San Mateo 9:35 - Nuevo Testamento Uwotjüja

³⁵ Jesú-mä̧ bäreu ütawiyänä̧'i̧nä̧, ppo̧ü̧ ütawiyänä̧'i̧nä̧, sinagogas odewiyä pünä̧ kue'ächü wo̧juȩti̧nü̧. Jareünä̧ Ru̧wa̧ Dio weü wȩnȩ wo̧juȩtü̧mä̧, na̧nȩttü̧mä̧ o'kajuiyünä̧ aditü iku kkä̧nü̧, ubara ttu'u na̧nȩttü̧'i̧nä̧, o'kajuiyünä̧tä̧ aditü ikuinü̧.

TÄ̧DO Ä̧CUÄ̧ I̧HUȨNȨ

³⁵ Jesús o'ca juiyönä ötahuiyänä cue'ächö huo̧juȩti̧nö̧do judíos ttu̧huo̧jui̧'i̧nodehuiyänä. Dios Ru̧hua̧ päi'önä ö̧jä̧cuȩ huȩnȩ ji'ähuinödo. O'ca juiyönä märichei'inä, ubara'inä aditö icuinödo.

San Mateo 9:35 Referans Kwoze

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

San Marcos 6:56

Ja̧'wa̧ta̧nü̧ o'kajuiyünä̧ doächomȩ pünä̧mä̧ ütawiyä ppo̧ü̧nä̧'i̧nä̧, bäreunä'i̧nä̧, yodekunä̧tä̧ wȩjo̧mȩ'i̧nä̧, mä̧ni̧yä̧nä̧ na̧nȩpä̧tü̧rü̧ rütü jä̧'ȩpä̧ri̧nä̧tü̧ suro ü̧'ka̧tä̧wä̧ta̧nä̧tä̧ mȩtta̧'a̧nä̧ weatü pä'ü; mȩ'ä̧tü̧mä̧ o'katoi'ünä̧ ttumä̧richeittümä̧ pȩji̧pi̧nä̧tü̧.

San Mateo 11:5

Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.

San Lucas 13:22

Jesú-mä̧ Jerusarȩ́ ütawiyära̧'a̧ku̧ 'chä̧nü̧ kkä̧nü̧, ütawiyä ppo̧ü̧nä̧'i̧nä̧, rü̧o̧mȩ pünä̧'i̧nä̧ wo̧juȩti̧nü̧.

Hechos 2:22

Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧.

San Marcos 6:6

Ja̧'wa̧nü̧ ja̧'a̧ttü̧, Jesú-mä̧ churutä ttesetokoku rü̧ȩnä̧ amükuädinü̧. Jesú-mä̧ kue'ächü wo̧juȩti̧nü̧ o'kajuiyünä̧ ütawiyä tü'künä̧nü̧ kka̧ku̧nä̧mä̧.

San Mateo 11:1

Jesú-mä̧ u̧wo̧juȩtä̧u̧ doce-nü̧ wotürü jȩttä̧kuȩ wo̧juȩtü̧ kä'ädi'ü, juorü rä'opächü juätü ttidepiyura̧'a̧ ji'äu kkä̧nü̧, wo̧juȩtü̧ 'chi̧nü̧.

San Mateo 10:1

Ja̧'wa̧nü̧ ja̧'a̧ Jesú-mä̧, u̧wo̧juȩtä̧u̧ doce-nü̧ wotürü wopo'ü ttukuo iyinä̧u̧, epíritu-tu̧ suropätürü rä'epü ttikua pä'ü'i̧nä̧, na̧nȩttü̧ttü̧mä̧ o'kajuiyünä̧ aditü ttikua pä'ü'i̧nä̧, ubara ttu'u na̧nȩttü̧ aditü ttikua pä'ü'i̧nä̧, jü̧nä̧.

San Marcos 1:14

Ju̧a̧-rü̧ kärenä̧ ttütäji o'ka'a, Jesú-mä̧ Galirea rȩjȩra̧'a̧, jareünä̧ ru̧wa̧ Dio weü wȩnȩ ji'äu 'chi̧nü̧.