San Mateo 9:26 - Nuevo Testamento Uwotjüja

²⁶ Jua̧u̧ jȩä̧ji̧mä̧, juä̧jä̧nä̧ kka̧kuä̧tü̧mä̧ o'katoi'ünä̧tä̧ ukuowa'a ä̧ju̧kui̧nä̧tü̧.

TÄ̧DO Ä̧CUÄ̧ I̧HUȨNȨ

²⁶ Ja̧'hua̧nö̧ jȩo̧mȩnä̧, o'ca toi'önä ju̧huȩnȩ tö'cönänö ka̧cuä̧tö̧mä̧ ä̧ju̧cui̧nä̧tö̧do ja̧u̧ jȩö̧mä̧.

San Mateo 9:26 Referans Kwoze

San Mateo 4:24

Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

San Marcos 1:45

Ja̧'wa̧nü̧ ro̧ȩpä̧jä̧ku̧mä̧, juorü rä'opächü o'katoi'ünä̧rü̧ churutä 'kuäopäjimä̧ ji'äwä'chinü̧. Ja̧'wa̧nü̧ jo̧mȩnä̧, Jesú-mä̧ wäjunä̧, ütawiyäpünä̧mä̧ doächü juiyünä̧ jä̧ku̧, ttü̧ja̧ tometä̧ kkä̧'chi̧nü̧. Ja̧'wa̧nü̧ ja̧'a̧nä̧ ttidepiyu pünä̧, o'katoi'ünä̧tä̧ ka̧ka̧ku̧ topü ttichinä̧ku̧.

Hechos 26:26

Pi̧yȩ chukuokumä̧ wo̧jua̧ ru̧wa̧ rey Agripa-mä̧ ja̧'wa̧nü̧ ja̧'a̧ttü̧ wäjuönä̧ ukuokusä; pi̧yȩ tü'kü yä̧u̧nä̧ jü̧mä̧ juiya'a, o'kajuiyünä̧ u̧wo̧juö̧tä̧ ja̧'a̧.

San Marcos 6:14

Ru̧wa̧ Rey Herode-mä̧ Jesú ütü'kü rü̧ȩnä̧ ukuowa'a ä̧ju̧kui̧nü̧. Yotukupünä̧mä̧ pä'inä̧tü̧, bautizo jȩä̧kuä̧wä̧ i̧sa̧ Ju̧a̧-mä̧ tto'ächäji ja̧'wa̧nü̧ ja̧'a̧ttü̧ ujuru kku̧nä̧rü̧ jȩttü̧ juiyünä̧ jü̧'i̧nä̧ jȩa̧'a̧mä̧.

San Mateo 9:31

Ja̧'wa̧nü̧ päja'anä̧, yotäku rä'opächü, Jesú jȩä̧ji̧mä̧ juä̧jä̧nä̧mä̧ o'kajuiyünä̧ ukuounä̧ ji'äwinä̧tü̧.

San Marcos 1:28

Ja̧'wa̧nü̧ aditomȩnä̧, yotäku, Jesú ütü'kümä̧ Galirea rȩjȩ o'kajuiyünä̧ ukuowi'ina̧'a̧.

San Lucas 4:14

Jesú Epíritu Sa̧tu̧ jo̧mȩnü̧ wa̧ Galirea rȩjȩra̧'a̧ku̧ ppa̧wä̧chi̧'a̧ja̧'a̧, o'katoi'ünä̧ juȩnȩ ütawiyä jäyänä̧ kka̧kuä̧tü̧ jua̧u̧ ütü'kü ukuowa'a ä̧ju̧kui̧nä̧tü̧.

San Lucas 4:37

Ja̧'wa̧nü̧ aditomȩnä̧, Jesú ütü'kümä̧ Galirea rȩjȩ o'kajuiyünä̧tä̧ ukuowi'ina̧'a̧.

San Lucas 5:15

Ja̧'wa̧nü̧tä̧tä̧ Jesú ütü'kümä̧ yabokunü̧ ukuowächina̧'a̧. Ttü̧ja̧ rekuätü ka̧ka̧kui̧nä̧tü̧ ttä̧ju̧kua̧rü̧ pä'ü'i̧nä̧, ttumä̧richeittü aditü ikuatü pä'ü'i̧nä̧, jü̧nä̧.

San Lucas 7:17

Ja̧'wa̧nü̧ jä̧ja̧'a̧mä̧, Jesú ütü'kümä̧ Judea rȩjȩmä̧ o'kajuiyünä̧tä̧ ja̧'wa̧ta̧nü̧ jäyä rȩjȩnä̧'i̧nä̧ o'kajuiyünä̧tä̧ ukuowi'ina̧'a̧.