San Mateo 6:2 - Nuevo Testamento Uwotjüja

² Ja̧'wa̧nü̧ ja̧'a̧ttü̧ usurä isotürü ppäkuädomenä̧mä̧, sinagogas odewiyättü'i̧nä̧, mä̧ni̧yä̧ttü̧'i̧nä̧ ttü̧ja̧ ttu̧wo̧jui̧pü̧nä̧mä̧ jikuäwä, adiwä isotüjä̧ pä'ätü jȩttü̧'a̧nü̧mä̧; ja̧'wa̧nü̧ jȩ'kuä̧tu̧ku̧ttü̧mä̧ premio pättümä̧, täkü ȩmä̧tü̧jä̧.

TÄ̧DO Ä̧CUÄ̧ I̧HUȨNȨ

² Ja̧'hua̧nö̧ ja̧'a̧ttö̧ korotö jui'ätörö ppäcuhuädomenä, o'ca toi'önärö jicuhuähuä', korotömä judíos ttu̧huo̧jui̧'i̧nodehuiyättö'inä, ötahuiyättö'inä amönä jȩttö̧'a̧nö̧. Jahuätömä ja̧'hua̧nö̧ jȩpä̧tö̧do pi̧jä̧ ttö̧ja̧ adiu ttucuocuatö pä'ö. Iso päi'önä pä'ösä ucuturu, täcö ȩmä̧tö̧do jȩttö̧ micuä.

San Mateo 6:2 Referans Kwoze

San Mateo 6:5

Ja̧'wa̧ta̧nü̧ Dio-rü kukuokuätukuomȩnä̧mä̧, ä'koyättü esetätü jȩttü̧'a̧nü̧mä̧ jȩ'kuä̧tu̧kuä̧; juätümä̧ sinagogas odewiyättü'i̧nä̧, mä̧ni̧yä̧ u̧yu̧'ka̧ri̧ttü̧'i̧nä̧ kkä̧nü̧ Dio-rü ukuokuäkuäwätä kkü'kätü, ttü̧ja̧ tottatü pä'ü. Isopäi'ünä̧ ukuturu pä'üsä: Ja̧'wa̧nü̧ jȩ'kuä̧tu̧ku̧ttü̧mä̧, premio pättü kuȩmä̧tu̧kua̧ pä'ü ji̧nü̧mä̧, täkü ȩmä̧tü̧jä̧.

San Mateo 6:16

Ukutu Dio-rü ukuoku ku̧kuȩ kua̧do̧chä̧tu̧kuo̧mȩnä̧, ä'koyättü esetätü jȩttü̧'a̧nü̧mä̧, kui'ätukunä̧ kua̧'kua̧ tta̧'ȩku̧ 'kua̧rü̧nä̧mä̧, jȩ'kuä̧tu̧kuä̧ ttü̧ja̧ tottätukuaku pä'ümä̧. Ja̧'wa̧nü̧ jȩ'kuä̧tu̧ku̧ttü̧mä̧ ukuturu pä'üsä, täkü jua̧u̧tä̧ po̧kui̧pä̧tü̧jä̧, mikuä jäkuepätukumä̧.

San Juan 5:41

Ttümä̧, ttü̧ja̧, ttürü adiu ttukuokuattümä̧ pä'oküsä.

Hebreos 13:16

käkuädätukuä adiu ppädäkuäwämä̧; ja̧'wa̧nü̧ jȩpü̧ ttü̧jo̧mȩnä̧mä̧, Dio-mä̧ juiyo eseu.

San Lucas 20:46

«Weäwä wȩnȩ wo̧juȩkuä̧ isotürü ttu̧'ȩpä̧rä̧kuäu̧nu̧ kka̧kuä̧tu̧kui̧, ttü̧'ka̧tä̧wa̧ta̧ o̧to̧ä̧ta̧ 'ka̧tä̧wä̧tü̧rü̧, ttu̧kuȩ ȩmä̧wo̧mȩttü̧ ttü̧ja̧mä̧ ukuotünü̧ tettäwatü pä'ätürü. Ttu̧kuȩ ttukuomȩ'i̧nä̧ adiwomȩtä̧ ttü̧'ȩja̧ pä'ätürü. Ja̧'wa̧ta̧nü̧ sinagoga odewiyättü'i̧nä̧ ukuo dȩä̧kä̧nä̧ ttü̧'ä̧mä̧da̧ pä'ätürü.

San Juan 7:18

Ya̧tȩ chutä a̧mü̧nä̧ pa̧ja̧tü̧ amükuädäkuäu ukuokumä̧, churutä tesewarü pä'ü usú ja̧'wa̧nü̧ ja̧'a̧nä̧, churutä we'inü̧rü̧ ttesewiyarü pä'ü usomȩnä̧mä̧, jueü wȩnȩtä̧ ukuoku, surojü jui'attü.

