San Mateo 9:13 - Nuevo Testamento Uwotjüja

¹³ Jua̧u̧nu̧mä̧ wo̧jui̧pä̧jä̧tu̧kui̧, pa̧'a̧nü̧ pä'ijü tü'kü: «Rȩrü̧jü̧ toäkuäwätä pä̧wä̧rü̧jä̧ku̧sä̧, sacrificios jü̧nä̧ kuä'ü jȩ'kuä̧tu̧ku̧mä̧ kkü'koküsä» pä'ijomȩ. Isopäi'ünä̧ adiu jȩpä̧tü̧rü̧mä̧ ȩmü̧ ichokü pinü̧sä̧ ja̧'wa̧nü̧ ja̧jü̧ jueimä̧ suronä̧ jȩpä̧tü̧rü̧, surojüttü kättädächa pä'ü ichinü̧sä̧.

TÄ̧DO Ä̧CUÄ̧ I̧HUȨNȨ

¹³ Huȩyu̧cuä̧ Huȩnȩ päö ta'anö huo̧jui̧pö̧ tätucui. Ja̧u̧ huȩnȩ päa'a: “Koro juäi isotö ttucuoja sacrificios jȩcu̧'ä̧tu̧cua̧ pä'ocösä. Korotörötä re rö̧jö̧nä̧ tocu'ätucua pä'ösä.” Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä, pärocuäcutä ttamöcuäda pä'ö, —pä'inödo Jesús.

San Mateo 9:13 Referans Kwoze

San Marcos 2:17

Ja̧'wa̧nü̧ pätta'a ä̧ju̧ku̧, Jesú-mä̧ päinä̧u̧: —Na̧'ä̧cho̧ko̧tü̧mä jawapü ru̧wa̧rü̧mä̧ rekuä rü̧jo̧ko̧u̧, na̧'ä̧chä̧tü̧tä̧ jua̧u̧ru̧ rekuärü̧jä̧u̧mä̧. Ttümä̧, adiu jȩpä̧tü̧rü̧mä̧ ȩmü̧ ichokü pinü̧sä̧, surojü jȩpä̧tü̧rü̧ ȩmü̧ ichinü̧sä̧, Dio-ku ppa̧ttä̧cha̧ pä'ü.

San Lucas 19:10

Isopäi'ünä̧ ttü ubo I̧tti̧mä̧, to'e'ächinä̧tü̧rü̧ ȩmü̧ ichü kkä̧nü̧, ra̧wä̧pi̧jü̧ttü̧'i̧nä̧ rä'epü iku ichinü̧sä̧.

San Lucas 5:32

Ttümä̧ adiu jȩpä̧tü̧rü̧mä̧ ȩmü̧ ichokü pinü̧sä̧, pärokua'akutä surojü jȩpä̧tü̧rü̧, jua̧u̧ttü̧ kättädächa pä'ü ȩmü̧ ichinü̧sä̧.

San Mateo 12:7

Pa̧'a̧nü̧ päomȩ ku̧wo̧jui̧pä̧tu̧ku̧ttü̧mä̧ adiu'anü̧ ja̧'a̧: Rȩrü̧jü̧nü̧ toäkuäwätä kkü̧'ka̧sä̧, sacrificio jȩä̧kuä̧wä̧mä̧ kkü'koküsä, jü̧nä̧. Ja̧'wa̧nü̧ jü̧ttü̧mä̧, surojü jȩpo̧ko̧tü̧rü̧mä̧, suronä̧ pä'okotü pa̧ja̧tü̧jä̧.

2 Pedro 3:9

Tu̧ru̧wa̧ jȩa̧ päinü̧ jo̧mȩnü̧ päi'a pä'ümä̧ rekuodä'chokü, yotukunä̧ ttamükuäda'anü̧mä̧, ja̧'wa̧nü̧ ja̧jü̧jueimä̧ ukutukumä̧ tta̧mi̧ 'ki'ächi'äkuäwä kku̧nä̧rü̧, ja̧'wa̧nü̧ ja̧'a̧ttü̧ ya̧tȩ'i̧nä̧ wa'ü ikuamä̧ pä'okü, wa'ü ttikuajueimä̧ o'katoi'ünä̧tä̧ Dio-kutä ppa̧ttä̧cha̧tä̧ pä'ü.

