San Mateo 6:24 - Nuevo Testamento Uwotjüja

²⁴ Ya̧tȩ'i̧nä̧ uruwotü ta̧ju̧ru̧mä̧ ukuotü juiyünä̧ ja̧'a̧, jua'amä̧ ya̧tȩrü̧tä̧ eseu repea'anä̧, kka̧ra̧rü̧mä̧ üjü'kü juiyünä̧ ja̧'a̧ttü̧. Ja̧'wa̧nü̧ jü̧ta̧'a̧nü̧ ji̧nä̧ yo̧mȩtȩnä̧mä̧ Dio-rü'i̧nä̧ ukuotü kkä̧nü̧ pärätä'i̧nä̧ ukuotü ttü̧jü̧ juiyünä̧ ja̧'a̧.

TÄ̧DO Ä̧CUÄ̧ I̧HUȨNȨ

²⁴ “Ya̧tȩ uruhuotö ta̧ju̧ huettömä, yoröiso jȩpo̧cö̧. Ta̧ju̧ru̧mä̧ eseunu repe'ocö. Ya̧tȩrö̧tä̧ eseunu rȩpȩä̧cua̧, ka̧ra̧rö̧ repeoca'anä. Ja̧'hua̧ta̧nö̧ ya̧tȩ hueömä eseunu jȩa̧'a̧nä̧, ka̧ra̧ hueömä ra̧huä̧rö̧nö̧tä̧ jȩä̧cua̧. Ja̧'hua̧ta̧nö̧ Diosrö'inä, pärätä'inä ji̧nä̧ yo̧mȩtȩnä̧ amöcuädäcuähuocödo, —pä'ö huo̧juȩti̧nö̧do Jesús.

San Mateo 6:24 Referans Kwoze

San Lucas 16:13

Ya̧tȩ'i̧nä̧ uruwotü ta̧ju̧ru̧ u̧ju̧nä̧ra̧ pä'ümä̧ weyekua'a; jua'amä̧ ya̧tȩrü̧ üjü'kü juiyünä̧ ja̧'a̧nä̧, kka̧ra̧rü̧tä̧ eseunä̧ ja̧'a̧ttü̧; ja̧'wa̧ta̧nü̧ kka̧ra̧rü̧mä̧ ye pä'anä̧, kka̧ra̧rü̧mä̧ ukuotü juiyünä̧ jä̧kua̧'a̧. Ja̧'wa̧nü̧ ja̧'a̧ttü̧ Dio-rü ttu̧ru̧wa̧ ja̧'a̧nä̧mä̧, pärätä'i̧nä̧ ttu̧ru̧wa̧ ja̧ pä'ümä̧ weyekua'a.

Santiago 4:4

¡Ukutu ttü̧ja̧ ukuotokotümä̧! ¿Yoriso jerupätüjä̧, pi̧jä̧nä̧ jäwä awaruwä juo'ächätümä̧ Dio aboiyotü ja̧'a̧ pä'ümä̧? Ya̧tȩ pi̧jä̧ jäwä a̧wa̧ru̧wa̧ juo'ekumä̧ Dio a̧bo̧i̧ya̧ jü̧nä̧tä̧ juoächü.

Gálatas 1:10

Ja̧'wa̧nü̧ ja̧'a̧ttü̧ ttü̧ja̧rü̧ pä̧wä̧rü̧jü̧ jȩcha̧ pä'ümä̧ usoküsä, Dio-rü pä̧wä̧rü̧jü̧tä̧ jȩcha̧ pä'ü wa̧sä̧. Ja̧'wa̧nü̧ ttü̧ja̧rü̧ pä̧wä̧rü̧jü̧ jȩchü̧ttü̧mä̧, Crito-mä̧ u̧mü̧wä̧ya̧mä̧ poküsä.

San Mateo 4:10

Päomȩnä̧, Jesú-mä̧ ädätinä̧ku̧: —Satanás täkü täi, wȩyu̧kuä̧ wȩnȩmä̧ pä'a: Ku̧ru̧wa̧ Dio-rütä kuiwe'kiyunä̧ mä̧'ä̧mü̧ esewirü ja̧'wa̧ta̧nü̧ Jua̧u̧ weütätä tukuota pä'ü ja̧'a̧.

San Lucas 16:11

Ja̧'wa̧nü̧ ja̧'a̧ttü̧ pi̧jä̧ jäwä pärätä adiwokünä̧'i̧nä̧, adiu tta̧kuä̧rä̧tu̧kuo̧ka̧'a̧ ji̧na̧'a̧mä̧, ¿Ditä a̧'kua̧ u̧wȩnä̧rä̧kua̧'a̧jä̧ttü̧ ukuturu, isopäi'ünä̧ mikuäu jäwänä̧mä̧?

1 Timoteo 6:17

Pi̧jä̧nä̧ttü̧ pärätä ruwotürümä̧, kku̧nä̧rä̧tü̧jä̧ pä'ü ukuo tettäu juiyünä̧ ja̧'wa̧ta̧nü̧ tturuwonä̧ tta̧'kua̧ ttu̧wȩnä̧rü̧ juiyünä̧ we'itü, ja̧'wa̧nü̧ ja̧jü̧ jueimä̧ kkorojuei'i̧nä̧ o'kajuiyünä̧ rü̧ä̧nä̧ iyü Dio 'kuäopü kkü̧rü̧tä̧ tesewäkua'anü̧.

San Lucas 16:9

Isopäi'ünä̧ ukuturu pä'üsä: Pi̧jä̧ jäwä pärätä adiwä juei jo̧kü̧nä̧, kuawaruwätukuru ku̧ju̧nä̧rä̧tu̧kua̧ usätukui, jua̧u̧ beipächomȩnä̧, mo̧ro̧jä̧nä̧ i'ko kko̧mȩttü̧ ttȩmä̧tu̧kua̧ku̧.

2 Timoteo 4:10

ja̧'wa̧ta̧nü̧ Dema, pi̧jä̧ jäwä kkü'kekuienä̧ku̧'i̧nä̧ Tesalónica-ra̧'a̧ 'chä̧nü̧ kkatä u̧ju̧ni̧'i̧nä̧ku̧sä̧. Crecente-tä Galacia rȩjȩra̧'a̧ i̧'cha̧'a̧nä̧ Tito-mä̧ Dalmacia-ra̧'a̧ 'chi̧nü̧.