San Mateo 6:12 - Nuevo Testamento Uwotjüja

¹² Ujuturu suronä̧ jȩpä̧tü̧rü̧, mikuä jȩtü̧ juiyüta'anü̧, suronä̧ jȩtä̧'i̧jü̧mä̧ mikuäwächünä̧mä̧ jȩ'kuä̧tü̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧.

San Mateo 6:12 Referans Kwoze

Efesios 4:32

Pärokua'aku, rettü ppä'ädütä, mikuä suronä̧ päkuätukuoka'a unichi'ütä, suronä̧ jȩ'kuä̧'i̧jä̧tu̧ku̧ u̧ni̧chi'ü, Dio Crito-nä̧ unichi'inüta'anü̧ jȩpü̧ kka̧kuä̧tu̧kui̧ ukutu'i̧nä̧.

San Marcos 11:25

Ja̧'wa̧ta̧nü̧, Dio-rü kukuokuätukuomȩnä̧, kkorotürü suronä̧ kuamu̧kuädä'ijätuku kä'ädi'ätukui ja̧'wa̧nü̧ jü̧ta̧'a̧nü̧, Kuä'o mo̧ro̧jä̧ra̧'a̧ kkü̧'i̧nä̧ suronä̧ jȩ'kuä̧'i̧jä̧tu̧ku̧ mikuäwächü juiyünä̧ jȩpü̧ ikuäkua'anü̧.

Efesios 1:7

Jua̧u̧ ukuojänä̧tä̧ i̧mi̧tä̧wi̧nä̧u̧jä̧, suronä̧ jȩtä̧'i̧ja̧'a̧mä̧, rȩrü̧jü̧ toäkuäwä u̧ju̧nä̧ra̧'a̧ttü̧,

Colosenses 3:13

Kkorotü jäwä surojü kua̧mi̧ 'ki'ächi'ätukui, suronä̧ jȩttü̧mä̧ mikuämä̧ kuamükuädä juätürümä̧.

San Lucas 11:4

Ja̧'wa̧ta̧nü̧ suronä̧ jȩtä̧'i̧jü̧mä̧, pärokua'aku mikuä juiyünä̧tä̧ jȩpi̧tü̧, Ja̧'wa̧ta̧nü̧ ujuturu suronä̧ jȩpä̧tü̧ o'katoi'ünä̧rü̧, pärokua'aku mikuä juiyünä̧tä̧ jȩtü̧ta̧'a̧nü̧ jȩpi̧tü̧. Ta̧mi̧ 'kuätünä̧ ma̧tä̧cha̧'a̧nä̧mä̧ ja̧'a̧tä̧mä̧ to'kuätü, surojüku ma̧tä̧chü̧ juiyünä̧tä̧ ppä'äditü.

San Lucas 6:37

Surojü jȩttü̧mä̧ päkuätukuä, ukuturu'i̧nä̧ surojü jȩ'kuä̧tu̧ku̧ Dio päü juiyäkua'anü̧. Usurä ttȩmä̧u̧nä̧ päkuätukuä, ukuturu'i̧nä̧ usurä kuȩmä̧wä̧tu̧ku̧nä̧ Dio päü juiyäkua'anü̧. Pärokua'aku mikuämä̧ kuamükuädätukuä, ukuturu'i̧nä̧ pärokua'aku mikuä, Dio amükuädü juiyäkua'anü̧.

Hechos 13:38

Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧ pi̧yȩ wo̧jui̧'ä̧tu̧kui̧: Isopäi'ünä̧ jua̧u̧tä̧ ja̧'a̧ surojü jȩpü̧ ikua'a ji̧'ä̧kuä̧wa̧mä̧.

San Mateo 9:2

Jua'atä ü̧ja̧'a̧, ya̧tȩ parárisi na̧'ä̧chü̧rü̧ cama-bänä̧ ü̧'a̧'a̧ i'kächipinätü̧; ja̧'wa̧nü̧ tta̧'kua̧ ttu̧wȩnä̧ra̧'a̧ topü Jesú-mä̧ na̧'ä̧chü̧rü̧ pä'inü̧: —Kua̧'kua̧ tta̧kuȩkuä̧ chi̧tti̧; suronä̧ jȩ'kuä̧'i̧jü̧mä̧ jȩpü̧ chikuäkujä̧.

San Mateo 26:28

Isopäi'ünä̧ poyamä̧ ttütä chukuoja ja̧'a̧, poyanätä̧ jareünä̧ esekusä. Juoyamä̧ rekuätü suronä̧ jȩttä̧'i̧jü̧ jȩpü̧ iku werächäkua'a.

San Lucas 13:4

¿Ja̧'wa̧ta̧nü̧ jitü dieciocho-nü̧ wotü Siroé pä'ü mi̧kuomȩttü̧, isode isä'ka ma̧ä̧u̧ to'e'ächinä̧tü̧mä̧, ukutu päkuätukumä̧ Jerusarȩ́ ütawiyättü kkorotüttü'i̧nä̧ abonä̧nü̧ suronä̧ jȩpä̧tü̧ ja̧'a̧ to'e'ächinä̧tü̧ päkuätukua'a tä̧jí̧?