San Mateo 7:7 - Nuevo Testamento Uwotjüja

⁷ Jä'epätukui, Dio-mä̧ iyäkuäu̧jä̧; usätukui, kusätukumä̧ ku̧'o̧kui̧'ä̧kuo̧tü̧jä̧; äpatenä̧ wopätukui, wo'kuätukuomȩnä̧ bawekuäkua'a.

TÄ̧DO Ä̧CUÄ̧ I̧HUȨNȨ

⁷ “Jä'epätucui. Jacuhue'ätucumä, cuȩmä̧cuo̧tö̧jä̧. Usätucui. Cusätucumä, cu̧'o̧cui̧'ä̧cuo̧tö̧jä̧. Äpate ä'ca 'ta'tapätucui. 'Ta'tacuätucuttumä, bahuecuächäcua'a.

San Mateo 7:7 Referans Kwoze

San Mateo 21:22

Ja̧'wa̧nü̧ ja̧'a̧ttü̧ ukutu o'kajuiyünä̧ kua̧'kua̧ wȩnä̧rü̧ Dio-rü ukuoku jäkuepätukumä̧, kuȩmä̧kuo̧tü̧jä̧.

1 Juan 3:22

Ja̧'wa̧nü̧ jo̧mȩnä̧, o'kajuiyünä̧ jätepümä̧ Dio-mä̧ i̧yä̧kuä̧u̧jä̧. Chutä i̧wȩnȩ weütä ukuotü ja̧'wa̧ta̧nü̧ üjü'kütä jȩpü̧ tü̧ja̧kua̧'a̧ttü̧.

San Juan 15:7

Ukutu ttünä̧ ku̧ja̧kuä̧tu̧ku̧ttü̧mä̧ ja̧'wa̧ta̧nü̧ ttü chi̧wȩnȩ ukutunä̧ kka̧ku̧ttü̧mä̧, pä̧wä̧rü̧jü̧mä̧ o'kajuiyünä̧ jä'epätukui, jäkuepätukuomȩnä̧ iyäwäkua'a.

San Marcos 11:24

Ja̧'wa̧nü̧ ja̧'a̧ttü̧, pädäu̧jä̧ o'kajuiyünä̧ kua̧'kua̧ wȩnä̧rü̧, Dio-rü ukuoku jäkuepätukumä̧, täkü tȩmä̧kuo̧tü̧jä̧ pä'ü esetätukui, kuesetätukuomȩnä̧mä̧, kuȩmä̧kuo̧tü̧jä̧.

San Mateo 6:33

Ja̧'wa̧nü̧ ja̧'a̧ttü̧ ä'kanä̧mä̧, Ru̧wa̧ Dio weütätä, adiwomȩnä̧ jȩä̧kuä̧wä̧tä̧ usätukui ja̧'wa̧nü̧ jo̧mȩnä̧ jua̧u̧ jä̧ji̧ o'kajuiyünä̧ yaboku i̧yä̧kuä̧u̧jä̧.

San Mateo 7:8

Isopäi'ünä̧ jä'epümä̧ ȩmü̧; ja̧'wa̧ta̧nü̧ usumä̧, po̧kui̧pü̧; ja̧'wa̧ta̧nü̧ äpatenä̧ wopürümä̧, bawekuäkua'a.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

Hebreos 11:6

Ja̧'wa̧nü̧ ja̧'a̧ttü̧ tta̧'kua̧ wȩnä̧rä̧kuä̧wä̧ juiyünä̧ Dio-rü eseunä̧ jȩä̧kuä̧ juiya'a; ja̧'wa̧nü̧ ja̧'a̧ttü̧ Dio-rü kutü'küwächi'omȩnä̧mä̧, Kkü̧ pä'ü esetünü̧, usätürümä̧ adiwä juei ppä'ädü pä'ü ttesetarü pä'ü ja̧'a̧.

San Juan 4:10

Päjiyäku, Jesú-mä̧ ädätinä̧kua̧: —Isopäi'ünä̧, Dio rettü iyü'i̧nä̧ ja̧'wa̧ta̧nü̧ ukuru, ajiya chawa iyittü pä'ürü'i̧nä̧ ku̧wo̧juö̧ttü̧mä̧, ukutätä jua̧u̧ru̧ jä'epajajujä̧, jäkuepäkumä̧ ajiya a̧'kua̧rü̧ kkoya iyakuajä̧,

San Mateo 18:19

Pä'äjita'anü̧ pädäu̧jä̧, pi̧jä̧nä̧ttü̧ ukututtü ta̧ju̧ kkorojuei Dio-rü jäkuepätukua pä'ü kuamükuädätukuttümä̧, Chä'o mo̧ro̧jä̧ ru̧wa̧mä̧ i̧yä̧kua̧.

Santiago 5:15

Ja̧'wa̧ta̧nü̧ kua̧'kua̧ wȩnä̧rü̧ kkä̧nü̧ Dio-rü kukuokuätukuomȩnä̧mä̧ na̧'ä̧chü̧mä̧ u̧mä̧richeittümä̧ ü̧'i̧pä̧kua̧, ja̧'wa̧ta̧nü̧ tü̧ä̧nä̧wa̧mä̧ ä̧rä̧bȩ'ä̧kua̧; surojü jȩä̧'i̧jü̧ttü̧'i̧nä̧ jȩpo̧kü̧ päji 'kua̧rü̧nä̧ eseku i̧kuä̧kua̧.

San Lucas 18:1

Jesú-mä̧ 'kuättächi'oka'a 'kuäopünä̧tä̧ Dio-rü ttukuokua pä'ümä̧ ji̧yȩtȩnä̧ wȩnȩtü̧ jiäwinä̧u̧.

San Mateo 7:11

Ukutumä̧ suropätü kuätukua'anä̧, kui̧tti̧mü̧tu̧ku̧ru̧mä̧ adiwäjueitätä iyäwä wo̧juä̧tü̧jä̧, ¡Jua̧u̧ttü̧'i̧nä̧ yabonä̧ Kuä'otuku mo̧ro̧jä̧nä̧ kkü̧mä̧ jä'epätürümä̧ adiwäjuei i̧yä̧kua̧!

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

Romanos 3:11

Wo̧juȩku̧nä̧ wo̧jui̧'ü̧'i̧nä̧ toa'a, ja̧'wa̧ta̧nü̧ Dio-rü usu'i̧nä̧ toa'a.

San Lucas 13:25

Isode u̧ru̧wa̧ ä̧rä̧mi̧'ü̧ äpate mü̧'ȩpü̧ iku o'ka'a jü̧ttü̧mä̧, u̧mi̧ kka̧kuä̧tü̧mä̧ wottäkuotü: Chu̧ru̧wa̧ ba'epitü. Ja̧'wa̧nü̧ ja̧'a̧nä̧ ä̧dä̧tä̧kuä̧u̧jä̧: Ukuturumä̧ yoriso jȩru̧pa̧sä̧, jü̧nä̧tä̧.