San Mateo 8:4 - Nuevo Testamento Uwotjüja

⁴ Ja̧'wa̧ta̧nü̧ Jesú-mä̧ päinä̧ku̧: —Topittü̧, ya̧tȩrü̧'i̧nä̧ jikuäwoka'a, sacerdote wa̧rü̧tä̧ i̧jȩkuä̧ji̧ Moisé weinüta'anü̧ kuiäre ofrenda iyükkä̧nü̧, sacerdote-tü̧ ttu̧wo̧juä̧kua̧'a̧nü̧.

TÄ̧DO Ä̧CUÄ̧ I̧HUȨNȨ

⁴ Ja̧'hua̧ ja̧'a̧ Jesús päinäcudo: —Topittö. Yoröiso jicuhuähuä' korotörö. Ya̧tȩrö̧tä̧ sacerdoterötä, i̧jȩcuä̧ji̧. Juhua'atä 'chä̧nö̧, Moisés hueinömä iyi, ttö̧ja̧ tottacu cuttahuiyä märichei juiya'a, —pä'inödo Jesús.

San Mateo 8:4 Referans Kwoze

San Lucas 17:14

Wottäku, Jesú-mä̧ topo'ü päinä̧u̧: Sacerdote wotürü i̧jȩkuä̧jä̧tu̧kui̧. Ja̧'wa̧nü̧ wȩä̧jä̧u̧, tti̧'cho̧mȩ kkä'kottü, ttumä̧richeittümä̧ adiutä pȩji̧pi̧nä̧tü̧.

San Lucas 5:14

Ja̧'wa̧nü̧ ja̧'a̧ Jesú-mä̧ weinä̧ku̧: —Ya̧tȩrü̧'i̧nä̧ jikuäwoka'a, sacerdote wa̧ ä'ka jo̧mȩtä̧ i̧jȩkuä̧ji̧. Kuadiwächäja'a, ofrenda ȩpü̧ 'chä̧nü̧, Moisé weinü̧'a̧kuä̧. Juätü sacerdote wotü ttu̧wo̧juä̧kua̧'a̧nü̧.

San Marcos 7:36

Aditü kä'ädü, Jesú-mä̧, ya̧tȩrü̧'i̧nä̧ jittäu juiyü̧nä̧tä̧ weinä̧u̧; ro̧'ȩpü̧ wea'anä̧ yabonü̧tä̧ jittäwini̧yä̧ku̧.

San Mateo 9:30

Päomȩnä̧, tti'äremä̧ adiwächi'inä̧u̧. Ttadiwächäjiyäku Jesú-mä̧ ro̧'ȩpü̧ päinä̧u̧: —Yoriso, ya̧tȩrü̧'i̧nä̧ jikuäwätukuä.

San Marcos 6:11

Ja̧'wa̧ta̧nü̧ kkoromȩ kui̧'chä̧tu̧kuo̧mȩnä̧, ttojusodenä̧ dottädoka'a, ä̧ju̧ku̧'i̧nä̧ ttä̧ju̧ku̧ juiyüttümä̧, ku̧jä̧pü̧tu̧ku̧ i̧sa̧ppȩ ppüsäu kuikuätukuajä̧. Ja̧'wa̧nü̧ jȩ'kuä̧tu̧kuo̧mȩnä̧, ttu̧wo̧juä̧kuo̧tü̧.

San Marcos 5:43

Ja̧'wa̧nü̧ ja̧'a̧nä̧, Jesú-mä̧ ya̧tȩrü̧'i̧nä̧ jittäu juiyünä̧ we'ünü̧ ro̧ȩpi̧nä̧u̧, jua̧u̧ o'ka'amä̧ ji'chichawajurumä̧ ku̧kuȩ ttiya pä'ütä weinä̧u̧.

San Mateo 17:9

Ja̧'wa̧nü̧ jä̧ja̧'a̧ mü̧ä̧'kattü tti̧mȩyȩwo̧mȩnä̧, Jesú-mä̧ ro̧'ȩpü̧nü̧ päinä̧u̧: —I̧jȩkua̧'a̧ to'kuäjätukumä ya̧tȩrü̧'i̧nä̧ jikuäwätukuä, ubo I̧tti̧ wa'arettü ttoächomȩbü päi'ünä̧.

San Mateo 10:18

Jua'a yabonä̧ ttü jäwänä̧mä̧, ruwotü gobernadores ttä'ka'i̧nä̧, ruwotü tturuwotü ttä'ka'i̧nä̧, judío pokotü ttä'ka jo̧mȩ'i̧nä̧ ttȩpä̧kuä̧u̧jä̧ ttü jäwänä̧mä̧, juätürü jikuäwätukua pä'ü.

San Mateo 6:1

Ttü̧ja̧ ttä'kattü, juätü tottatü pä'ütä adiumä̧ jȩ'kuä̧tu̧ku̧ juiyü'anü̧ ja̧'a̧, ja̧'wa̧nü̧ jȩ'kuä̧tu̧ku̧ttü̧mä̧ Kuä'otuku mo̧ro̧jä̧ra̧'a̧ kkü̧mä̧ ji̧yȩtȩ premio'i̧nä̧ i̧yo̧ko̧u̧ kuäkuotüjä̧.

San Mateo 5:17

Weäwä wȩnȩ'i̧nä̧, profetas jittäwi̧nü̧'i̧nä̧ si'epü iku ichinü̧ pä'ümä̧ kuamükuädätukuättü̧, pärokua'aku jo̧mȩnü̧ mikuäwächünä̧tä̧ ji'äu ichinü̧sä̧.

