San Mateo 9:11 - Nuevo Testamento Uwotjüja

¹¹ Ja̧'wa̧nü̧ ukua'a topü, fariseo wotümä̧, Jesú u̧wo̧juȩtä̧u̧rü jä'epü ä̧ju̧kui̧nä̧tü̧: —¿Tta̧'a̧nü̧ pä'ü ku̧ru̧wa̧tu̧ku̧mä̧ Roma-ra̧'a̧ iyäwä pärätä ka̧ka̧tä̧'i̧jä̧tu̧ku̧'i̧nä̧, suronä̧ jȩpä̧'i̧jä̧tu̧ku̧'i̧nä̧ u̧kuȩmä̧ ukua'ajä̧ttü̧?

TÄ̧DO Ä̧CUÄ̧ I̧HUȨNȨ

¹¹ Korotö fariseos huotö ja̧'hua̧nö̧ ttucua'a topö, u̧huo̧juȩtä̧u̧ru̧ jä'epö ä̧ju̧cui̧nä̧tö̧do: —¿Tta̧'a̧nö̧ pä'ö ucua'attö cu̧ru̧hua̧mä̧ suronä jȩpä̧tö̧cu̧, ru̧hua̧ öäre pärätä ȩmä̧'i̧jä̧tö̧cu̧? —jä'epinätödo.

San Mateo 9:11 Referans Kwoze

San Mateo 11:19

Jua̧u̧nü̧ o'ka'a ubo I̧tti̧ ichinü̧ u̧kuȩ'i̧nä̧ kuäkuäwä i̧sa̧ ja̧'wa̧ta̧nü̧ au'i̧nä̧ awäwä i̧sa̧ pä'ätü, ja̧'wa̧nü̧ ichina̧'a̧mä̧ pä'ä'ijätü: Pidemä̧ 'kuäopünä̧tä̧ kuäkuäwä i̧sa̧, vino-tä̧ awäwä i̧sa̧, suronä̧ jȩpä̧'i̧jä̧tü̧tä̧ ja̧'wa̧ta̧nü̧ pärätä ka̧ka̧tä̧'i̧jä̧tü̧tä̧ tta̧wa̧ru̧wa̧tä̧ wa̧, jü̧nä̧. Ja̧'wa̧nü̧ ja̧'a̧nä̧ Dio iyü wo̧juä̧wä̧ wȩnȩmä̧ jȩttü̧ttü̧tä̧ topü wo̧juä̧wä̧ ja̧'a̧.

San Lucas 5:30

Ja̧'wa̧nü̧ ji̧yä̧u̧ fariseo wotümä̧ ja̧'wa̧ta̧nü̧ weäwä wȩnȩ wo̧juȩkuä̧ isotü'i̧nä̧ Jesú u̧wo̧juȩtä̧u̧rü ttüjü'kü juiyünä̧ jä̧u̧ pä'inä̧tü̧: —¿Tta̧'a̧nü̧ pä'ü ukutumä̧ impuesto ka̧ka̧kuä̧ isotüku, suronä̧ jȩä̧kuä̧wä̧ isotüku kuänü̧'i̧nä̧, au'i̧nä̧ pȩjä̧tü̧jä̧ttü̧?

San Marcos 2:16

Ja̧'wa̧nü̧, juätuku u̧kuȩ ukua'a topü, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧, Jesú u̧wo̧juȩtä̧u̧rü jä'epü ä̧ju̧kui̧nä̧tü̧: —¿Tta̧'a̧nü̧ pä'ü ku̧ru̧wa̧tu̧ku̧mä̧, pärätä ka̧ka̧kuä̧ isotüku'i̧nä̧, suronä̧ jȩpä̧'i̧jä̧tu̧ku̧'i̧nä̧, u̧kuȩmä̧ ukua'ajä̧ttü̧?

Hebreos 5:2

Jua'amä̧ sacerdote'i̧nä̧ ttü̧ja̧ i̧sa̧ ja̧'a̧ttü̧ a̧mi̧ 'kuä'ü, re ü̧ja̧ pä'ü ja̧'a̧ jerupü surojuo'ächinä̧tü̧rü̧;

Gálatas 2:15

Ujutumä̧ judío-jä̧ tuwäpächinü̧tä̧ päi'ünä̧, ja̧'wa̧nü̧ ja̧'a̧ttü̧ surojümä̧ jȩpo̧ko̧tü̧jä̧ judío pokotü jȩttü̧'a̧nü̧mä̧.

San Lucas 19:7

Ja̧'wa̧nü̧ jȩa̧'a̧ topü, ttü̧ja̧mä̧ o'katoi'ünä̧ ukuokuinätü̧: Toku pä'ü Jesú-mä̧, suronä̧ jȩä̧kuä̧wä̧ i̧sa̧ ojusodenä̧ do'ächa'attü̧ pä'ü.

2 Juan 1:10

Ya̧tȩ, ukuturu do'ächü ichü pi̧yȩ wo̧juȩkuä̧ wȩnȩ i'chächoka'a ichüttümä̧ kuojusodetukunä̧mä̧ do'ädü'i̧nä̧ te'äu'i̧nä̧ jü̧nä̧mä̧ jȩ'kuä̧tu̧kuä̧rü̧.

San Mateo 5:46

Isopäi'ünä̧ ukuturu adiu jȩpä̧tü̧rü̧tä̧ re kkä̧nü̧ kuesewätukuttümä̧, ¿Däje premio kuemä̧tu̧kuä̧kua̧'a̧jä̧ttü̧? jua̧u̧mä̧ jȩttä̧'i̧jü̧, Roma-ra̧'a̧ iyäwä pärätä ka̧ka̧tä̧tü̧'i̧nä̧.

San Mateo 9:10

Jua̧u̧nu̧tä̧ mo̧ro̧ Jesú-mä̧, u̧wo̧juȩtä̧u̧ku Mateo ojusodera̧'a̧ u̧kuȩ kuä̧nü̧ 'chi̧nü̧. Ja̧'wa̧nü̧ kuä̧nü̧ ü̧'o̧mȩnä̧ rekuätü Roma-ra̧'a̧ iyäwä pärätä ka̧ka̧tä̧'i̧jä̧tü̧'i̧nä̧, suronä̧ jȩttü̧ ukuotä'ijätü'i̧nä̧ jua̧u̧tä̧ku̧ ttu̧kuȩ kuä̧nü̧ pȩji̧nä̧tü̧.

Hechos 11:3

pättinä̧ku̧: —¿Tta̧'a̧nü̧ pä'ü, ukumä̧ circuncisión ukuotokotükumä̧ pä̧mä̧dü̧ kukua'ajä̧ttü̧?