San Mateo 6:9 - Nuevo Testamento Uwotjüja

⁹ Ja̧'wa̧nü̧ ja̧'a̧ttü̧ Dio-rümä̧ pa̧'a̧nü̧ kukuokuätukuajä̧: Tä'o Dio ukú, mo̧ro̧jä̧nä̧ kkü̧, kui̧mi̧mä̧ ukuo kkü̧nä̧tä̧ juoächa pä'ätüjä̧,

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧ttö̧ pa̧'a̧nö̧ ucuocuätucui: Tä'o Dios, mo̧ro̧jä̧ra̧'a̧ kö̧jä̧. Ucu cui̧mi̧mä̧ adihuä cui̧mi̧ pä'ö ttucuotaja.

San Mateo 6:9 Referans Kwoze

Apocalipsis 4:11

«Chu̧ru̧wa̧, ukumä̧ teseäkuäu'i̧nä̧, kuruwo'i̧nä̧, kuȩma̧ pä'ütä wa̧jä̧, o'kajuiyünä̧ kuaditäwätä ja̧'a̧ttü̧, kuwäbe'inü̧tä̧ ja̧'a̧ttü̧; ukú kuju'komȩnä̧tä̧ kka̧ku̧ ja̧'a̧ttü̧.»

Romanos 8:15

Isopäi'ünä̧ Dio ukuturu iyinä̧ku̧ Epíritumä̧ 'chu̧'ä̧ro̧kü̧ ja̧'wa̧ta̧nü̧ yekuekuätukunä̧'i̧nä̧ jȩpo̧kü̧. Ja̧'wa̧nü̧ ja̧jü̧jueimä̧, pärokua'aku Epíritumä̧ Dio i̧tti̧mü̧ juokuächätukunä̧ juoepinä̧u̧jä̧. Jua̧u̧nä̧tä̧tä̧ ajuäkuäwätüjä̧: ¡Abbá, Chä'o pä'ümä̧!

Gálatas 4:6

Ja̧'wa̧nü̧, täkü i̧tti̧mü̧ ta'attü̧ Dio-mä̧ i̧tti̧ a̧'kua̧rü̧ i̧sa̧ Epíritu-ru we'inü̧ ta̧mi̧'iso'kinä̧: jua̧u̧ Epíritu ja̧'a̧, ¡Abbá! ¡Chä'o! pä'ü wopümä̧.

Apocalipsis 5:12

ja̧'wa̧nü̧ ja̧'a̧ pä̧i̧ku̧nä̧ pä'inä̧tü̧: ¡Oweja mü̧ä̧ya̧ jü̧nä̧, usurä ȩmä̧u̧ to'e'ächinü̧tä̧ ja̧'a̧, ruwo ujuru'i̧nä̧, pärätä'i̧nä̧, wo̧juä̧wä̧'i̧nä̧, ttesewarü pä'ü'i̧nä̧, üadiwä ra̧tta̧rü̧ pä'ü'i̧nä̧ wa̧mä̧!

San Mateo 7:11

Ukutumä̧ suropätü kuätukua'anä̧, kui̧tti̧mü̧tu̧ku̧ru̧mä̧ adiwäjueitätä iyäwä wo̧juä̧tü̧jä̧, ¡Jua̧u̧ttü̧'i̧nä̧ yabonä̧ Kuä'otuku mo̧ro̧jä̧nä̧ kkü̧mä̧ jä'epätürümä̧ adiwäjuei i̧yä̧kua̧!

San Mateo 26:29

Ja̧'wa̧nü̧ ja̧'a̧nä̧ pädäu̧jä̧, uwa isoya jitä chawa'atä ja̧'a̧mä̧ awokü chä̧kua̧sä̧, pä'äjita'anü̧ ukutukumä̧ ji̧yȩnü̧ mo̧ro̧ chä'o Dio weomȩttü̧tä̧ chawa pä'ü.

San Mateo 23:9

Ja̧'wa̧ta̧nü̧ pi̧jä̧nä̧ttü̧mä̧ ya̧tȩrü̧'i̧nä̧ chä'o pä'ümä̧ okuä'chätukuä, ukutu kuä'otukumä̧ ya̧tȩtä̧ ja̧'a̧, mo̧ro̧jä̧ ru̧wa̧tä̧.

San Mateo 5:16

Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

San Lucas 15:18

Chä'o ojusodera̧'a̧tä̧ ppa̧dä̧cha̧ttü̧, topümä̧ pa̧'a̧nü̧ pädarüjä̧: Chä'o, ttümä̧ Dio'i̧nä̧ weokü, uku'i̧nä̧ wekuokü, suronä̧ jȩpä̧ji̧sä̧, jü̧nä̧.