San Juan 8:50

Ja̧'wa̧nü̧ ja̧'a̧nä̧ ttümä̧, churuwo adiu pättattü pä'oküsä; ya̧tȩ Dio-tä ja̧'a̧ jua̧u̧ pä'ümä̧, ja̧'wa̧nü̧ ja̧'a̧ttü̧ Jua̧u̧tä̧ ja̧'a̧ adiu ja̧ pä'ü'i̧nä̧, surojü jȩ'kuä̧tu̧kua̧ja̧ pä'ü'i̧nä̧ pä'ümä̧.

San Juan 7:18

Ya̧tȩ chutä a̧mü̧nä̧ pa̧ja̧tü̧ amükuädäkuäu ukuokumä̧, churutä tesewarü pä'ü usú ja̧'wa̧nü̧ ja̧'a̧nä̧, churutä we'inü̧rü̧ ttesewiyarü pä'ü usomȩnä̧mä̧, jueü wȩnȩtä̧ ukuoku, surojü jui'attü.

San Juan 5:41

Ttümä̧, ttü̧ja̧, ttürü adiu ttukuokuattümä̧ pä'oküsä.

San Lucas 21:13

Ja̧'wa̧nü̧ ja̧'a̧ttü̧, ji̧yȩnä̧tä̧ jikuäwätukuajä̧ ttü chütü'kümä̧.

San Marcos 8:30

Ja̧'wa̧nü̧ ädätäku, Jesú-mä̧ ro̧'ȩpü̧nü̧, ya̧tȩrü̧'i̧nä̧ jikuäwätukuä päinä̧u̧, chutä ütü'kü jittäu juiyünä̧tä̧.

San Mateo 16:20

Ja̧'wa̧nü̧ jä̧ji̧ o'ka'a Jesú-mä̧ u̧wo̧juȩtä̧u̧rümä̧ ya̧tȩrü̧'i̧nä̧ jittäu juiyünä̧tä̧ ro̧'ȩpi̧nü̧, jua̧u̧tä̧ jä̧ja̧'a̧ Crito-mä̧ pä'ümä̧.

San Mateo 3:15

Päomȩnä̧, Jesú-mä̧ ädätinä̧ku̧: —Jitätämä̧ wä̧i̧nä̧ja̧'a̧ Dio weinü̧tä̧ jȩta̧ pä'i. Päomȩnä̧, Ju̧a̧-mä̧ «ye pä'ü esetinä̧ku̧.»

San Marcos 13:9

Ja̧'wa̧nü̧ ukututä'i̧nä̧, tta̧'a̧rä̧kuä̧u̧ kka̧kuä̧tu̧kui̧; isopäi'ünä̧, ruwotürü iyü ttikuäkuä̧u̧jä̧ ja̧'wa̧ta̧nü̧ sinagoga odewiyättü kuäkuättäkuä̧u̧jä̧. Ttü jäwänä̧mä̧, gobernador ruwotü ttä'ka jo̧mȩ'i̧nä̧, rȩjȩ ruwotü ttä'ka jo̧mȩ'i̧nä̧ ttȩpä̧kuä̧u̧jä̧; ttü chütü'kü juätürü jikuäwätukua pä'ü.

San Marcos 3:12

Ja̧'wa̧nü̧ ja̧'a̧nä̧ ttü̧ja̧ ttu̧wo̧jui̧pü̧ juiyünä̧ Jesú-mä̧, pä̧i̧ku̧nä̧ ro̧ȩpä̧ri̧nä̧u̧.

San Marcos 9:9

Ja̧'wa̧nü̧ 'kuäopäji o'ka'a, mü̧ä̧'kattü tti̧mȩyȩwo̧mȩnä̧ Jesú-mä̧ tottäji ya̧tȩrü̧'i̧nä̧ jittäu juiyünä̧tä̧ ro̧ȩpi̧nä̧u̧, Chutä, Ubo I̧tti̧ ttoächomȩbü päi'ünä̧.

San Lucas 4:41

Ja̧'wa̧ta̧nü̧ rekuätü epíritu-tu̧ rä'äkuäu wopinä̧tü̧: ¡Ukumä̧ Dio i̧tti̧jä̧! pä'ü wottäku, Jesú-mä̧ wottü juiyünä̧tä̧ ra̧wä̧rü̧nü̧ wȩo̧ko̧u̧ pinä̧tü̧, Chujuamä̧ Crito ja̧'a̧ pä'ü ttu̧wo̧juä̧ku̧.

San Lucas 8:56

Ja̧'wa̧nü̧ päia'a topü kkä'o'i̧nä̧, kka̧ju̧'i̧nä̧, too to̧pä̧ri̧nä̧tü̧; ja̧'wa̧nü̧ ja̧'a̧nä̧ Jesú-mä̧ ya̧tȩrü̧'i̧nä̧, jua̧u̧ 'kuäopäjimä̧ jittäu juiyünä̧tä̧ we'ü u̧ju̧ni̧nä̧u̧.

San Lucas 9:21

Ja̧'wa̧nü̧ ja̧'a̧nä̧, Jesú-mä̧ pi̧yȩ tü'kümä̧, ya'utekutä ya̧tȩrü̧'i̧nä̧ jittäu juiyünä̧tä̧ weinä̧u̧.