San Mateo 7:22 - Nuevo Testamento Uwotjüja

²² Ji̧yȩnü̧ mo̧ro̧ rekuätü ttürü pättäkuotü: Chu̧ru̧wa̧, chu̧ru̧wa̧ kui̧mi̧nä̧ profeta 'kua̧rü̧nä̧ ji'äwinä̧tü̧jä̧ kui̧wȩnȩmä̧ ja̧'wa̧ta̧nü̧ kui̧mi̧nä̧mä̧ epíritu-tu̧ suropätürü'i̧nä̧ rä'epü iku kkä̧nü̧ jȩtto̧kü̧ juei'i̧nä̧ rü̧ȩnä̧ jȩpi̧nä̧tü̧jä̧.

TÄ̧DO Ä̧CUÄ̧ I̧HUȨNȨ

²² Ja̧u̧nu̧ mo̧ro̧ päi'omenä, recuätömä ttörö pättäcuotö: “Chu̧ru̧hua̧, Chu̧ru̧hua̧, ucu cui̧mi̧nä̧ ucuocuinätöjä. Espíritus suropätörö'inä jȩpö̧ icuinätöjä ucu cui̧mi̧nä̧. Ja̧'hua̧ta̧nö̧ rö̧ȩnä̧ ttö̧ja̧ ttieru juäi jȩpi̧nä̧tö̧jä̧ cui̧mi̧nä̧.”

San Mateo 7:22 Referans Kwoze

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

2 Timoteo 4:8

Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.

San Juan 11:51

Ja̧'wa̧nü̧ Caifá pä'amä̧, chutä a̧mü̧nä̧ amükuädümä̧ pä'okü pinü̧; pärokuänä̧ jua̧u̧ año-nä̧ sacerdote ttu̧ru̧wa̧ ja̧'a̧ttü̧, Jesú-mä̧ judío-rü rettü 'korujuoächa pä'ü rekuä rü̧ja̧'a̧ pä'ü pä'inü̧.

1 Tesalonicenses 5:4

Ja̧'wa̧nü̧ ja̧'a̧nä̧ chawaruwä chi̧jä̧wa̧tü̧ ukutumä̧, yo̧ü̧nä̧mä̧ kka̧kuo̧ko̧tü̧jä̧, ja̧'wa̧nü̧ jü̧ttü̧tä̧ yodó nä̧u̧kuä̧rä̧kuä̧wä̧ i̧sa̧ jä'i̧nü̧'a̧nü̧ ku̧ni̧chä̧rä̧tu̧kua̧'a̧nä̧ i̧cha̧ja̧u̧jä̧.

San Lucas 10:12

Ja̧'wa̧nü̧ ja̧'a̧ttü̧ pädäu̧jä̧, ji̧yȩnü̧ mo̧ro̧, suronä̧ jȩtti̧na̧'a̧ ro̧ȩkuä̧ mo̧ro̧ päi'omȩnä̧mä̧, jua̧u̧ ütawiyä ttü̧ja̧rü̧mä̧ Sodoma ütawiyä ttü̧ja̧rü̧ ro̧ȩpi̧no̧mȩttü̧'i̧nä̧ abonä̧nü̧ ro̧ȩkuä̧kua̧'a̧.

San Mateo 25:11

Ja̧'wa̧nü̧ päi'äji o'ka'a, kkorotü nä̧tü̧ mü̧ä̧yotü päjätümä̧ ichi'äkuäwi'ü wopinä̧tü̧: ¡Chu̧ru̧wa̧, chu̧ru̧wa̧ ba'epitü!

San Mateo 24:36

Ja̧'wa̧nü̧ ja̧'a̧nä̧, ji̧nä̧so chi̧chä̧kuȩ mo̧ro̧mä̧, hora-mä̧, mo̧ro̧jä̧ á̧gȩrȩ'i̧nä̧, chutä I̧tti̧'i̧nä̧ yorisotä ya̧tȩ'i̧nä̧ jerupätüjä̧, suro jä'o ya̧tȩtä̧ ja̧'a̧ jua̧u̧ wo̧jua̧mä̧.

San Mateo 7:21

O'katoi'ünä̧ chu̧ru̧wa̧, chu̧ru̧wa̧ pätta'anä̧ o'katoi'ünä̧mä̧ mo̧ro̧jä̧ jäwä weomȩmä̧ do'ächokotü ttäkuotü, suro chä'o Dio mo̧ro̧jä̧nä̧ kkü̧ üjü'komȩnä̧ jȩpä̧tü̧tä̧ jä̧kua̧'a̧ do'ächätümä̧.

2 Timoteo 1:18

Tü̧ä̧nä̧wa̧tä̧ ji̧yȩnü̧ mo̧ro̧ rȩrü̧jü̧ toäkuäwä ü̧'o̧kui̧'ü̧nä̧ ppä̧dä̧kua̧. Täkü ukumä̧ wo̧jua̧jä̧, Onesíforo ujuturu Éfeso ütawiyättü ppädinü̧mä̧.

2 Tesalonicenses 1:10

Ji̧yȩnü̧ mo̧ro̧ Tu̧ru̧wa̧ ichü mo̧ro̧ umüwäyotü pojopü ȩmi̧nä̧u̧ surojü jui'ätü eseäkuäu ukuo tettäwarü pä'ü. Isopäi'ünä̧ ukutu'i̧nä̧ juätü jü̧ta̧'a̧nü̧ pojopü ȩmi̧nä̧u̧jä̧ esetinä̧tü̧jä̧ adiwäjuei jareü wȩnȩ ujutu jitäwomȩnä̧.

San Mateo 10:15

Isopäi'ünä̧ pädäu̧jä̧, ü'ojo'ü mo̧ro̧ päi'omȩnä̧mä̧ Sodoma rȩjȩ ttü̧ja̧rü̧ ji̧no̧mȩttü̧'i̧nä̧, Gomorra rȩjȩ ttü̧ja̧rü̧ ji̧no̧mȩttü̧'i̧nä̧ abonä̧nü̧ usurä ttȩmä̧wä̧kuo̧tü̧ juȩnȩ ütawiyä ttü̧ja̧mä̧.