San Mateo 8:26 - Nuevo Testamento Uwotjüja

²⁶ Pättäku päinä̧u̧: —¿Tta̧'a̧nü̧ pä'ü yekuekuätukua'ajä̧ttü̧, ukutumä̧, Dio-rümä̧ kua̧'kua̧ wȩnä̧ro̧ko̧tü̧jä̧ tä̧jí̧? Pä'ü kkä̧nü̧, ä̧rä̧mi̧'ü̧ kkä̧rü̧'kopparü'i̧nä̧, rü̧ä̧ duborarü'i̧nä̧ ujuruku woi'omȩnä̧ o'kajuiyünä̧tä̧ wirochi'ina̧'a̧.

TÄ̧DO Ä̧CUÄ̧ I̧HUȨNȨ

²⁶ Jahuätörö ädätinödo: —¿Dä̧bö̧ yecuhuecuätucuättö juiyomä? ¡Adiunämä esetocotöjä!, —pä'inödo. Ja̧'hua̧nö̧ pä'ö ä̧rä̧mi̧'ö̧, kä̧ru̧'coppa'inä, dubora'inä pä̧i̧cu̧nä̧nö̧ ucuocuinödo. Yotäcu kä̧ru̧'coppamä huirochi'ina'ado. Yoröiso ppahuoca'a ji̧na̧'a̧do.

San Mateo 8:26 Referans Kwoze

San Mateo 6:30

Isopäi'ünä̧ jitä mo̧ro̧ pättiyunä̧ kka̧ku̧ adiyämä̧, yodoji mo̧ro̧mä̧ kkuwü i̧kuä̧wä̧kuȩ ja̧'a̧nä̧ Dio-mä̧ a̧di̧tä̧rü̧ kku̧nu̧, ja̧'wa̧nü̧ jo̧kü̧'i̧nä̧. ¿Ukuturumä̧ a̧'u̧ku̧nä̧tä̧ kua̧'kua̧ ku̧wȩnä̧rä̧tü̧kua̧'a̧nä̧ aditü u̧ju̧no̧ko̧u̧ kuäkuotüjä̧?

Romanos 4:20

Abraha̧-mä̧, Dio chi̧yä̧kua̧jä̧ päinü̧mä̧, üdüdüwoka'a esetü, yaboku ujuruku a̧'kua̧ wȩnä̧ri̧nü̧, ja̧'wa̧nü̧ jȩpü̧ Dio ü̧rü̧ä̧ esewinü̧.

San Mateo 16:8

Ttukuokua'a wo̧jui̧'ü̧ Jesú-mä̧, päinä̧u̧: —¿Tta̧'a̧nü̧ pä'ü trigo ire o̧si̧ jui'ätüjä̧ pä'ü kukuokuätukua'ajä̧ttü̧, tta̧'kua̧ wȩnä̧ro̧ko̧tü̧ 'kua̧rü̧nä̧mä̧?

Apocalipsis 10:2

Jua̧u̧mä̧ u̧mü̧nä̧ ȩpi̧nü̧ ji'täte kuyäru'tä bawekua'a. Ja̧'wa̧nü̧ ja̧'a̧ ü̧jä̧mä̧do̧mȩnä̧, u̧wo̧jua̧'a̧ku̧ i̧jä̧pü̧mä̧ kkä̧mä̧di̧nü̧, rü̧ä̧ ajenä̧ ja̧'wa̧ta̧nü̧ ieruwa'akunä̧ i̧jä̧pü̧mä̧ kkä̧mä̧di̧nü̧ pi̧jä̧ rȩjȩnä̧.

San Mateo 8:27

Ja̧'wa̧nü̧ ji̧yä̧u̧, u̧wo̧juȩtä̧u̧mä̧ ukuokuäkuäwinä̧tü̧, —¿Pidemä̧, dí ja̧'a̧jä̧ttü̧, juiyo kkä̧rü̧'koppa'i̧nä̧, rü̧ä̧ dubora'i̧nä̧ ukuotäkumä̧?

San Mateo 17:20

Pättäku Jesú-mä̧ ädätinä̧u̧: —Jua'amä̧ kua̧'kua̧ ku̧wȩnä̧rä̧tu̧ku̧ juikuätukua'attü. Isopäi'ünä̧tä̧ pä'üsä ukuturu, mostaza u̧wä̧ju̧ isäte a̧'u̧kuä̧'i̧jü̧ta̧'a̧nü̧, a̧'u̧ku̧nä̧tä̧ kua̧'kua̧ ku̧wȩnä̧rä̧tu̧ku̧ttü̧'i̧nä̧, ji'kaja mü̧ä̧'ka juorümä̧ tü'ipächi päkuätukuttümä̧ tüipächäkua'a. Ja̧'wa̧nü̧ ja̧'a̧ttü̧ jȩttü̧ juiyünä̧ weyekumä̧ juiya'a.

San Lucas 4:35

Pä'ü woiyäku, Jesú-mä̧ ra̧wä̧ri̧pü̧nä̧nü̧ päinä̧ku̧: —¡'Koruchi'i! ¡jua̧u̧ ku̧jä̧ku̧ttü̧ rä'opächi!, päomȩnä̧. Jua̧u̧ ttü̧ja̧sa̧tä̧ ttü̧'kä̧tȩ jo̧mȩ ma̧ä̧ma̧'a̧nä̧, epíritu su̧ro̧pa̧mä̧ jua̧u̧ttü̧ rä'opächinü̧, jua̧u̧ru̧ suronä̧ jȩo̧ka̧'a̧nä̧tä̧.