San Mateo 7:21 - Nuevo Testamento Uwotjüja

²¹ O'katoi'ünä̧ chu̧ru̧wa̧, chu̧ru̧wa̧ pätta'anä̧ o'katoi'ünä̧mä̧ mo̧ro̧jä̧ jäwä weomȩmä̧ do'ächokotü ttäkuotü, suro chä'o Dio mo̧ro̧jä̧nä̧ kkü̧ üjü'komȩnä̧ jȩpä̧tü̧tä̧ jä̧kua̧'a̧ do'ächätümä̧.

TÄ̧DO Ä̧CUÄ̧ I̧HUȨNȨ

²¹ Ja̧'hua̧ta̧nö̧ Jesús pä'inödo: —Yotöcunä ttörö pä'ätömä “Chu̧ru̧hua̧, Chu̧ru̧hua̧” do'ächocotö mo̧ro̧jä̧ra̧'a̧. Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧ dottächäcuotö.

San Mateo 7:21 Referans Kwoze

Romanos 2:13

Isopäi'ünä̧ Dio-mä̧ ȩmü̧, adiwä juei jȩpä̧tü̧mä̧ Moisé weinü̧ wȩnȩ ä̧ju̧ku̧tä̧ ä̧ju̧kuä̧tü̧tä̧mä̧kü̧ ja̧'a̧, ji̧nä̧somä̧ weäwä wȩnȩ ukuotätürü.

San Lucas 6:46

¿Tta̧'a̧nü̧ pä'ü: Chu̧ru̧wa̧, Chu̧ru̧wa̧, pä'ü wo'kuätukuäkusä̧ttü̧, Ttü pädümä̧ jȩ'kuä̧tu̧kuo̧ka̧'a̧nä̧?

Santiago 1:22

Ja̧'wa̧nü̧ ja̧'a̧nä̧ suro ä̧ju̧ku̧tä̧mä̧ kuä̧ju̧kuä̧; ji̧yȩnä̧tä̧ jȩpü̧ ku̧ja̧ pä'ütä ja̧'a̧, ja̧'wa̧nü̧ jü̧ juiyüttümä̧ kua̧mü̧nä̧tu̧ku̧tä̧ yapareäkuäwätüjä̧.

San Lucas 11:28

Päjiyäku, pä'inü̧: —¡Jua̧u̧'i̧nä̧ ja̧'a̧nä̧, juȩnȩ abonä̧nü̧ rü̧ȩnä̧ eseäkuäwä kka̧'a̧, Dio i̧wȩnȩ ä̧ju̧ku̧ ukuotätürümä̧!

Tito 1:16

Juätümä̧ Dio-rümä̧ wo̧juä̧tü̧mä̧ pä'ätü, ja̧'wa̧nü̧ ja̧'a̧nä̧ suronä̧ jȩtta̧'a̧ topü isopäi'ünä̧ jo̧ka̧'a̧ pä'ü wo̧juä̧tü̧jä̧; juätümä̧ kkü'kokotü, ja̧'wa̧ta̧nü̧ ttukuotokomȩttü̧ kkorojuei adiwäjueimä̧ jȩpo̧ko̧tü̧.

Hebreos 4:6

Ja̧'wa̧nü̧ ja̧'a̧ttü̧, yotukunä̧ juȩnȩ 'kuä'ächi'ü kkä̧kuä̧wo̧mȩ dodetta pä'ü kka̧'a̧, ä̧kuo̧mȩnä̧ jiäwinä̧u̧mä̧ esetü jui'ü dodettoka'a ji̧na̧'a̧ttü̧.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.

1 Pedro 4:2

Dio-rü pä̧wä̧rü̧jo̧mȩnä̧ tokue'ächomȩbü̧ päi'ünä̧ ü̧jä̧kua̧'a̧nü̧ ttü̧ja̧rü̧ pä̧wä̧rü̧ja̧'a̧ku̧mä̧kü̧.