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.

Efesios 4:28

Nä̧u̧kuä̧rü̧ kki̧'ȩnü̧mä̧, yabonü̧mä̧ ku̧nä̧u̧kuä̧rä̧, aditütä kkä̧wi̧; ku̧mü̧nä̧ adiwä juei jȩpü̧ ku̧ju̧ttü̧mä̧, rekuä rü̧jä̧u̧ru̧ ppäkuädäkua̧jä̧.

Gálatas 2:10

Ji̧yȩtȩtä̧ jättepinä̧u̧jä̧, usurä isotürü tamükuäda pä'ütä; Jua̧u̧mä̧, iweye jȩchä̧'i̧jü̧tä̧.

Hechos 10:4

Päku, to̧pä̧rü̧ kkä̧nü̧, ye'ünä̧nü̧ jä'epinü̧: ¿Däjéjä̧ttü̧ chu̧ru̧wa̧? jäepäku, á̧gȩ-mä̧ pä'inü̧: Dio-mä̧ topäji, Churutä jä'epü kukuokuä'ijümä̧ ja̧'wa̧ta̧nü̧ usurä isotürü ppäkuädä'ijü'i̧nä̧.

1 Timoteo 6:18

Adiwäjuei jȩtta̧'a̧nä̧'i̧nä̧ adiwäjuei aditäkuäwänä̧ ruwotü juo'ü ja̧'wa̧ta̧nü̧ ttiäre ttu̧ju̧nä̧rü̧'i̧nä̧ iyü ppädäkuäwämä̧ jo̧mȩnü̧ ttü̧ja̧kua̧ we'itü.

Romanos 12:8

kkorotürü ro̧kuȩpa̧ pä'ü, ro̧ȩkuä̧ iyinü̧ttü̧mä̧, ro̧'ȩpi̧. Iyü ppäda pä'ü iyinä̧ku̧mä̧, repekuoka'a ppä'ädi; kkorotürü oikuä iyinä̧ku̧mä̧, eseunu̧ o'ipi; rekuä rü̧jä̧u̧ru̧ ppädäkuäwä iyinä̧ku̧mä̧, eseunü̧tä̧ ppä'ädi.

Hechos 24:17

Rekuo años jo̧mȩnä̧ kkoro rȩjȩra̧'a̧ kue'ächinü̧'ka̧, chi̧rȩjä̧ra̧'a̧ usurä isotürü ppädäkuäwä'i̧nä̧, ofrendas'i̧nä̧ iyü ichäjisä.

Hechos 10:31

Jua̧u̧mä̧ päjäkusä: Cornelio, Dio-rü kukuokuä'ijümä̧ ä̧ju̧kuä̧jä̧ku̧jä̧ ja̧'wa̧ta̧nü̧ usurä isotürü ppäkuädä'ijü'i̧nä̧ amükuädäjäkujä̧, jü̧nä̧.

Hechos 10:2

Jua̧u̧ Cornelio-mä̧ Dio-rü esetinü̧ i̧tti̧mü̧tä̧ku̧ o'katoi'ünä̧, rü̧ȩnä̧ usurä isotürü'i̧nä̧ ppä'ädinü̧ ja̧'wa̧ta̧nü̧ 'kuäopünä̧ Dio-rü ukuokuinü̧.

Hechos 9:36

Ji̧yȩnü̧ pä̧nä̧ Jope ütawiyänä̧ kki̧nä̧ju̧, Jesucrito-rü esetäju Tabitá pä'ü mi̧kuaju, Grecia ttü̧ja̧ tti̧wȩnȩnä̧mä̧ Dorca pä'ü mikuinä̧ju̧. Juäju rü̧ȩnä̧ ppä'ädinä̧ju̧, rü̧ȩnä̧ rekuä rü̧jä̧u̧ru̧.

San Juan 13:29

Ja̧'wa̧nü̧ ja̧'a̧nä̧ kkorotümä̧, Juda-mä̧ pärätä ȩkä̧yü 'chu̧ä̧ra̧'a̧ ja̧'a̧, pä'käri jäwä ȩma̧ pä'ü päkukü̧ ja̧'wa̧nü̧ jü̧ juiyüttü'i̧nä̧, usurä isotürü ppäda pä'ü päkukü̧ pä'ütä amükuädinä̧tü̧.

San Juan 5:44

¿Toku kuesetätukuäkua'ajä̧ttü̧, kua̧mü̧nä̧ pa̧ja̧tü̧ mi̧kuä̧ri̧yä̧kuä̧u̧ adiu jȩ'kuä̧tu̧ku̧ päkuäwätukua'amä̧, ya̧tȩtä̧ Dio päatukuaku pä'ü kusätukuoka'amä̧?

