San Mateo 9:36 - Nuevo Testamento Uwotjüja

³⁶ Ja̧'wa̧nü̧ ja̧'a̧ ttü̧ja̧ rekuätürü topü, rȩrü̧jü̧nü̧ toinä̧u̧, usurä ȩmä̧u̧ ttipperekuächini̧yä̧ku̧, oweja-tü̧ ttu̧ru̧wa̧ pató to'ätü 'kua̧rü̧nä̧ ttü̧ja̧kui̧yä̧ku̧.

TÄ̧DO Ä̧CUÄ̧ I̧HUȨNȨ

³⁶ Ttö̧ja̧rö̧ tomenä, re rö̧jö̧nä̧nö̧ toinä̧u̧do. Jahuätömä o̧vȩja̧stö̧ tta̧huä̧rä̧cuä̧huä̧ i̧sa̧ to'ätö jä̧'i̧nö̧'a̧nö̧ 'cuä'ächi'ö tta̧'cua̧ tta̧'ȩcu̧nu̧ cue'ächinätödo.

San Mateo 9:36 Referans Kwoze

San Marcos 6:34

Jesú-mä̧ woi'kattü mȩyȩwi̧'ü̧ ttü̧ja̧ rekuätürü topinü̧; oweja-tü̧ ttu̧ru̧wa̧ to'ätü jä̧'i̧nü̧'a̧nü̧ ttü̧ja̧kua̧'a̧, toomȩnä̧ rȩrü̧jä̧chi̧'ä̧ku̧ kkä̧mä̧dü̧ rü̧ȩnä̧ wo̧juȩti̧nü̧.

San Mateo 14:14

Jesú-mä̧ woi'kattü i̧mȩyȩwi̧'o̧mȩnä̧ ttü̧ja̧ rekuätü ttü̧ja̧kua̧'a̧ topinü̧; to'omȩnä̧ rȩrü̧jä̧chi̧'ä̧ku̧ na̧nȩpä̧tü̧ tti̧'chä̧chä̧jä̧u̧ru̧ aditü ikuinü̧.

San Mateo 15:32

Jesú-mä̧ u̧wo̧juȩtä̧u̧rü wopo'ü pä'inü̧: —Täkü wäbodäkuä mo̧ro̧ päi'ünä̧ ttüku ttü̧jä̧ja̧'a̧, ttu̧kuȩ juiya'a topü pitü ttü̧ja̧rü̧ rȩrü̧jü̧ topüsä. Ttukua ppäinä̧mä̧ ttojusodera̧'a̧ tti̧wa̧ pä'ümä̧ wedü juiyü'anü̧ jä̧ku̧sä̧ ja̧'wa̧nü̧ wedüttümä̧ mä̧nä̧ttü̧ ttidiyawächi'ü 'kua̧ra̧'a̧.

San Mateo 15:24

Pättäku Jesú-mä̧ pä'inü̧. —Dio-mä̧ juätürümä̧ weäwiokoku pinü̧sä̧, Irae ttü̧ja̧ oweja-tü̧ re'tewächinä̧tü̧rü̧tä̧ ja̧'a̧tȩ'ü̧ weinä̧ku̧sä̧.

Hebreos 5:2

Jua'amä̧ sacerdote'i̧nä̧ ttü̧ja̧ i̧sa̧ ja̧'a̧ttü̧ a̧mi̧ 'kuä'ü, re ü̧ja̧ pä'ü ja̧'a̧ jerupü surojuo'ächinä̧tü̧rü̧;

Hebreos 4:15

Isopäi'ünä̧ ujutu tijuiyüwa'a rettü ppädü'anü̧ wa̧mä̧ to'ätüjä̧ ukuo i̧sa̧ sacerdote-tü̧ ttu̧ru̧wa̧mä̧. Ja̧'wa̧nü̧ ja̧'a̧nä̧, Jua̧u̧tä̧tä̧ ja̧'a̧, ujutu ta̧'a̧nü̧ wa̧rü̧ kka̧kuä̧mȩ'ü̧ toinä̧ku̧mä̧; ja̧'wa̧nü̧ ja̧'a̧nä̧ yoriso surojümä̧ jȩpo̧kü̧ pinü̧.

San Mateo 10:6

pärokua'aku, Iraettü oweja-tü̧ re'tewächinä̧tü̧ ttü̧ja̧kua̧'a̧tä̧ tätukui.

San Marcos 8:2

—Pitü ttü̧ja̧rü̧ rȩrü̧jü̧ tochünä̧ jä̧ku̧sä̧, wäbodäkuä mo̧ro̧ päi'ünä̧ ttüku ttü̧ja̧kua̧'a̧nä̧, ttu̧kuȩ juiyiyäku.