Hebreos 13:21

surojü juikuätukunä̧, adiwotü kuätukunä̧tä̧ pärotü ikuätukuäku, Churutä pä̧wä̧rü̧jü̧tä̧ adiu o'kajuiyünä̧ jȩ'kuä̧tu̧kuä̧kua̧'a̧nü̧ Jesucrito-nä̧; ¡Jua̧u̧ Crito-rütä gloria pättümä̧, 'kuäopünä̧tä̧ iyäwäkua'a! Amȩ́.

San Mateo 12:50

Isopäi'ünä̧ Chä'o mo̧ro̧jä̧nä̧ kkü̧ üjü'komȩnä̧ jȩpä̧ju̧tä̧ ja̧'a̧ cha̧ju̧ wajumä̧, chijäwaju wajumä̧ ja̧'wa̧ta̧nü̧ chi̧jä̧wa̧ wa̧mä̧.

Apocalipsis 22:14

Eseäkuäwä kka̧'a̧ kkä̧kuä̧wä̧ dauttü ttukua pä'ü ja̧'wa̧ta̧nü̧ ütawiyä äpatenä̧ dodetta pä'ü ttü̧'ka̧tä̧wä̧ti̧yu̧ tükätürümä̧.

San Juan 3:5

Jesú ädätinä̧ku̧: —Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧.

San Mateo 18:3

pä'inü̧: —Isopäi'ünä̧ pädäu̧jä̧ ppo̧'ä̧tü̧ jä̧'i̧nü̧'a̧nü̧ kui'ärowächätuku juiyüttümä̧, mo̧ro̧jä̧ ru̧wa̧ weomȩmä̧ do'ächokotü kuäkuotüjä̧.

San Juan 7:17

Ya̧tȩ Dio-rü pä̧wä̧rü̧jü̧ jȩa̧ pä'ütä ja̧'a̧, isopäi'ünä̧ Ttü chu̧wo̧juȩtü̧, Dio-ttü ichü pä'ü wo̧jua̧mä̧ ja̧'wa̧ta̧nü̧ jü̧ juiyüttü'i̧nä̧, churutä pä̧wä̧rü̧jü̧tä̧ wo̧juȩtü̧tó pä'ü wo̧jua̧mä̧.

Romanos 12:2

Jitä pä̧nä̧, pi̧jä̧ ttü̧ja̧ tta̧mü̧kuäda'akumä̧ ku̧ja̧kuä̧tu̧kuä̧; ja̧'wa̧nü̧ ja̧jü̧jueimä̧, pärokua'aku ku̧wo̧jui̧'ä̧tu̧kua̧'a̧ku̧tä̧ pärowächätukui, jȩpü̧ ku̧jä̧tu̧ku̧'i̧nä̧ pärowächünä̧ Dio-rü pä̧wä̧rü̧jü̧, Dio eseu, jo̧mȩnü̧ adiwä juei ku̧wo̧juä̧tu̧kuä̧kua̧'a̧nü̧.

San Marcos 3:35

isopäi'ünä̧ Dio-rü pä̧wä̧rü̧jo̧mȩnä̧ jȩpä̧tü̧tä̧ ja̧'a̧ isopäi'ünä̧ chü̧jä̧wa̧tü̧mä̧ ja̧'wa̧ta̧nü̧ isopäi'ünä̧ cha̧ju̧mä̧.

1 Tesalonicenses 5:18

Jü̧mä̧ o'kajuiyünä̧ Dio-rü esewätukui. Isopäi'ünä̧ jua̧u̧ ja̧'a̧ Dio-rü pä̧wä̧rü̧jü̧mä̧, Crito Jesú-ru kuesetinä̧tu̧kua̧'a̧ttü̧.

Efesios 6:6

Kuruwotü tottätukuaku pä'ütämä̧ kuaditätukuä, pärokua'aku Crito umüwäyotü jü̧nä̧, kua̧mi̧ iso'kitukuttü Dio-rü pä̧wä̧rü̧jo̧mȩnä̧ aditätukui.