San Lucas 6:42

¿Kua̧mü̧nä̧ pa̧ja̧tü̧ kui'ärenä̧ ȩkä̧'ka to'kuäkuäwoka'anä̧mä̧, tta̧'a̧nü̧ pä'ü kui̧jä̧wa̧rü̧mä̧ kui'ärenä̧ ȩko̧'ki ȩmü̧ chikuaku päkua'ajä̧ttü̧? ¡ä'koyättütä esetüjä̧!, ä̧kuo̧mȩnä̧mä̧ kua̧mü̧nä̧ kui'ärenä̧ ȩkä̧'ka ȩmä̧u̧ ikui, kui̧jä̧wa̧ i'ärenä̧ ȩko̧'ki topü ȩmü̧ kuikua pä'ümä̧.

San Marcos 12:39

Ja̧'wa̧ta̧nü̧, sinagoga odewiyättü ukuo dȩä̧ki̧yä̧nä̧tä̧ ttü̧'ȩja̧ pä'ü kkä̧nü̧ ttu̧kuȩ ttukuomȩttü̧'i̧nä̧ ä̧kuo̧mȩnä̧ dȩä̧ki̧yä̧nä̧tä̧ ttü̧'ȩja̧ pä'ätü.

Filemón 1:7

Isopäi'ünä̧ cha̧wa̧ru̧wa̧ chi̧jä̧wa̧, ukú Filemó̧-rü̧ rü̧ȩnä̧ eseusä kkorotü tawaruwä tü̧jä̧wa̧tü̧rü̧ eseu ppäkuäda'a ä̧ju̧ku̧.

1 Tesalonicenses 2:6

Ukuturu'i̧nä̧, kkorotürü'i̧nä̧, ttü̧ja̧ ttukuotatü pä'ümä̧ usokotüjä̧.

Hechos 11:29

Ja̧'wa̧nü̧ ja̧'a̧ Antioquía-ttü, Jesucrito-rü esetätümä̧ Judea rȩjȩnä̧ kka̧kuä̧tü̧rü̧ ppä'ädümä̧ rekuä rü̧jü̧ we'inä̧tü̧.

San Lucas 13:15

Päiyäku, Jesú-mä̧ ädätinä̧ku̧: —Ä'koyättütä esetätüjä̧, ¿ukutu'i̧nä̧ kuä̧ji̧mu̧tu̧ku̧ buey-rü'i̧nä̧, Buro-rü'i̧nä̧ ajiya ttawa pä'ümä̧, Sawaru mo̧ro̧ ȩpo̧ko̧tü̧ pä'ijä̧tü̧jä̧ tä̧jí̧?

San Lucas 12:56

¡Ä'koyättütä jȩpä̧tü̧jä̧! Adiu wo̧juȩku̧nä̧ pi̧jä̧ jäwä'i̧nä̧, mo̧ro̧jä̧nä̧ jäwä'i̧nä̧ to'kuätukua'anä̧; ¿tta̧'a̧nü̧ pä'ü, pi̧yȩ mo̧ro̧ 'kuäopümä̧ wo̧juo̧ko̧tü̧jä̧ttü̧?

San Lucas 12:33

Ku̧ju̧nä̧rä̧tu̧ku̧mä̧ mikuä pä'ü iyä'chü ikuätukui, usurä isotürü ppäkuädätukua; kusakuyutuku kerächokoyutä, mo̧ro̧jä̧ra̧'a̧ pärätä beipokomȩtä̧ aditätukui, nä̧u̧kuä̧rü̧'i̧nä̧ doächokomȩtä̧ ja̧'wa̧ta̧nü̧ isotü'i̧nä̧ surojuottepokomȩtä̧.

San Lucas 11:43

¡Isoó ukutu fariseo wotüwe! sinagoga odewiyättümä̧ ä̧kuo̧mȩnä̧ dȩä̧ki̧yä̧nä̧ ku̧'ä̧tu̧kua̧ pä'ü kkü'kätüjä̧ ja̧'wa̧ta̧nü̧ ttu̧kuȩ ȩmä̧wo̧mȩttü̧'i̧nä̧ ukuo kkü̧nä̧ tettäwätukuaku pä'ätüjä̧.

San Lucas 11:41

Ja̧'wa̧nü̧ ja̧'a̧ttü̧ usurä isotürü ppä'ädätukui. Ja̧'wa̧nü̧ jȩ'kuä̧tu̧kuo̧mȩnä̧ jättäpäyotü surojümä̧ juikuäkuotüjä̧.

San Lucas 6:24

Ja̧'wa̧nü̧ ja̧'a̧nä̧, ukutu ¡ruwotümä̧, ukutuwe!, täkü kueseäkuäwätukumä̧ kku̧nä̧rä̧tü̧jä̧.

