San Mateo 8:20 - Nuevo Testamento Uwotjüja

²⁰ Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

TÄ̧DO Ä̧CUÄ̧ I̧HUȨNȨ

²⁰ Jesús ädätinödo: —A̧hua̧ri̧tö̧mä̧ ttäjuhuiyä ku̧nä̧rä̧tö̧. Ja̧'hua̧ta̧nö̧ ppi̧yu̧ ttä̧'ti̧yu̧ ku̧nä̧rä̧tö̧. Ja̧'hua̧nö̧ ja̧'a̧nä̧ Ubo I̧tti̧mä̧ yoröiso huȩnȩcuo̧mȩ'i̧nä̧ jui̧'a̧.

San Mateo 8:20 Referans Kwoze

San Lucas 2:7

Ja̧'wa̧nü̧ jä̧kua̧, juorütä kki̧tti̧ chu̧'ä̧kua̧ uborümä̧ uwäbekuinä̧ju̧, uwäbekuä'koju pü̧jä̧ta̧ i̧sä̧'chȩnä̧ juä'opü, äjikuäkuäwotü ttukuä'ijomȩ rütinä̧ju̧, tti̧rȩbȩwode juiya'attü̧.

2 Corintios 8:9

Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

San Lucas 2:16

Ja̧'wa̧nü̧ pä'ü pä̧i̧ku̧nä̧ jopächü topü tti̧'chä̧ja̧'a̧ María-rü'i̧nä̧, José-rü'i̧nä̧, po̧kui̧pi̧nä̧tü̧ ja̧'wa̧ta̧nü̧ ji̧'ki̧cha̧wa̧mä̧ äjikuäkuäwotü ttukuä'ijomȩ sä̧bü̧kä̧nü̧ ü̧'a̧'a̧.

San Lucas 2:12

Pi̧yȩttü̧ topü ku̧wo̧juä̧kuo̧tü̧jä̧: Ji̧'ki̧cha̧wa̧mä̧ pü̧jä̧ta̧ i̧sä̧'chȩnä̧ juä̧'o̧kua̧, äjikuäkuäwotü ttukuä'ijomȩ sä̧bü̧kä̧nü̧ ü̧'a̧'a̧ to'kuäkuotüjä̧.»

San Lucas 8:3

Ja̧'wa̧ta̧nü̧ Herode iare pärätä tta̧wä̧rä̧kuä̧wä̧ i̧sa̧, Chuza irekua Juana'i̧nä̧ ji̧na̧'a̧; ja̧'wa̧ta̧nü̧ Susana'i̧nä̧; ja̧'wa̧ta̧nü̧ kkorotü nä̧tü̧'i̧nä̧ rekuinä̧tü̧ ttu̧ju̧nä̧rü̧nä̧ Jesú-ru iyü ppä'ädä̧rä̧tü̧mä̧.

San Mateo 12:32

Ja̧'wa̧ta̧nü̧ yotüte Dio I̧tti̧rü̧ suronä̧ pättüttümä̧ surojü jȩpü̧ ikuäwäkuotü ttäkuotü; ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ pä'ätürümä̧, surojü jȩpü̧ ikuäwokotü ttäkuotü jitä pä̧nä̧'i̧nä̧, yodoji mo̧ro̧'i̧nä̧, jü̧nä̧.

San Mateo 19:28

Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.

San Mateo 17:9

Ja̧'wa̧nü̧ jä̧ja̧'a̧ mü̧ä̧'kattü tti̧mȩyȩwo̧mȩnä̧, Jesú-mä̧ ro̧'ȩpü̧nü̧ päinä̧u̧: —I̧jȩkua̧'a̧ to'kuäjätukumä ya̧tȩrü̧'i̧nä̧ jikuäwätukuä, ubo I̧tti̧ wa'arettü ttoächomȩbü päi'ünä̧.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 16:13

Jesú-mä̧, Filipo rȩjȩnä̧, cesarea ütawiyänä̧ rȩbȩwi̧pä̧ji̧'ka̧ u̧wo̧juȩtä̧u̧rü jä'epü ä̧ju̧kui̧nü̧: —¿Tta̧'a̧nü̧ pättä'ijä̧ttü̧ ttü̧ja̧mä̧, ttü ubo I̧tti̧ chütü'kümä̧?

San Mateo 12:40

Ja̧'wa̧nü̧ ja̧'a̧ttü̧, wäbodäkuä mo̧ro̧ jo̧mȩnä̧, wäbodäkuä yodó jo̧mȩnä̧ büó po̧i̧sa̧ üakuä jakuä Joná ȩki̧nü̧ta̧'a̧nü̧, ubo I̧tti̧'i̧nä̧ rȩjȩ jakuä ȩkä̧kua̧.

San Mateo 12:8

Isopäi'ünä̧ ubo I̧tti̧mä̧ sawaru mo̧ro̧'i̧nä̧ u̧ru̧wa̧ ja̧'a̧.

San Mateo 13:37

Jättepäku ädätinä̧u̧: Adiwäjuei u̧wä̧ju̧ kku̧ni̧nü̧ päjimä̧, Ubó I̧tti̧ ja̧'a̧,

San Marcos 8:38

Ja̧'wa̧nü̧ ja̧'a̧ttü̧ ya̧tȩ ttü chütü'kü'i̧nä̧, chi̧wȩnȩ'i̧nä̧, pitü ukuotokotü, suronä̧ jȩpä̧tü̧ ttü̧ja̧ ttä'ka jo̧mȩttü̧ udäpekuttümä̧ ja̧'wa̧nü̧ jü̧ta̧'a̧nü̧ Ttü Ubo I̧tti̧'i̧nä̧ chä'o uruwoku, á̧gȩrȩ-ku̧ chichomȩnä̧ chüdä̧pȩkuä̧kua̧sä̧ jua̧u̧rü̧mä̧.