1 Pedro 2:15

Isopäi'ünä̧ Dio-mä̧ ukutumä̧ adiutä jȩ'kui̧yä̧tu̧kua̧ru̧ pä̧wä̧rü̧jä̧ku̧, jerupätü'i̧nä̧ amükuädäkuäwä jui'ätü'i̧nä̧ ukuturu to'ija̧'a̧ku̧ pättü juiyäkua'anü̧.

San Mateo 25:21

Jua̧u̧ru̧ u̧ru̧wa̧mä̧ pä'inü̧: Juiyo adiwa'a, adiu adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, rü̧ȩnä̧ chiyäkujä̧ kuadita pä'ümä̧. Do'ächi ttüku kuesewa.

1 Tesalonicenses 4:3

Isopäi'ünä̧ Dio-rü pä̧wä̧rü̧jo̧mȩnä̧ kkä̧kuä̧wä̧mä̧: surojü juiyüku juoächäkuäwä ja̧'a̧, tti̧rȩkua̧mü̧ pokotüku jȩä̧'chä̧kuä̧wä̧ttü̧ 'kȩi̧pä̧chä̧kuä̧wä̧ ja̧'a̧,

Colosenses 4:12

Kui̧rȩjä̧tu̧ku̧ i̧sa̧, Crito-rü esetü, yaboku Dio-rü pä̧wä̧rü̧jo̧mȩnä̧ kui̧'chä̧tu̧kua̧ pä'ü Dio-rü ukuokuä'ijü, Epafra'i̧nä̧ ukuturu te'äu.

San Lucas 13:25

Isode u̧ru̧wa̧ ä̧rä̧mi̧'ü̧ äpate mü̧'ȩpü̧ iku o'ka'a jü̧ttü̧mä̧, u̧mi̧ kka̧kuä̧tü̧mä̧ wottäkuotü: Chu̧ru̧wa̧ ba'epitü. Ja̧'wa̧nü̧ ja̧'a̧nä̧ ä̧dä̧tä̧kuä̧u̧jä̧: Ukuturumä̧ yoriso jȩru̧pa̧sä̧, jü̧nä̧tä̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

San Lucas 18:25

Camellu-mä̧, pä̧ra̧ta̧ri̧ isäjunä̧ 'kuäünä̧ 'kuäo'a'anä̧, pärätä ru̧wa̧rü̧mä̧, yoriso 'kiya'a Ru̧wa̧ Dio weomȩ doächa pä'ümä̧.

San Marcos 9:47

Ja̧'wa̧ta̧nü̧ kui'äre suronä̧ jȩä̧kuä̧wä̧nä̧ ma̧kuä̧chü̧nä̧ jȩü̧ttü̧mä̧, baroku ikuí; ru̧wa̧ Dio weomȩ kui'äre jiretetä kka̧'a̧nä̧ dokuächüttütä adiu'anü̧ ja̧'a̧; ja̧'wa̧nü̧ jü̧ juiyüttümä̧ kui'äre torerekue'ü kka̧ja̧ pä'ü'i̧nä̧ okurä na̧wi̧pokorära̧'a̧ do'opü i̧kuä̧wä̧kua̧jä̧.

San Mateo 19:24

Pä'äjita'anü̧ pädäu̧jä̧, camellu-mä̧ pä̧ra̧ta̧ri̧ isäjunä̧mä̧ 'kuäunä̧tä̧ 'kuä'o'ü ja̧'wa̧nü̧ ja̧'a̧nä̧ pärätä ru̧wa̧ Dio weomȩ doächa pä'ümä̧ rü̧ȩnä̧ weyekua'a.

San Mateo 18:35

Jesú-mä̧ jua'a yabonü̧ pä'inü̧: —Ja̧'wa̧nü̧ ji̧nü̧ta'anü̧ Chä'o mo̧ro̧jä̧nä̧ kkü̧mä̧ jȩä̧kuä̧u̧jä̧, ukutu'i̧nä̧ kuawaruwä kui̧jä̧wa̧tü̧rü̧ kua̧mi̧'iso'kitukunä̧ jo̧mȩnü̧ eseku kuikuätuku juiyüttümä̧.

San Juan 15:23

Ttürü kkü'kokümä̧, Chä'orü'i̧nä̧ kkü'kokü.