Hechos 3:19

Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

San Mateo 3:2

Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

Hechos 5:31

Jua̧u̧ru̧mä̧ Dio-mä̧ u̧wo̧jua̧'a̧ku̧nä̧ rütäu, ru̧wa̧ päi'ünä̧ jȩpü̧ ra̧wä̧pi̧jü̧ttü̧ ttü̧ji̧pü̧nä̧ ppädäkuäwä i̧sa̧ päi'ünä̧ jȩi̧nä̧ku̧, Irae ttü̧ja̧rü̧ suronä̧ jȩttü̧ttü̧ kättädi'a pä'ü ja̧'wa̧ta̧nü̧ suronä̧ jȩttä̧'i̧jü̧ jȩpü̧ ikuatü pä'ü.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Mateo 4:17

Juorütä kkä̧mä̧dü̧ Jesú-mä̧, ji'äwinü̧: «Dio-ku ppa̧'ä̧chä̧tu̧kui̧, täkü Ru̧wa̧ Dio weümä̧ tü'kü ja̧'a̧,» jü̧nä̧.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

San Mateo 3:8

Isopäi'ünä̧, surojü käkuädi'ätukuttümä̧, tottünä̧ jȩpü̧ kka̧kuä̧tu̧kui̧,

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

San Mateo 21:42

Jesú-mä̧ päinä̧u̧: —¿Ukutumä̧ yorisotä, pa̧'a̧nü̧ pä'ijomȩmä̧, topokotü pä'ijätüjä̧ tä̧jí̧: Isode adikuä isotü kkü'kü jui'ü do'opü ttikuino'ki ido'kimä̧, ji̧nä̧so jueipo'ki, yo'kitä jü̧nä̧ pärowächina̧'a̧. Pi̧yȩmä̧ Tu̧ru̧wa̧tä̧ jȩi̧nü̧, ja̧'wa̧nü̧ ja̧'a̧ttü̧ teseunä̧ jäwä ja̧'a̧?

San Mateo 12:3

Pättäku ädätinä̧u̧: —¿Ukutumä̧, Dawi umüwäyotüku ya'utenä̧ ttukua ppä̧i̧ri̧jä̧u̧ jȩtti̧nü̧ wȩyu̧kuä̧'i̧jo̧mȩmä̧ topokotü pä'ijätüjä̧?

San Marcos 12:26

Ja̧'wa̧ta̧nü̧, wa'inä̧tü̧ ttottächü tü'kümä̧ ¿Moisé i̧wȩyu̧ti̧nä̧'tänä̧ ukuokuokotü pä'ijä̧tü̧jä̧ tä̧jí̧, zarza dau kuoa'anä̧, Dio: Ttütäsä Abraha̧'i̧nä̧, Isaa'i̧nä̧, Jaco'inä̧, Ttü̧ä̧nä̧wa̧mä̧, päino̧mȩ jä̧'i̧jo̧mȩmä̧?

San Juan 10:34

Pättäku, Jesú-mä̧ ädätinä̧u̧: —¿Ukuturu weäwä wȩnȩnä̧mä̧, päoka'a: «Ukutumä̧ ttü̧ä̧nä̧wo̧tü̧jä̧ pädäjä̧u̧jä̧»?

San Mateo 19:4

Pättiyäku Jesú-mä̧ ädätinä̧u̧: —¿Ukutumä̧ wȩyu̧kuä̧ wȩnȩnä̧, ä̧kuo̧mȩnä̧ uborü'i̧nä̧ isajuru'i̧nä̧ uwäbe'inü̧ pä'ijomȩmä̧ topokotü pä'ijätüjä̧ tä̧jí̧?

San Mateo 12:5

¿Ja̧'wa̧ta̧nü̧ sacerdote wotü'i̧nä̧ sawaru mo̧ro̧ aditümä̧ ttadita'anä̧, Moisé weinü̧nä̧mä̧, surojümä̧ jȩpo̧ko̧tü̧ pä'ijomȩmä̧ ukuokuokotü pä'ijätüjä̧ tä̧jí̧?

San Lucas 10:26

Jäepäku, Jesú-mä̧ ädätinä̧ku̧: —¿Weäwä wȩnȩnä̧mä̧, däjetä wȩyu̧tu̧ rütäwa'a jä̧'i̧jä̧ttü̧? ¿Tokutä kukuokuä'ijä̧ttü̧?

San Marcos 12:33

Isopäi'ünä̧, tta̧mi̧'iso'ki o'kajuiyünä̧, tta̧mü̧kuädü o'kajuiyünä̧, ttujuru o'kajuiyünä̧ ja̧'wa̧ta̧nü̧ tta̧mü̧nä̧ pa̧ja̧tü̧ repe'ü tteseäkuäuta̧'a̧nü̧ tta̧wa̧ru̧wa̧rü̧ repe'ü, Dio-rü eseäkuämä̧ sacrificios jȩpü̧, Holocausto jȩä̧kuä̧wä̧ttü̧'i̧nä̧ abonä̧nü̧ mikuäu ja̧'a̧.

San Lucas 5:31

Pättiyäku Jesú päinä̧u̧: Na̧'ä̧cho̧ko̧tü̧mä jawapü ru̧wa̧rü̧mä̧ rekuä rü̧jo̧ko̧u̧, na̧'ä̧chä̧tü̧tä̧ ja̧'a̧ jua̧u̧ru̧ rekuä rü̧jä̧u̧mä̧.