San Mateo 9:3 - Nuevo Testamento Uwotjüja

³ Ja̧'wa̧nü̧ pä̧i̧yä̧u̧, weäwä wȩnȩ wo̧juȩkuä̧ isotüttü yotüte ukuokuinä̧tü̧: ¿Däjéki̧ amükuädäkuäujä̧? Dio-rü, suronä̧tä̧ pä'ü.

TÄ̧DO Ä̧CUÄ̧ I̧HUȨNȨ

³ Ja̧'hua̧nö̧ ä̧ju̧cu̧ korotömä hueähuä huȩnȩ huo̧juȩtä̧tö̧mä̧ amöcuädinätödo: “Pidemä ucuocuomenä, suronä pä'ö Diosrö.”

San Mateo 9:3 Referans Kwoze

San Mateo 26:65

Ja̧'wa̧nü̧ päiyäku, sacerdote wotü ttu̧ru̧wa̧mä̧, a̧mi̧surächi'äku, ü̧'ka̧tä̧wä̧ta̧ sȩro̧ku̧nu̧ pä'inü̧: —¡Dio-rü suronä̧, to'ija̧'a̧ku̧ pä'üjä̧! ¡Täkü kkorotü pide ütü'kü jittäwa pä'ümä̧ rekuä rü̧jo̧ka̧'a̧! Ukututä ä̧ju̧kuä̧tü̧jä̧ suronä̧ päümä̧,

San Lucas 5:21

Ja̧'wa̧nü̧ pä̧i̧yä̧u̧, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧ ukuokuinä̧tü̧: ¿Díjä̧ttü̧ ja̧'wa̧nü̧ Dio-rü suronä̧ pä'ümä̧? ¡suronä̧ jȩttü̧ jȩpü̧ iku Dio-mä̧, ya̧tȩtä̧ ja̧'a̧!, pä'ü

San Marcos 14:64

Dio-rü suronä̧ pä'amä̧ ä̧ju̧kuä̧tü̧jä̧; ¿toku päkuätukuättü̧? Ja̧'wa̧nü̧ ja̧'a̧ttü̧, isopäi'ünä̧ wa'ü ikua pä'ütä wa̧, pä'ü kku̧ni̧nä̧tü̧.

San Marcos 7:21

Jua'amä̧, ttü̧ja̧ tta̧mi̧ iso'kittütä räopa'a suronä̧ amükuädäkuäwämä̧, nä̧tü̧ku̧'i̧nä̧, u̧mä̧tu̧ku̧'i̧nä̧ jȩä̧'chä̧kuä̧wä̧mä̧, nä̧u̧kuä̧rä̧kuä̧wä̧mä̧, ttü̧ja̧rü̧ kuä'ü ikuäwämä̧,

San Mateo 7:29

Jua'amä̧ ukuo kkü̧nä̧ u̧wo̧juȩto̧mȩnä̧, tturuwotü weäwä wȩnȩ wo̧juȩtä̧tü̧'i̧nä̧ ttu̧wo̧juȩto̧ko̧mȩ jä̧'i̧jo̧mȩnä̧.

San Marcos 3:28

Isopäi'ünä̧ pä'üsä ukuturu: o'kajuiyünä̧tä̧ ttü̧ja̧ suronä̧ jȩttä̧'i̧ja̧'a̧nä̧'i̧nä̧, suronä̧ ttukuokuä'ija'anä̧'i̧nä̧, surojü jui'ätü jü̧nä̧ Dio-mä̧ jȩpü̧ i̧kuä̧kua̧.

San Marcos 3:29

Ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ pä'ätürümä̧, suronä̧ jȩttä̧'i̧jü̧mä̧ yorisotä surojü jui'ätü jü̧nä̧mä̧ jȩpü̧ ikuäwokotü ttäkuotü ja̧'wa̧nü̧ ja̧jü̧ jueimä̧ 'kuä'opünä̧ usurä ttȩmä̧wa̧ pä'ütätä jȩpü̧ kkü̧nä̧wä̧kuo̧tü̧.