San Marcos 7:6

Jesú-mä̧ ädätinä̧u̧: —Ä'koyättütä esetätüjä̧, ja̧'wa̧nü̧ ji̧yä̧ku̧ profeta Isaía-mä̧, wȩyu̧ti̧nü̧: Pitü ttü̧ja̧mä̧ ttättütä tteseta'anä̧, tta̧mi̧ iso'kinä̧mä̧ ttüttümä̧ otó wotü.

San Mateo 24:51

Usurä ȩmä̧u̧nä̧ ro̧ȩpä̧kua̧, ä'koyättü esetetätukutä. Juȩnȩmä̧ ttaku norü ajuäkuäwomȩ jä̧kua̧'a̧.

San Mateo 23:6

Pä'käri ttu̧kuȩ ttukuomȩttü̧'i̧nä̧ adiwomȩttü̧tä̧ ttukua pä'ätü ja̧'wa̧ta̧nü̧ Sinagogas odewiyättü'i̧nä̧ ä̧kuo̧mȩnä̧ dȩä̧ki̧yä̧nä̧ ttütatü pä'ätü.

San Mateo 22:18

Jesú-mä̧ suronä̧ jȩtta̧rü̧ pä'ü tta̧mü̧kuädü wo̧jui̧'ü̧ päinä̧u̧: —¡Ä'koyättü esetäkuäwä isotüjä̧! ¿Suronä̧ pädiyätukuaku pä'ü päkuätukua'a tä̧jí̧?

San Mateo 16:3

Ja̧'wa̧ta̧nü̧ yo̧ȩi̧ ja̧'a̧ku̧, mo̧ro̧jä̧ tuwa'a, ajiya isoppa'i̧nä̧ ra̧'a̧ topümä̧ pä'ätüjä̧, jitä mo̧ro̧mä̧ kkä̧rü̧'ko̧wä̧kua̧'a̧, jü̧nä̧. ¡Ä'koyättütä esetäkuäwä isotüjä̧! mo̧ro̧jä̧ jäwämä̧ adiu ku̧wo̧juä̧tu̧kua̧'a̧nä̧ ¿Tta̧'a̧nü̧ pä'ü jitä mo̧ro̧ 'kuäopümä̧ jerupätüjä̧ttü̧?

San Mateo 15:7

¡Ä'koyättütä esetätüjä̧! Isopäi'ünä̧tä̧ kutü'kütuku, profeta Isaía-mä̧ pä'inü̧:

San Mateo 7:5

¡Ä'koyättü jȩä̧kuä̧wä̧ isotü̧jä̧! Ä̧kuo̧mȩnä̧mä̧ kua̧mü̧nä̧ kui'ärenä̧ ȩjä̧'ka ikui'ka ȩmä̧u̧ ikui, ȩmä̧u̧ ikuipü'ka̧tä̧ adiu to̧'kuä̧kua̧jä̧ kui̧jä̧wa̧ i'ärenä̧ ȩjo̧'ki ȩmü̧ kuikua pä'ümä̧.

San Mateo 5:18

Isopäi'ünä̧ pädäu̧jä̧, pi̧jä̧'i̧nä̧, mo̧ro̧jä̧'i̧nä̧, beipächü juiyäimä̧, weäwä wȩnȩttü̧mä̧ juiyo a̧'u̧ku̧ ja̧ pä'ü'i̧nä̧ ȩmü̧mä̧ ikuäwokü jä̧kuȩ, pä'ijümä̧ o'kajuiyünä̧ jo̧mȩnü̧ pa̧ja̧kuä̧chü̧nä̧ päi'omȩbü päi'ünä̧.

San Mateo 6:3

Ja̧'wa̧nü̧ ja̧'a̧nä̧ usurä isotürü ppäkuädomȩnä̧mä̧, yorisotä jikuäwä;

San Mateo 23:5

O'kajuiyünä̧ jȩttü̧mä̧, ttü̧ja̧ tottatü pä'ütätä jȩpä̧tü̧. Ttüokuoränämä̧ weäwä wȩnȩ jäwä wȩyu̧kuȩ'ü̧ ru̧nä̧wä̧tü̧, ttüjonä̧'i̧nä̧ ja̧'wa̧ta̧nü̧ ttü̧'ka̧tä̧wä̧ti̧yu̧'i̧nä̧ otoü 'ka̧tä̧wȩ'ä̧tü̧, juiyo Dio-rü ukuotätü pättatü pä'ü.

1 Corintios 13:3

Ja̧'wa̧ta̧nü̧, usurä isotürü chukuäje'a pä'ü chiäre o'kajuiyünä̧ iyü kkä̧nü̧, chidepä kuo'ü ikunä̧ chiyaja pä'ü'i̧nä̧, eseu repeäkuäwä juidomȩnä̧mä̧, ttümä̧ mikuäwokütä jȩpü̧sä̧.