San Mateo 8:2 - Nuevo Testamento Uwotjüja

² Ja̧'wa̧nü̧ i̧'cha̧'a̧ jakuänä̧ ya̧tȩ Repra mä̧richei na̧'ä̧chü̧, Jesú ä'ka jo̧mȩ iwe'kiyunä̧ kkä̧mä̧dü̧ pä'inü̧: —Chu̧ru̧wa̧, chumä̧richei aditü kuikua päkuttümä̧, aditü ikuittü.

TÄ̧DO Ä̧CUÄ̧ I̧HUȨNȨ

² Ya̧tȩ öttahuiyä märichei, lepra pättö juäi na̧'ä̧chö̧, Jesús ä'ca jo̧mȩ ichö, ihue'quiyunä kä̧mä̧dö̧ pä'inödo: —Chu̧ru̧hua̧, ucuru pä̧huä̧ rö̧jö̧ttö̧mä̧, ttö̧rö̧ aditö cuicu'a̧nö̧ ja̧'a̧.

San Mateo 8:2 Referans Kwoze

San Mateo 18:26

Ja̧'wa̧nü̧ ja̧'a̧nä̧, jua̧u̧ mippotümä̧, ru̧wa̧rü̧ ä'ka jo̧mȩ iwe'kiyunä̧ kkä̧mä̧dü̧ ajuäkuäu pä'inü̧: Ji̧nä̧ yabonä̧nü̧ tta̧'a̧ri̧pi̧ttü̧, jua'akumä̧ chi̧mi̧tä̧wä̧kua̧jä̧, jü̧nä̧.

San Mateo 15:25

Ja̧'wa̧nü̧ ja̧'a̧nä̧ ä'ka jo̧mȩ 'chä̧wi̧'ü̧ kkiwe'kiyunä̧ pä̧mä̧dü̧ pä'inä̧ju̧: —¡Chu̧ru̧wa̧, ppä'ädittü!

1 Corintios 14:25

Yä̧wä̧i̧nä̧ a̧mi̧so'kinä̧ ȩnä̧rä̧'i̧jü̧mä̧ i̧jȩkuä̧chä̧kua̧'a̧, ja̧'wa̧nü̧ jo̧mȩnä̧ Dio-rü iwe'kiyunä̧ pä̧mä̧dü̧ esewä̧kua̧, isopäi'ünä̧ Dio-mä̧ ukututä ku̧'kä̧tȩtu̧ku̧nä̧ kkü̧ ja̧'a̧ pä'ü.

Hechos 10:25

Ja̧'wa̧nü̧ ja̧'a̧ Peduru-mä̧, Cornelio ojusodenä̧ i̧'chi̧'o̧mȩnä̧, Cornelio-mä̧ rä'o'ü, Peduru-rü eseu, ä'ka jo̧mȩ iwe'kiyunä̧ ü̧'ä̧mä̧da̧'a̧.

San Juan 9:38

Ja̧'wa̧nü̧ päku, päinä̧ku̧: Esetüsä, Chu̧ru̧wa̧, pä'ü, —iwe'kiyunä̧ pä̧mä̧dü̧, Jesú-ru esewinü̧.

San Mateo 28:17

Ja̧'wa̧nü̧ tti̧'chä̧ja̧'a̧ Jesú-ru topümä̧ ttiwe'kiyunä̧ pä̧mä̧dü̧ esewinä̧tü̧, yotukunä̧mä̧ ttesetü juiyünä̧ ji̧nä̧u̧, Jesú pä'ümä̧.

San Lucas 4:27

Ja̧'wa̧ta̧nü̧ Irae rȩjȩnä̧, profeta jü̧nä̧ Eliseo ü̧ji̧nü̧ pä̧nä̧ rekuinä̧tü̧ Repra mä̧richei na̧nȩpä̧tü̧mä̧, juätüttümä̧ ya̧tȩrü̧'i̧nä̧ aditü ikuäwoka'anä̧, Naamán, Siria ttü̧ja̧sa̧rü̧tä̧ ü̧'i̧pü̧nä̧ aditü ikuäwina̧'a̧.

San Mateo 26:6

Jesú-mä̧ Betania ütawiyänä̧, Repra kku̧nä̧rü̧ Simón pättä'ijäku ojusodenä̧ kki̧nü̧;

San Mateo 20:20

Ja̧'wa̧nü̧ ja̧'a̧ Zebedeo i̧tti̧mü̧ tta̧ju̧, Jesú ä'ka jo̧mȩ Kki̧tti̧mü̧ku̧ 'chä̧wi̧'ü̧, kkiwe'kiyunä̧ pä̧mä̧di̧nä̧ju̧ kkorojuei jäjepa pä'ü.

