San Mateo 9:22 - Nuevo Testamento Uwotjüja

²² Ja̧'wa̧nü̧ jä̧ku̧ Jesú-mä̧ aboja̧'a̧ku̧ kkärächi'ü, topü päinä̧kua̧: —Chittiju esewipi, kua̧'u̧ ku̧wȩnä̧ro̧mȩttü̧ na̧kuä̧chü̧ttü̧mä̧ pi̧'ä̧jä̧ju̧jä̧. Päüta'anü̧, yotäku na̧ja̧chä̧'i̧jü̧ttü̧mä̧ pi̧'i̧nä̧ju̧.

TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ mȩja̧'a̧, Jesús kärächi'ö jahuäjuru topö päinäcuado: —Esehui, chittiju. Ucu cueseta'attö, aditö chicuäjäcujä. Iso päi'önä Jesús päji ta'anö yotäcu pi̧'i̧nä̧ju̧do.

San Mateo 9:22 Referans Kwoze

San Lucas 7:50

Ja̧'wa̧nü̧ ja̧'a̧nä̧, Jesú-mä̧ yabonü̧ juäjuru pä'inü̧: —Kua̧'kua̧ ku̧wȩnä̧ro̧mȩttü̧ kki̧'ä̧ju̧jä̧. Wȩnȩ juiyünä̧tä̧ täi.

San Mateo 15:28

Ja̧'wa̧nü̧ ja̧'a̧ Jesú-mä̧ päinä̧kua̧: —¡Isoo tta̧'kua̧ wȩnä̧rä̧kuä̧wä̧ rü̧ȩnä̧ kku̧nä̧rä̧ju̧jä̧ttü̧! jua̧u̧nu̧mä̧ kuju'komȩnä̧ 'kuäopä̧kua̧jä̧. Päomȩnä̧, kkittijumä̧ jua̧u̧tä̧ hora-nä̧ na̧jä̧chä̧ji̧ttü̧mä̧ pi̧'i̧nä̧ju̧.

San Mateo 9:2

Jua'atä ü̧ja̧'a̧, ya̧tȩ parárisi na̧'ä̧chü̧rü̧ cama-bänä̧ ü̧'a̧'a̧ i'kächipinätü̧; ja̧'wa̧nü̧ tta̧'kua̧ ttu̧wȩnä̧ra̧'a̧ topü Jesú-mä̧ na̧'ä̧chü̧rü̧ pä'inü̧: —Kua̧'kua̧ tta̧kuȩkuä̧ chi̧tti̧; suronä̧ jȩ'kuä̧'i̧jü̧mä̧ jȩpü̧ chikuäkujä̧.

San Lucas 18:42

Jesú-mä̧ päinä̧ku̧: —¡Jua̧u̧nu̧mä̧ pä'äji ji̧nü̧ta'anü̧ topi!, jua'amä̧ kua̧'kua̧ ku̧wȩnä̧ro̧mȩttü̧ pi̧'i̧pü̧jä̧.

San Lucas 17:19

Pä'ü kä'ädü jua̧u̧ru̧ pä'inü̧: —Ä̧rä̧mi̧'ü̧ täi; kua̧'kua̧ ku̧wȩnä̧ro̧mȩttü̧ kumä̧richeittümä̧ pi̧'ä̧ji̧jä̧.

San Lucas 8:48

Juäjuru, Jesú-mä̧, pä'inü̧: —Chittiju, kua̧'kua̧ ku̧wȩnä̧ra̧'a̧ttü̧ pi̧'ä̧ju̧jä̧; wȩnȩ juiyünä̧tä̧ täi.

San Marcos 10:52

Päiyäku, Jesú-mä̧ päinä̧ku̧: —Täkü täi; kua̧'kua̧ ku̧wȩnä̧ro̧mȩttü̧ pi̧'i̧pü̧jä̧. Päüta'anü̧, ä̧to̧ka̧mä̧ yotäku, pä'äji ji̧nü̧ta'anü̧ toünä̧ päi'inä̧ku̧. Ja̧'wa̧nü̧ pi̧'ä̧ji̧'ka̧, Jesú-ku mä̧nä̧nä̧ 'chi̧nü̧.

