San Mateo 6:6 - Nuevo Testamento Uwotjüja

⁶ Ja̧'wa̧nü̧ ja̧'a̧nä̧, uku Dio-rü kukuokuomȩnä̧mä̧, do'ächi'ü kuo̧ju̧so̧ka̧ äpate mü̧'ȩku̧ ikuipü'ka̧ jua̧u̧ru̧ yä̧wo̧mȩ kkü̧rü̧, yä̧wä̧i̧nä̧ ukuokui. Ja̧'wa̧nü̧ kukuokuomȩnä̧, Kuä'o Dio yä̧wä̧i̧nä̧ jü̧'i̧nä̧ topü ja̧'a̧ttü̧ premio pättümä̧ i̧yä̧kua̧jä̧.

TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ttö̧ ucutu cucuocuätucuomenä, cuojusodenä do'ächö äpate mö̧'ȩpä̧tu̧cui̧. Cuä'o Diosrötä ucutucu kö̧rö̧ ucuocuätucui. Ja̧'hua̧nö̧ ja̧'a̧ttö̧ Cuä'omä, o'ca juiyönä jȩcu̧'u̧ topömä, adihuä juäi i̧yä̧cua̧jä̧.

San Mateo 6:6 Referans Kwoze

San Mateo 14:23

Ttü̧ja̧ rekuäjätürü we'ü ikuäji̧'ka̧, Jesú-mä̧ mü̧'ä̧'kara̧'a̧ kkatätä 'cha'ächinü̧ Dio-rü ukuoku 'chä̧nü̧. Jua'atä ni̧'ȩkuä̧chä̧ji̧'ka̧ kkatätä kki̧nü̧,

Hechos 9:40

Ja̧'wa̧nü̧ ja̧'a̧, Peduru-mä̧ o'katoi'ünä̧rü̧ rättopächünä̧ we'ü ikuäji̧'ka̧, iwe'kiyunä̧ kkä̧mä̧dü̧, Dio-rü ukuoku pä'inü̧: —«¡Tabitá, ä̧rä̧mi̧'i̧!», päomȩnä̧, kki'äre ye'ädü Peduru-rü tojomȩnä̧, pä'äji ta̧'a̧nü̧ adiu pä'i'inä̧ju̧.

San Mateo 6:18

Ku̧kuȩ kua̧do̧cha̧'a̧ ttü̧ja̧ ttu̧wo̧jui̧pü̧ juiyäkua'anü̧. Kuä'o Dio yä̧wo̧mȩ kkü̧tä̧tä̧, yä̧wä̧i̧nä̧ topütä kuȩma̧ päkuäjimä̧ i̧yä̧kua̧jä̧.

Hechos 10:9

Jua̧u̧nü̧ o'ka'a, kkoro mo̧ro̧, kkä̧wa̧ weü kkü̧rü̧ ja̧'a̧, juätü päjätümä̧ Jope tü'kü jo̧mȩ tti̧'cha̧'a̧, Peduru-mä̧ isode wä̧mȩ ja̧'a̧ku̧ 'cha'ächächinü̧ Dio-rü ukuoku 'chä̧nü̧ ojusodettümä̧.

San Mateo 6:4

ja̧'wa̧nü̧ jikuäwoka'atä ppä'ädi. Ja̧'wa̧nü̧ yä̧wä̧i̧nä̧ kuiyüttümä̧, Kuä'o yä̧wä̧i̧ jäwä'i̧nä̧ wo̧jua̧ ja̧'a̧ttü̧ premio-mä̧ i̧yä̧kua̧jä̧.

Efesios 3:14

Pa̧'a̧nü̧ jo̧mȩttü̧ chiwe'kiyunä̧ pä̧mä̧dü̧ Chä'o Dio-rü ukuokusä,

Romanos 8:5

Isopäi'ünä̧ ttidepä pä̧wä̧rü̧jo̧mȩnä̧ kka̧kuä̧tü̧mä̧, ttidepä jäwätä amükuädätü; ja̧'wa̧nü̧ ja̧'a̧nä̧ Epíritu-ru pä̧wä̧rü̧jo̧mȩnä̧ kka̧kuä̧tü̧mä̧, Epíritu jäwätä amükuädätü.

Hechos 10:30

Cornelio-mä̧ ädätinü̧: Täkü pa̧ja̧kuä̧nü̧ mo̧ro̧ ja̧'a̧, pi̧yȩtä̧ hora-nä̧, porü chojusodettü, las tres-bü Dio-rü chu̧kuȩ a̧do̧chü̧ chukuokuomȩnä̧ ya̧tȩ ü̧'ka̧tä̧wä̧ta̧ kkȩdȩpä̧ta̧ 'ka̧tä̧u̧ i̧jȩkuä̧ja̧'a̧mä̧.

San Juan 1:48

Päiyäku Natanael-mä̧ jä'epü ä̧ju̧kui̧nä̧ku̧: —¿Ttürümä̧ toku ku̧wo̧jua̧'a̧jä̧ttü̧? Päku, Jesú-mä̧ ädätinä̧ku̧: —Felipe ukuru woäkua'a ä'kanä̧, higuera dau dȩa̧'a̧ ku̧'a̧'a̧ tochäjäkujä̧.

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.