̧ja̧tä̧ toa'a.

San Mateo 9:37 Referans Kwoze

San Lucas 10:2

Ja̧'wa̧nü̧ ja̧'a̧ juätürü pä'inü̧: Isopäi'ünä̧ u̧wä̧ju̧ ka̧ka̧kuä̧kuȩmä̧ rü̧a̧'a̧nä̧, ka̧ka̧tä̧tü̧mä̧ a̧'u̧kuo̧tü̧tä̧ ja̧'a̧. Ja̧'wa̧nü̧ ja̧'a̧ttü̧, ukutumä̧ ka̧ka̧kuä̧kuȩ u̧wä̧ju̧ u̧ru̧wa̧rü̧ jä'epätukui, ttü̧ka̧ka̧tä̧kuo̧tü̧rü̧ weäkua'anü̧.

San Marcos 16:15

Ja̧'wa̧ta̧nü̧ päinä̧u̧: Pi̧jä̧ o'kajuiyünä̧ 'chä̧nü̧, o'katoi'ünä̧rü̧ jareü wȩnȩ ji'äwätukui.

1 Corintios 3:9

Isopäi'ünä̧ ujutumä̧, Dio aditäwätä adikuä isotüjä̧ ja̧'wa̧ta̧nü̧ ukutumä̧ Dio u̧kuȩ kuäwä jü̧nä̧, ojusode jü̧nä̧ wotüjä̧.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

Hechos 16:9

Ja̧'wa̧nü̧ ja̧'a̧ juorümä̧, Pauru-rü yodó i̧jȩkui̧na̧'a̧: ya̧tȩ Macedonia ttü̧ja̧ i̧sa̧ kkä̧nü̧ ajuäkuäwa'a: «Po Macedonia-ra̧'a̧ 'kuä'o'ü ppä'ädächitü ujuturu'i̧nä̧», pä'aku.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

1 Timoteo 5:17

Igresia-ttü a̧ci̧a̧nu̧ wotü adiu aditätümä̧, todäre jo̧mȩnä̧ mikuä ttȩma̧ pä'ü ja̧'a̧ ji̧nä̧somä̧ Dio i̧wȩnȩ ji'äu wo̧juȩtä̧tü̧rü̧ ja̧'a̧.

Colosenses 4:11

Ja̧'wa̧ta̧nü̧ Jesú, surojü jui̧'a̧ pättä'ijäku'i̧nä̧ teäwä̧u̧jä̧. Judío wotüttü, Dio i̧wȩnȩnä̧ chaditomȩnä̧ chesewuönä̧ ppä̧'ä̧dä̧rü̧ aditä'ijätümä̧ juätütä ja̧'a̧.

Hechos 18:10

Isopäi'ünä̧ ttümä̧ ukutäku kkü̧sä̧, ya̧tȩ'i̧nä̧ ukurumä̧ suronä̧ jȩpo̧kü̧ jä̧kua̧; pi̧yȩ ütawiyänä̧mä̧ rekuätü ttü chȩmi̧nä̧u̧ru̧ kku̧nä̧rü̧sä̧.

San Mateo 9:38

Ja̧'wa̧nü̧ ja̧'a̧ttü̧ u̧wä̧ju̧ jo̧mȩnü̧ jü̧ u̧ru̧wa̧rü̧ jä'epätukui, ka̧ka̧kuä̧ isotürü ttü̧ka̧ka̧ta̧ pä'ü weäkua'anü̧.

San Mateo 20:1

Mo̧ro̧jä̧ ru̧wa̧ weomȩmä̧ uwa pätta u̧ru̧wa̧, ji̧nä̧ yo̧ä̧i̧ ja̧'a̧ku̧ i'ätta ttaditäkua'a i̧mi̧tä̧kuä̧u̧ru̧ ukuoku i̧'chi̧nü̧'a̧nü̧ ja̧'a̧.

Santiago 5:4

Adikuä ttü̧ja̧ kui'ättatükuttü u̧wä̧ju̧ ka̧ka̧tü̧ aditinä̧tü̧mä̧ kuimitätukuokomȩ ji̧no̧mȩnä̧, chi̧mi̧täkuotüjä̧ päkuinä̧tukua'anä̧ kuyaparewinä̧tu̧kuä̧u̧mä̧, kuimitätukuatü pä'ü wotta'a Dio o'kajuiyünä̧ ju̧ru̧wa̧mä̧ ä̧ju̧kui̧nü̧.