1 Pedro 1:17

Ukutu Dio-rü, «Chä'o» pä'ü okuätukuttümä̧ yotukunä̧ ttaditäwä jü̧'a̧kuä̧, yoräteunä̧tä̧ pä'ätukuitü, pi̧jä̧nä̧ ku̧jä̧tu̧kuä̧i̧mä̧ kukuotätukumä̧ i̧jȩpä̧tu̧kui̧.

1 Timoteo 6:16

Jua̧u̧mä̧ chu̧'ä̧kua̧ 'kuäopünä̧tä̧ kkü̧, ttü̧ja̧sa̧mä̧ ya̧tȩ pä'ü'i̧nä̧ ütü'küwächi'ü juiyünä̧ rü̧ȩnä̧ tȩya̧u̧ kkȩdȩpo̧mȩ kkü̧. Ttü̧ja̧sa̧mä̧ tookoku ja̧'wa̧ta̧nü̧ toü juiyünä̧ wa̧. Ja̧u̧nä̧mä̧ ukuo'i̧nä̧, ujuru'i̧nä̧ 'kuäopünä̧tä̧ chutä jäwä kka̧'a̧.

San Lucas 15:21

Ja̧'wa̧nü̧ ja̧'a̧, jä'orü päinü̧: chä'o Dio'i̧nä̧ weokü, uku'i̧nä̧ wekuokü, suronä̧ jȩpi̧nü̧sä̧, täkü chi̧tti̧ pä'ümä̧ okuättü.

San Lucas 2:14

«¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»

San Mateo 6:14

Isopäi'ünä̧ ukuturu, kkorotü suronä̧ jȩtto̧mȩnä̧ mikuä jȩ'kuä̧tu̧ku̧ juiyüttümä̧, Kuä'otuku Dio mo̧ro̧jä̧nä̧ kkü̧mä̧, ukuturu'i̧nä̧ mikuämä̧ jȩo̧ko̧u̧ kuäkuotüjä̧.

San Mateo 6:6

Ja̧'wa̧nü̧ ja̧'a̧nä̧, uku Dio-rü kukuokuomȩnä̧mä̧, do'ächi'ü kuo̧ju̧so̧ka̧ äpate mü̧'ȩku̧ ikuipü'ka̧ jua̧u̧ru̧ yä̧wo̧mȩ kkü̧rü̧, yä̧wä̧i̧nä̧ ukuokui. Ja̧'wa̧nü̧ kukuokuomȩnä̧, Kuä'o Dio yä̧wä̧i̧nä̧ jü̧'i̧nä̧ topü ja̧'a̧ttü̧ premio pättümä̧ i̧yä̧kua̧jä̧.

San Mateo 5:48

Ja̧'wa̧nü̧ ja̧'a̧ttü̧ Kuä'otuku mo̧ro̧jä̧nä̧ kkü̧ surojü jui̧'a̧ jü̧ta̧'a̧nü̧ ukutu'i̧nä̧ surojü juiyünä̧ jȩpä̧tu̧kui̧.

Gálatas 1:1

Ttü Pauru, Apóto päi'ünä̧ wa̧, ttü̧ja̧ weäwänä̧'i̧nä̧, ttü̧ja̧nä̧'i̧nä̧ u̧ju̧no̧ko̧ku̧ pinü̧, Tu̧ru̧wa̧ Jesucrito-nä̧tä̧, jua̧u̧ru̧ wa'arettü tto'ädinü̧ Dio-tä weinä̧ku̧,

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

San Mateo 26:42

Pä'äji jä̧ji̧ta̧'a̧nü̧, todärenä̧ päi'ünä̧ tü'ipächi'ü Dio-rü pa̧'a̧nü̧ ukuokuinü̧: «Chä'o, pi̧yȩ usurä ȩmä̧kuä̧wä̧nä̧ ttü 'kuädopa päkuttümä̧, ukuru pä̧wä̧rü̧jo̧mȩnä̧tä̧ jȩpi̧.»

Romanos 1:7

Ukutu Roma-nä̧ kka̧kuä̧tü̧ o'katoi'ünä̧, Dio surojü juiyünä̧ ku̧jä̧tu̧kua̧ pä'ü pojopü ȩmi̧nä̧u̧ru̧ pä'üsä: Jä'o Dio ja̧'wa̧ta̧nü̧ Tu̧ru̧wa̧ Jesucrito iyü adiwä juei wȩnȩ juiyü kkä̧tu̧kua̧ku̧ pä'üsä.

San Mateo 10:29

¿Ppi̧yu̧ ta̧ju̧nä̧mä̧, pä̧rä̧tä̧bi̧ ji̧bi̧tȩtä̧ mikuä pä'ü iyäwa'akü̧ pädä'ijä'ä? Ja̧'wa̧nü̧ ja̧'a̧nä̧ juätüttümä̧ ya̧tȩ'i̧nä̧ 'korujuo'ächokü Dio-rü pä̧wä̧rü̧jo̧ko̧mȩnämä̧.