San Mateo 7:24 - Nuevo Testamento Uwotjüja

²⁴ Ja̧'wa̧nü̧ ja̧'a̧ttü̧, yotukunä̧ ttü pädü ä̧ju̧ku̧ jȩpü̧mä̧, ya̧tȩ wo̧juȩku̧nä̧ amükuädü i̧nä̧wänä̧ ojusode aditinü̧'a̧nü̧ wa̧,

TÄ̧DO Ä̧CUÄ̧ I̧HUȨNȨ

²⁴ “Ja̧'hua̧nö̧ ja̧'a̧ttö̧ ya̧tȩ ttö pädömä ä̧ju̧cu̧ jȩo̧mȩnä̧, ka̧ra̧ rö̧ȩnä̧ huo̧jua̧ ojusode inähuä huäme aditinö jä̧'i̧nö̧'a̧nö̧ hua̧.

San Mateo 7:24 Referans Kwoze

San Juan 13:17

Pi̧yȩ wȩnȩ wo̧jui̧'ü̧, jȩ'kuä̧tu̧ku̧ttü̧mä̧, rü̧ȩnä̧ eseäkuäwä ku̧'o̧kui̧'ä̧kuo̧tü̧jä̧.

San Lucas 11:28

Päjiyäku, pä'inü̧: —¡Jua̧u̧'i̧nä̧ ja̧'a̧nä̧, juȩnȩ abonä̧nü̧ rü̧ȩnä̧ eseäkuäwä kka̧'a̧, Dio i̧wȩnȩ ä̧ju̧ku̧ ukuotätürümä̧!

1 Juan 2:3

Chutä weinü̧ ukuotü jȩpü̧ tü̧ja̧kua̧'a̧ttü̧, Jua̧u̧ru̧ wo̧juä̧tü̧jä̧.

San Juan 14:15

Isopäi'ünä̧ ttürü eseu repekuätukuttümä̧, wedümä̧ kukuotäkuotüjä̧.

San Juan 15:14

Ukutumä̧ ttü chawaruwä kuäkuotüjä̧, ttü wedü wȩnȩ jȩ'kuä̧tu̧ku̧ttü̧tä̧.

San Juan 15:10

Ttü wedü wȩnȩ kukuotätukuttümä̧, ttü eseu repedünä̧ kka̧kuä̧tü̧jä̧, ttü'i̧nä̧ chä'o weü wȩnȩ ukuotü chü̧jo̧mȩnä̧, Chä'o eseu repeünä̧ chü̧jü̧ta̧'a̧nü̧.

San Mateo 12:50

Isopäi'ünä̧ Chä'o mo̧ro̧jä̧nä̧ kkü̧ üjü'komȩnä̧ jȩpä̧ju̧tä̧ ja̧'a̧ cha̧ju̧ wajumä̧, chijäwaju wajumä̧ ja̧'wa̧ta̧nü̧ chi̧jä̧wa̧ wa̧mä̧.

San Mateo 7:25

Ajiya ma̧ä̧mo̧mȩnä̧, ajewiyä suwädi'a'attü rü̧ȩnä̧ kkä̧rü̧'ko̧wü̧ isodenä̧ düa'anä̧ ma̧ä̧chokode ji̧no̧de; jua'amä̧ i̧nä̧wänä̧ 'chu̧ä̧rü̧nä̧ adikua'attü̧.

San Mateo 7:26

Ja̧'wa̧nü̧ ja̧'a̧nä̧ yotukunä̧ ttü pädü ä̧ju̧ku̧ ukuotokümä̧, ya̧tȩ wo̧juȩku̧nä̧ amükuädokü ojusodemä̧ rȩba̧nä̧ aditinü̧'a̧nü̧ wa̧.

San Mateo 16:18

Ukuru'i̧nä̧ pärokua'aku pä'üsä: Ukumä̧ Peduru-jä̧, jü̧nä̧, piwä i̧nä̧wänä̧ chiäre igresia-mä̧ cha̧di̧tä̧kua̧sä̧; ja̧'wa̧nü̧ ja̧'a̧ttü̧ wa'are äpatiyämä̧ kkȩdü̧ ikuokü jä̧kuȩ.

San Mateo 24:45

¿Tideja̧'a̧jä̧ttü̧ u̧mü̧wä̧ya̧ ttu̧'ȩpä̧rü̧nü̧ ukuotümä̧? jua̧u̧mä̧ chú jä̧kua̧'a̧, u̧ru̧wa̧ ojusodenä̧ we'ü u̧ju̧ni̧'ä̧ku̧, ttu̧kuȩ iyäwomȩ pätekuächomȩnä̧ iyiyarü pä'ü.

San Mateo 25:2

Ja̧'wa̧nü̧ ja̧'a̧nä̧ juätü nä̧tü̧ttü̧, ji̧mü̧tȩnü̧ wotümä̧ wo̧juȩku̧nä̧ amükuädinä̧tü̧ ja̧'wa̧ta̧nü̧ kkorotü ji̧mü̧tȩnü̧ wotümä̧ wo̧juȩku̧nä̧ amükuädokotü pinä̧tü̧.

San Mateo 25:4

Ja̧'wa̧nü̧ ja̧'a̧nä̧ wo̧juȩku̧nä̧ amükuädätümä̧ ttü̧ra̧pa̧ra̧ ȩpü̧ kkä̧nü̧, i̧mi̧ku̧nä̧'i̧nä̧ o̧yu̧nä̧ aceite-mä̧ ȩpi̧nä̧tü̧.

San Mateo 25:9

Pä̧ttä̧u̧mä̧, nä̧tü̧ mü̧ä̧yotü wo̧juȩku̧nä̧ amükuädätümä̧, ttädätinä̧u̧: Isokü̧, tiyüttümä̧ ujuturu'i̧nä̧, ukuturu'i̧nä̧ pa̧ja̧kuä̧chü̧ juiyü'anü̧ ja̧'a̧. Ja̧'wa̧nü̧ ja̧'a̧ttü̧, ukututä mikuänä̧ ttiyomȩttü̧ ȩmä̧jä̧tu̧kui̧.

Romanos 2:13

Isopäi'ünä̧ Dio-mä̧ ȩmü̧, adiwä juei jȩpä̧tü̧mä̧ Moisé weinü̧ wȩnȩ ä̧ju̧ku̧tä̧ ä̧ju̧kuä̧tü̧tä̧mä̧kü̧ ja̧'a̧, ji̧nä̧somä̧ weäwä wȩnȩ ukuotätürü.