San Marcos 5:34

Ja̧'wa̧nü̧ jijäwäku, Jesú-mä̧, päinä̧kua̧: —Chittiju, kua̧'kua̧ ku̧wȩnä̧ra̧'a̧ttü̧ na̧kuä̧chü̧ttü̧mä̧ pi̧'ä̧ju̧jä̧. Kua̧'kua̧ tta̧kuȩkuo̧ka̧'a̧ täi, täkü kumä̧richeittümä̧ pi̧'ä̧jä̧ju̧jä̧.

San Mateo 9:29

Ja̧'wa̧nü̧ ja̧'a̧ Jesú tti'ärenä̧ mȩ'ü̧ päinä̧u̧: —Kua̧'u̧ ku̧wȩnä̧rä̧tu̧ku̧'a̧kuä̧, jua̧u̧nu̧mä̧ jä̧u̧jä̧.

Hechos 16:18

Ja̧'wa̧nü̧tä̧ jȩpi̧nä̧ju̧ rekuäinä̧ mo̧ro̧ ja̧'wa̧nü̧ jȩji̧yä̧ku̧ Pauru-mä̧ kkärächi'ü, juäjunä̧ kkü̧ epíritu su̧ro̧pa̧rü̧ pä'inü̧: —Jesucrito i̧mi̧nä̧ wedäkujä̧, juäjuttümä̧ räkuopächa pä'ü. Ja̧'wa̧nü̧ päomȩnä̧, yotäku rä'opächinü̧, epíritumä̧, juäjuttümä̧.

San Juan 4:53

Ja̧'wa̧nü̧ jittäwa'a ä̧ju̧ku̧, jä'omä̧ wo̧jui̧'i̧nü̧, jua̧u̧ hora-nä̧ jä̧ja̧'a̧: kui̧tti̧mä̧ täkü na̧'ä̧cho̧kü̧ täi, Jesú päji hora jä̧ja̧'a̧dä̧ pä'ü. Ja̧'wa̧nü̧ ja̧'a̧ttü̧ i̧tti̧mü̧ku̧ o'katoi'ünä̧ Jesú-ru esetü ikuinü̧.

Hebreos 4:2

Isopäi'ünä̧ ujutu'i̧nä̧ juätü Irae ttü̧ja̧ Egito-ttü rä'opinä̧tü̧ ji̧nü̧ta'anü̧ jareü adiwä wȩnȩ jittäwi̧nä̧u̧jä̧; ja̧'wa̧nü̧ ja̧'a̧nä̧ juätürümä̧ ppädoka'a ji̧na̧'a̧ ä̧ju̧ku̧tä̧ ttä̧ju̧kuo̧mȩnä̧mä̧, esetü tta̧'kua̧ ttu̧wȩnä̧ro̧ko̧mȩnä̧mä̧.

Hechos 14:9

Pauru-mä̧ ukuokua'a ä̧ju̧kuä̧ri̧yä̧ku̧, toinä̧ku̧ ja̧'wa̧nü̧ toomȩnä̧ ü̧'i̧pü̧'a̧nü̧ a̧'kua̧ u̧wȩnä̧ri̧yä̧ku̧,

San Mateo 17:18

Ja̧'wa̧nü̧ ja̧'a̧, Jesú-mä̧ ujuruku weäku epíritu su̧ro̧pa̧mä̧ jua̧u̧ mü̧ä̧ya̧ttü̧ rä'opächinü̧, ja̧'wa̧nü̧ jo̧mȩnä̧ ji̧yȩtä̧ hora-nä̧tä̧ na̧wä̧chä̧ji̧ttü̧mä̧ pi̧'i̧nü̧.

San Mateo 8:13

Jua̧u̧ o'ka'a Jesú-mä̧ su̧ro̧do̧u̧ ttu̧ru̧wa̧rü̧ pä'inü̧: —Täkü kuojusodera̧'a̧ täi, kuesetäji'a̧kuä̧ 'kuäopä̧kua̧jä̧. Päomȩnä̧ su̧ro̧do̧u̧ ttu̧ru̧wa̧ u̧mü̧wä̧ya̧mä̧, jua̧u̧nu̧tä̧ kkä̧mä̧dü̧ na̧wä̧chä̧ji̧mä̧ pi̧'i̧nü̧.