San Mateo 8:27 - Nuevo Testamento Uwotjüja

²⁷ Ja̧'wa̧nü̧ ji̧yä̧u̧, u̧wo̧juȩtä̧u̧mä̧ ukuokuäkuäwinä̧tü̧, —¿Pidemä̧, dí ja̧'a̧jä̧ttü̧, juiyo kkä̧rü̧'koppa'i̧nä̧, rü̧ä̧ dubora'i̧nä̧ ukuotäkumä̧?

TÄ̧DO Ä̧CUÄ̧ I̧HUȨNȨ

²⁷ U̧huo̧juȩtä̧u̧mä̧ ja̧u̧ru̧ to̧pä̧rö̧ ka̧cui̧nä̧tö̧do. Pä'inätödo: —Ja̧'hua̧nö̧ jȩpö̧mä̧, kä̧ro̧'coppa'inä, ajiya'inä päö ta'anö päi'iyäcumä, ¿tta̧'a̧nö̧ hua̧jä̧ttö̧? —pä'ö amöcuädinätödo.

San Mateo 8:27 Referans Kwoze

San Marcos 7:37

Isoo pä'ü kkä̧nü̧ pä'inä̧tü̧; o'kajuiyünä̧tä̧ adiu jȩpü̧, ä̧ju̧kuo̧ko̧tü̧rü̧'i̧nä̧ ttä̧ju̧ku̧nä̧tä̧ ja̧'wa̧ta̧nü̧ tti̧wȩnȩ jui'ätürü'i̧nä̧ ttukuokunä̧tä̧ jȩa̧'a̧ttü̧, pä'inä̧tü̧.

San Marcos 6:51

Pä'ü kkä̧nü̧ ttü̧'ȩjä'kanä 'cha'ächi'ü ü̧'ä̧mä̧do̧mȩnä̧, kkä̧rü̧'koppamä̧ wirochi'ina̧'a̧; ja̧'wa̧nü̧ ji̧yä̧u̧ too to̧ttä̧rä̧kuä̧u̧nä̧tä̧ ji̧nä̧u̧.

San Marcos 1:27

Jua̧u̧ topü, o'katoi'ünä̧, ye'ünä̧nü̧, yotukunä̧ jä̧'ȩpä̧rä̧kuä̧wi̧nä̧tü̧: —¿Pi̧yȩmä̧ däjejä̧ttü̧? ¿Jareünä̧ kkä̧kuä̧wä̧ u̧wo̧juȩtü̧mä̧? ja̧'wa̧ta̧nü̧ ¿ujuruku weümä̧? ¿juiyo, epíritu suropätü'i̧nä̧ ttukuotünä̧ weümä̧?

San Mateo 15:31

Ttü̧ja̧mä̧ to̧o̧ to̧ttä̧rü̧nä̧tä̧ päi'ünä̧ ukuokuokotü päjätümä̧ ukuokuinä̧tü̧, ttidepättü ji̧yȩtȩ jui'ätü'i̧nä̧ adiwächinä̧tü̧, ppi̧sä̧ ppi̧sä̧ 'chä̧jä̧tü̧'i̧nä̧ adiu kue'ächinä̧tü̧ ja̧'wa̧ta̧nü̧ ä̧to̧kä̧jä̧tü̧'i̧nä̧ topinä̧tü̧. Ja̧'wa̧nü̧ ji̧yä̧u̧ Irae ttü̧ja̧ ttü̧ä̧nä̧wa̧ Dio-rütä esewinä̧tü̧.

San Mateo 14:33

Woi'kanä̧ pȩjä̧tü̧mä̧ Jesú ä'ka jo̧mȩ ttiwe'kiyunä̧ kka̧kuä̧mü̧ pä'inä̧tü̧: —¡Isopäi'ünä̧tä̧ ukumä̧ Dio I̧tti̧jä̧!

San Mateo 8:10

Ja̧'wa̧nü̧ pä'a ä̧ju̧ku̧, Jesú-mä̧ rü̧ȩnä̧ amükuädünü̧ chutäku 'chä̧tü̧rü̧ pä'inü̧: —Isopäi'ünä̧ pädäu̧jä̧, Iraettümä̧ ya̧tȩrü̧'i̧nä̧ po̧kui̧po̧kü̧ pä'ijüsä, pa̧'a̧nü̧ rü̧ȩnä̧ a̧'kua̧ wȩnä̧rü̧rü̧mä̧.

San Mateo 8:26

Pättäku päinä̧u̧: —¿Tta̧'a̧nü̧ pä'ü yekuekuätukua'ajä̧ttü̧, ukutumä̧, Dio-rümä̧ kua̧'kua̧ wȩnä̧ro̧ko̧tü̧jä̧ tä̧jí̧? Pä'ü kkä̧nü̧, ä̧rä̧mi̧'ü̧ kkä̧rü̧'kopparü'i̧nä̧, rü̧ä̧ duborarü'i̧nä̧ ujuruku woi'omȩnä̧ o'kajuiyünä̧tä̧ wirochi'ina̧'a̧.

San Mateo 8:28

Ja̧'wa̧nü̧ jä̧ja̧'a̧, Jesú-mä̧ rü̧ä̧ dubora ji̧jä̧ku̧nä̧, Gadara rȩjȩnä̧ i̧rȩbȩwi̧'o̧mȩnä̧, epíritu-tu̧ suropätü ttü̧ja̧kuä̧u̧ ta̧ju̧ jo̧mȩnä̧ wa'are ikuäwä idoriyä 'kä̧tȩttü̧ rä'ekuipinä̧tü̧, rü̧ȩnä̧ pä̧i̧kuä̧tü̧, juä̧mä̧ mä̧nä̧nä̧mä̧ kkorotü'i̧nä̧ 'kuättopü juiyünä̧tä̧ jȩpä̧'i̧jä̧tü̧;