San Mateo 14:33

Woi'kanä̧ pȩjä̧tü̧mä̧ Jesú ä'ka jo̧mȩ ttiwe'kiyunä̧ kka̧kuä̧mü̧ pä'inä̧tü̧: —¡Isopäi'ünä̧tä̧ ukumä̧ Dio I̧tti̧jä̧!

San Mateo 13:58

Ja̧'wa̧nü̧ ja̧'a̧ttü̧, juorümä̧, jȩtto̧kü̧ jueimä̧ rü̧ȩnä̧mä̧ jȩpo̧kü̧ pinü̧, ttesetoka'attü̧.

San Mateo 9:18

Jesú-mä̧ ji̧nä̧ juätürü ukuokua'anä̧, ya̧tȩ judío ttu̧ru̧wa̧ ichi'ü Jesú ä'ka jo̧mȩ iwe'kiyunä̧ pä̧mä̧dü̧ pä'inü̧: —Chittiju 'koru päji'iyäkusä ja̧'wa̧nü̧ ja̧'a̧nä̧ ku̧mü̧ mȩ'ü̧ kuichüttümä̧, kka̧'kua̧ri̧'i̧yä̧kua̧sä̧.

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.

San Mateo 28:9

Ja̧'wa̧nü̧ jotta'a Jesú-mä̧ nä̧tü̧ ttä'ka jo̧mȩ rä'o'ü, Dio-tä tta̧wä̧rä̧tu̧kuä̧ku̧ päinä̧u̧. Juätü nä̧tü̧mä̧ Jesú-ru tü'künä̧nü̧ pä'i'ü ü̧jä̧pü̧nä̧ wa'adi'ü ttiwe'kiyunä̧ pȩjä̧mü̧ esewinä̧tü̧.

San Mateo 10:8

Na̧nȩpä̧tü̧rü̧mä̧ aditü iku, 'korujuo'ächätürümä̧ tto'ädü kku̧nu̧, Repra mä̧richei na̧nȩpä̧tü̧rü̧ aditü iku kkä̧nü̧, epíritu-tu̧ suropätürü'i̧nä̧ rä'epü kuikuätukuajä̧. Mippoünä̧ kuȩminä̧tu̧ku̧ ja̧'a̧ttü̧, mippoünä̧ iyäjätukui.

San Mateo 4:9

päinä̧ku̧: —Pi̧yȩ o'kajuiyünä̧ chi̧yä̧kua̧jä̧, ttürü kuiwe'kiyunä̧ ma̧'ä̧mu̧nü̧ kueseuttümä̧.

San Mateo 2:11

Isodenä̧ dottächi'omȩnä̧, ji̧'chi̧cha̧wa̧ ja̧ju̧ María-ku ü̧ja̧'a̧ topinä̧tü̧; topümä̧ ttiwe'kiyunä̧ pä̧mä̧dü̧ ttu̧ru̧wa̧ jü̧nä̧ ttesewinä̧ku̧; esewäjä'kotümä̧, ttiäre Pärätä ȩko̧ka̧, ba'epo'ü mippoünä̧ ttiyinä̧ku̧ oro'i̧nä̧, incienso'i̧nä̧, mirra'i̧nä̧ jü̧nä̧.

San Mateo 8:1

Jesú mü̧ä̧'kattü i̧mȩyȩwi̧'ä̧ji̧ o'ka'a, ttü̧ja̧ rekuätü chutäku 'chi̧nä̧tü̧.

San Mateo 8:25

Ja̧'wa̧nü̧ ji̧yä̧u̧ u̧wo̧juȩtä̧u̧mä̧ 'chä̧wi̧'ü̧, ü'orächi'ünä̧ pättinä̧ku̧: —¡Chu̧ru̧wa̧ to'e'ätüjä̧, ppä'äditü!

Hechos 10:14

Ja̧'wa̧nü̧ rä̧mi̧pä̧ku̧, Peduru-mä̧ pä'inü̧: Chu̧ru̧wa̧, chuku juiyü'anü̧ ja̧'a̧; ttümä̧ ro̧'ȩkuo̧tü̧rü̧mä̧ ja̧'wa̧ta̧nü̧ suropätürümä̧, yorisotä kuokü pä'ijüsä.