San Mateo 6:28 - Nuevo Testamento Uwotjüja

²⁸ Ja̧'wa̧ta̧nü̧ ku̧'ka̧tä̧wä̧ti̧yu̧tu̧ku̧'i̧nä̧, ¿tta̧'a̧nü̧ pä'ü kua̧'kua̧ rokuekuätukua'ajä̧ttü̧? amükuädü topätukui: pättiyunä̧ kka̧ku̧ lirios pättü büó juoa'a: aditü'i̧nä̧ aditokü ja̧'a̧nä̧, pü̧jä̧ appiyä'i̧nä̧ 'kuä̧o̧kü̧ ja̧'a̧nä̧.

TÄ̧DO Ä̧CUÄ̧ I̧HUȨNȨ

²⁸ “¿Dä̧bö̧ cua̧mö̧cuä̧rä̧tu̧cuä̧ttö̧, cu̧'ca̧tä̧huä̧ti̧yu̧mä̧? De'a jähuä ȩ'u̧ bahua'a topö amöcuädätucui. Yoröiso aditö'inä aditocö, ö̧'ca̧tä̧huä̧ta̧'i̧nä̧ aditocö ja̧u̧ ȩ'u̧mä̧.

San Mateo 6:28 Referans Kwoze

San Mateo 6:25

Ja̧'wa̧nü̧ ja̧'a̧ttü̧ ukuturu pä'üsä: Pi̧jä̧ttü̧ kua̧'kua̧rä̧tu̧ku̧mä̧ kua̧'kua̧ rokuekuätukuä, ¿däjé tukuäkua'a jä̧ttü̧, däjé tawäkua'a jä̧ttü̧ ja̧'wa̧ta̧nü̧ däjé tu̧'ka̧tä̧wä̧kua̧'a̧ jä̧ttü̧? pä'ümä̧. Isopäi'ünä̧ a̧'kua̧rä̧kuä̧wä̧mä̧, ¿ttu̧kuȩttü̧'i̧nä̧ u̧wä̧mȩnä̧mä̧ mikuäwokü ja̧'a̧ tä̧jí̧? ja̧'wa̧ta̧nü̧ ttidepä jättäjimä̧ ¿ttü̧'ka̧tä̧ü̧ttü̧'i̧nä̧ u̧wä̧mȩnä̧ mikuäwokü ja̧'a̧ tä̧jí̧?

Filipenses 4:6

Kkorojueinä̧mä̧ kua̧'kua̧ rokuekuätukuä, ja̧'wa̧nü̧ ja̧jü̧ jueimä̧, ukuturu rekuä rü̧jü̧mä̧ Dio u̧wo̧juö̧nä̧tä̧ ji'äwätukuirü; churutä esewuönü̧.

San Lucas 12:27

Topätukui ä̧'u̧ oimä̧; aditü'i̧nä̧ aditokü ja̧'a̧nä̧, ü̧'ka̧tä̧wä̧ti̧yu̧'i̧nä̧ 'tü̧'o̧kü̧ ja̧'a̧nä̧ büó juoü. Ru̧wa̧ Salomón'i̧nä̧, rü̧ȩnä̧ uruwo kku̧nä̧rü̧ ja̧'a̧nä̧, jua̧u̧ jü̧'a̧nü̧mä̧ 'ka̧tä̧wo̧kü̧ pinü̧.

San Mateo 6:31

Ja̧'wa̧nü̧ ja̧'a̧ttü̧ kua̧'kua̧ rokuekuätukuä ¿Däjé tukuäkua'ajä̧ttü̧? ¿Däjé ttawäkua'ajä̧ttü̧? ¿Däjé tü̧'ka̧tä̧wä̧kua̧'a̧jä̧ttü̧? pä'ümä̧.

San Lucas 3:11

Jättepäku Ju̧a̧-mä̧ ädätinä̧u̧: —ü̧'ka̧tä̧wä̧ti̧yu̧ to̧ta̧rȩ kku̧nä̧rü̧mä̧, jui̧'a̧rü̧ ppä'ädi; ja̧'wa̧ta̧nü̧ u̧kuȩ kku̧nä̧rü̧'i̧nä̧, u̧kuȩ jui̧'a̧rü̧ ppä'ädi.

San Mateo 10:10

mä̧nä̧ttü̧ ku̧kuä̧tu̧kuä̧kuȩ'i̧nä̧, ku̧'ka̧tä̧wä̧ti̧yu̧'i̧nä̧ to̧ta̧rȩ pünä̧mä̧, ku̧jä̧pü̧ isäya'i̧nä̧, kuitta'ka i̧so̧'kȩ'i̧nä̧ kuȩpä̧tu̧kuä̧, isopäi'ünä̧ adikuä i̧sa̧mä̧ u̧kuȩ i̧yä̧wa̧.

San Mateo 6:27

¿Díjä̧ttü̧ ukututtü rü̧ȩnä̧ a̧'kua̧ roekuaja pä'ü'i̧nä̧ chutä üoto otodäkuawajümä̧, u̧yu̧'ka̧ri̧ üoto ä̧tȩkuo̧mȩ jo̧mȩ?

San Lucas 10:41

Päjiyäku, Jesú-mä̧ ädätinä̧kua̧: —Marta, Marta kuaditäwänä̧tä̧ kua̧'kua̧ ro'ekuäjujä̧.

San Lucas 12:11

Ukuturu sinagoga odewiyära̧'a̧ ttȩpü̧ttü̧'i̧nä̧, Juez jü̧nä̧ wotü ttü̧'ȩjo̧mȩ ttȩpü̧ttü̧'i̧nä̧ ja̧'wa̧ta̧nü̧ ukuo isotü ttü̧'ȩjo̧mȩ ttȩpü̧ttü̧'i̧nä̧, tta̧'a̧nü̧ tädätäkua'ajó, toku jitäwäkua'ajó pä'ümä̧ kua̧'kua̧ tta̧kuȩkuä̧tu̧kuä̧.

San Lucas 12:22

Jua̧u̧nü̧ o'ka'a Jesú-mä̧ u̧wo̧juȩtä̧u̧rü pä'inü̧: Pi̧yȩ ukuturu pä'üsä: Kua̧'kua̧rä̧tu̧ku̧ jäwämä̧, kua̧'kua̧ rokuekuätukuä, däjé chukuäkua'ajó pä'ümä̧; ja̧'wa̧ta̧nü̧ kuidepätuku jäwä'i̧nä̧, däjé chü̧'ka̧tä̧wä̧kua̧'a̧jó pä'ümä̧.

1 Pedro 5:7

O'kajuiyünä̧ kua̧'kua̧ rokuekuätukumä̧ Dio-rütä iyätukui, jua'amä̧ ukuturu tta̧wä̧ra̧'a̧ttü̧.