San Mateo 26:42

Pä'äji jä̧ji̧ta̧'a̧nü̧, todärenä̧ päi'ünä̧ tü'ipächi'ü Dio-rü pa̧'a̧nü̧ ukuokuinü̧: «Chä'o, pi̧yȩ usurä ȩmä̧kuä̧wä̧nä̧ ttü 'kuädopa päkuttümä̧, ukuru pä̧wä̧rü̧jo̧mȩnä̧tä̧ jȩpi̧.»

San Mateo 16:17

Ädätäku Jesú-mä̧ päinä̧ku̧: —Simón, Joná i̧tti̧ ukumä̧ rü̧ȩnä̧ eseäkuäwä po̧kui̧pü̧jä̧, pi̧yȩ ku̧wo̧juö̧mä̧ ukutä jäwämä̧kü̧ ja̧'a̧, Chä'o Dio mo̧ro̧jä̧nä̧ kkü̧tä̧ jiäwäkujä̧.

Apocalipsis 2:27

Ja̧'wa̧nü̧ ja̧'a̧ kuoräu i̧so̧'kȩnä̧ wettäkuotü ja̧'wa̧nü̧ jo̧mȩnä̧, redä'ka i̧so̧'ta̧ dü'ü ttikua'a jä̧'i̧nü̧'a̧nü̧ jä̧kua̧'a̧. Ttü Chä'ottü chȩmi̧nü̧ta'anü̧.

San Juan 14:7

Ttürü ku̧wo̧juä̧tu̧kuo̧mȩnä̧mä̧, Chä'orü'i̧nä̧ wo̧juä̧tü̧jä̧; porü kkä̧mä̧dü̧, täkü jitämä̧ ku̧wo̧juä̧tu̧kuä̧ku̧ ja̧'wa̧ta̧nü̧ topü'i̧nä̧ to'kuätukuäku.

San Juan 5:17

Ja̧'wa̧nü̧ jä̧ku̧, Jesú-mä̧ päinä̧u̧: —Ttü Chä'omä̧ jitäbü päi'ünä̧ aditü ja̧'wa̧nü̧ ja̧'a̧ttü̧ ttü'i̧nä̧ aditüsä.

San Mateo 26:39

Pä'ipü yabonä̧nü̧ 'chä̧wi̧'ü̧, iwe'kiyunä̧ pä̧mä̧dü̧ rȩjȩku̧ ma̧'ä̧mü̧, Dio-rü ukuoku pä'inü̧: «Chä'o, jȩ'ku̧'a̧nü̧ jü̧ttü̧mä̧, pi̧yȩ usurä ȩmä̧kuä̧wä̧nä̧ 'kuädopü juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukuru pä̧wä̧rü̧jo̧mȩnä̧tä̧.»

San Mateo 18:10

Pitü ppo̧'ä̧tü̧ttü̧ ya̧tȩrü̧'i̧nä̧ kuju'kätukuoka'amä̧ jȩ'kuä̧'chä̧tu̧kuä̧; juätümä̧ mo̧ro̧jä̧ra̧'a̧ttü̧ A̧gȩrȩ-mä̧ tta̧'a̧rä̧tü̧ 'kuäopünä̧tä̧.

San Mateo 18:19

Pä'äjita'anü̧ pädäu̧jä̧, pi̧jä̧nä̧ttü̧ ukututtü ta̧ju̧ kkorojuei Dio-rü jäkuepätukua pä'ü kuamükuädätukuttümä̧, Chä'o mo̧ro̧jä̧ ru̧wa̧mä̧ i̧yä̧kua̧.

San Mateo 25:10

Ja̧'wa̧nü̧ jä̧u̧ mikuänä̧ ttiyomȩttü̧ ȩmü̧ tti̧'cha̧'a̧nä̧, Ü'käumä̧ täkü ichi'inü̧. Ichi'a'a wo̧juȩku̧nä̧ amükuädätümä̧, chutäku dodettächa'anä̧, äpatemä̧ mü̧ȩkuä̧chi̧na̧'a̧.