San Lucas 9:58

Päku, Jesú-mä̧ ädätinä̧ku̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧; ja̧'wa̧nü̧ ja̧'a̧nä̧, ttü Ubo I̧tti̧mä̧ Chu kuä'epü chü̧'o̧mȩ'i̧nä̧ jui̧'a̧sä̧.

San Lucas 12:8

Ukuturu pä'üsä, ya̧tȩ ttü̧ja̧ ttä'ka jo̧mȩttü̧, ttüku icha'a ji'äurumä̧ ja̧'wa̧ta̧nü̧ ubo I̧tti̧'i̧nä̧ chutäku icha'a jiäwäkua̧, Dio umüwäyotü á̧gȩrȩ ttä'ka jo̧mȩttü̧;

San Lucas 18:8

Jua̧u̧mä̧ yotäku ppä̧dä̧kuä̧u̧. Ja̧'wa̧nü̧ ja̧'a̧nä̧, ubo I̧tti̧ ichomȩnä̧mä̧ ¿tta̧'kua̧ wȩnä̧rä̧tü̧rü̧ ü̧'o̧kui̧'ä̧kua̧?

San Lucas 21:36

Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

San Juan 1:51

Ja̧'wa̧ta̧nü̧ Jesú-mä̧ päinä̧ku̧: —Isopäi'ünä̧ ukuturu pä'üsä: Porütä kkä̧mä̧dü̧ mo̧ro̧jä̧ bawekuächa'a to'kuäkuotüjä̧ ja̧'wa̧ta̧nü̧ mo̧ro̧jä̧nä̧ kka̧kuä̧tü̧ á̧gȩrȩ Dio umüwäyotü ubo I̧tti̧ ü̧jo̧mȩku̧ tti̧mȩyȩwa̧'a̧'i̧nä̧ ja̧'wa̧ta̧nü̧ 'chattächa'a'i̧nä̧, jü̧nä̧.

San Juan 3:13

Ya̧tȩ'i̧nä̧ mo̧ro̧jä̧ra̧'a̧ i̧u̧ i̧wi̧nü̧mä̧ toa'a; jua̧u̧ ja̧jü̧jueimä̧ mo̧ro̧jä̧ttü̧ mȩyȩwi̧nü̧tä̧ ja̧'a̧, Ttü ubo i̧tti̧tä̧.

San Juan 3:14

Ja̧'wa̧ta̧nü̧ Moisé rȩba̧ dȩ'a̧ra̧'a̧ttü̧ ä̧ka̧rü̧ ju'toju äräbe'ü u̧ju̧ni̧nü̧ta̧'a̧nü̧; Ttü, Ubo I̧tti̧'rü̧'i̧nä̧ rekuä rü̧ja̧'a̧ ju'toju äräbe'ü ttu̧ju̧na̧ttü̧ pä'ü.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

San Juan 6:53

Pättiyäku, Jesú-mä̧ päinä̧u̧: —Isopäi'ünä̧ pädäu̧jä̧, ubo i̧tti̧ idepättü kukuätuku juiyüttümä̧ ja̧'wa̧ta̧nü̧ ukuojattü kuawätuku juiyüttümä̧, kkä̧kuä̧wä̧mä̧ juikuäkuotüjä̧.

San Juan 6:62

¿Jua̧u̧nu̧mä̧, toku jä̧kua̧'a̧jä̧ttü̧, pä'äji ji̧nü̧ta'anü̧ ubo i̧tti̧ ü̧ji̧no̧mȩku̧ käekuächa'a to'kuätüküttümä̧?

San Juan 12:34

Pä̧i̧yä̧u̧, ttü̧ja̧mä̧ ttädätinä̧ku̧: Weäwä wȩnȩnä̧mä̧, Crito-mä̧ 'kuäopünä̧ ü̧jä̧kua̧ pä'ija'atä wo̧juä̧tü̧jä̧. ¿Toku pä'ü, Ubo I̧tti̧mä̧ rȩjȩttü̧ tto̧ä̧chä̧kua̧ päkua'ajä̧ttü̧? ¿Díjä̧ttü̧ Ubo I̧tti̧mä̧?

San Juan 13:31

Ja̧'wa̧nü̧ ja̧'a̧, Juda-mä̧ räopächäji o'ka'a, Jesú-mä̧ pä'inü̧: —Jitämä̧, Ubo I̧tti̧ ukuo jäwä i̧jȩpü̧ kku̧na̧'a̧ ja̧'wa̧ta̧nü̧ Dio ukuo jäwä'i̧nä̧ jua̧u̧nä̧tä̧ i̧jȩkuä̧cha̧'a̧.

Hechos 7:56

Ja̧'wa̧nü̧ topü pä'inü̧: —Mo̧ro̧jä̧ bawekuächa'a topüsä ja̧'wa̧ta̧nü̧ ubo I̧tti̧rü̧'i̧nä̧ Dio u̧wo̧jua̧'a̧ku̧nä̧ ü̧ja̧'a̧.