San Mateo 6:23 - Nuevo Testamento Uwotjüja

²³ Ja̧'wa̧nü̧ ja̧'a̧nä̧ kui'äriyä surojomȩnä̧mä̧, jä̧ttä̧pä̧ya̧rü̧mä̧ yo̧ü̧tä̧ kka̧'a̧. Ja̧'wa̧nü̧ ja̧'a̧ttü̧ ukunä̧ kkü̧ tȩya̧u̧ a̧'u̧kuo̧mȩnä̧mä̧ yo̧ü̧tä̧ kkȩdä̧rä̧ku̧jä̧, ukú jä̧ttä̧pä̧ya̧rü̧mä̧.

TÄ̧DO Ä̧CUÄ̧ I̧HUȨNȨ

²³ Juhuorö'inä cu'ärenä adiunä uhuähuoca'a jö̧ttö̧mä̧, cuidepänä o'ca juiyönä yo̧a̧'a̧do. Ja̧'hua̧nö̧ ja̧'a̧ttö̧ cuami iso'quinä tȩa̧huo̧ca̧'a̧ jö̧ttö̧mä̧, iso päi'önä yo̧ö̧nä̧ kö̧jä̧.

San Mateo 6:23 Referans Kwoze

1 Juan 2:11

Ja̧'wa̧nü̧ ja̧'a̧nä̧, a̧wa̧ru̧wa̧ ü̧jä̧wa̧rü̧ üjü'kü juiyüttümä̧, yo̧ü̧nä̧ kkä̧nü̧, yo̧ü̧nä̧tä̧ kue'ächü; i̧'cho̧mȩ'i̧nä̧ jȩru̧pa̧, yo̧ü̧ ä̧to̧dü̧ ikuinä̧ku̧ ja̧'a̧ttü̧.

San Mateo 6:22

Jättäpäyotürü tȩya̧u̧nä̧ kkȩdȩpü̧mä̧ tti'äre ja̧'a̧; ja̧'wa̧nü̧ ja̧'a̧ttü̧, kui'äriyä o'kajuiyünä̧ adiwomȩnä̧mä̧, jättäpäyotünä̧ tȩya̧u̧mä̧ kka̧'a̧;

Efesios 4:18

Juätümä̧ tta̧mü̧kuädü'i̧nä̧ yo̧ä̧chä̧chi̧nä̧u̧, Dio jäwä a̧'kua̧rä̧kuä̧wä̧ttü̧mä̧ otó wotü, yoriso jerupü tta̧mi̧ 'kittädäkuäwina̧'a̧ttü̧.

1 Corintios 2:14

Dio i̧sa̧ Epíritu-ru to'ätümä̧, Epíritu jäwämä̧ 'kittünä̧ wotü, juätürümä̧, jua̧u̧mä̧ suräjuä wȩnȩ jü̧nä̧tä̧ ja̧'a̧ttü̧. Ja̧'wa̧nü̧ ja̧'a̧ttü̧ yoriso ttu̧wo̧jui̧pü̧ juiyünä̧tä̧ jä̧u̧, jua'amä̧ Epíritu jäwänä̧tä̧ adiwomȩnä̧ päwä ja̧'a̧ttü̧.

Romanos 1:22

Adiu wo̧juä̧tü̧jä̧ pätta'anä̧, amükuädokotü 'kua̧rü̧nä̧ juo'ächinä̧tü̧;

Efesios 5:8

isopäi'ünä̧ ji̧yȩnü̧ mo̧ro̧mä̧ yo̧ü̧nä̧ kka̧kui̧nä̧tü̧jä̧, ja̧'wa̧nü̧ ja̧'a̧nä̧ jitämä̧, Tu̧ru̧wa̧nä̧mä̧ tȩya̧u̧ wotüjä̧; ja̧'wa̧nü̧ ja̧'a̧ttü̧ tȩya̧u̧ i̧tti̧mü̧ jü̧nä̧ kka̧kuä̧tu̧kui̧.

San Lucas 8:10

Juätürü pä'inü̧: Ukuturumä̧, Dio weü wo̧juä̧wo̧kü̧mä̧ ku̧wo̧juä̧tu̧ku̧nä̧ iyinä̧u̧jä̧; ja̧'wa̧nü̧ ja̧'a̧nä̧ kkorotürümä̧ wȩnȩtä̧rü̧tä̧ ukuokusä, jua'amä̧ topätürümä̧, totta'anä̧'i̧nä̧ tottü juiya pä'ü ja̧'wa̧ta̧nü̧ ttä̧ju̧kua̧'a̧nä̧'i̧nä̧, ttu̧wo̧jui̧pü̧ juiya pä'ü.

San Mateo 20:15

Ttütä chiäre pärätämä̧, ttürütä pä̧wä̧rü̧jo̧mȩnä̧ jȩpü̧sä̧. ¿Adiu jȩcha̧'a̧mä̧, uku kuju'kü juiyünä̧ ja̧'a̧ tä̧jí̧?

San Marcos 7:22

o'kajuiyünä̧ ttu̧ju̧nä̧ra̧ pä'ü kkü'käwämä̧, yapareäkuäwämä̧, tta̧mü̧nä̧ ukuo teäkuäwämä̧ ja̧'wa̧ta̧nü̧ wo̧juȩku̧nä̧ amükuädäkuäwokümä̧.

San Lucas 11:34

Jä̧ttä̧pä̧ya̧ itejäworemä̧, i'äre ja̧'a̧; ja̧'wa̧nü̧ ja̧'a̧ttü̧ kui'äre adiuttümä̧, jä̧ttä̧pä̧ya̧rü̧ adiunä̧ kkȩdȩpa̧'a̧; ja̧'wa̧nü̧ ja̧'a̧nä̧, kui'äre surojüttümä̧, jä̧ttä̧pä̧ya̧rü̧ yo̧ü̧nä̧ ja̧'a̧.