San Mateo 5:5 - Nuevo Testamento Uwotjüja

⁵ Eseäkuäwä kka̧'a̧ ukuo te'äkuäwokotürü, jua'amä̧ pi̧jä̧ rȩjȩ tti̧rȩjä̧ pätti'äkua'attü̧.

TÄ̧DO Ä̧CUÄ̧ I̧HUȨNȨ

⁵ “Korotöttö'inä abonänö adihuä i̧sa̧sä̧ pä'ocotömä, eseunu ttö̧ja̧cuä̧cuo̧tö̧. Jahuätötä tti̧rȩjä̧, Dios iya päina'a ttȩmä̧cuo̧tö̧.

San Mateo 5:5 Referans Kwoze

Santiago 3:13

Ukututtü ya̧tȩ wo̧juȩku̧nä̧ amükuädü ja̧'wa̧ta̧nü̧ wo̧jui̧pä̧rü̧ ü̧jü̧ttü̧mä̧, ukuo teäkuäwoka'a adiu jȩpü̧ kkä̧nü̧ i̧jȩpü̧'a̧nü̧ ja̧'a̧ u̧wo̧juö̧ wȩnȩ iyäwi'inü̧mä̧.

Gálatas 5:23

ukuo te'äwokü, a̧mü̧nä̧ pa̧ja̧tü̧ 'chu'ädäkuäu; pi̧yȩ kko̧mȩnä̧mä̧ weäwä wȩnȩmä̧ juiya'a.

Santiago 1:21

Ja̧'wa̧nü̧ ja̧'a̧ttü̧ o'kajuiyünä̧ surojü jȩ'kuä̧tu̧ku̧ttu̧'i̧nä̧, pi̧jä̧nä̧ttü̧ surojü rü̧ä̧chü̧ttü̧'i̧nä̧ kä'ädi'ü, Dio i̧wȩnȩ ukuru iyinü̧tä̧ esetü ukuo teäwäkuäwä juiyünä̧ ȩmi̧; jua̧u̧tä̧ jä̧kua̧'a̧ surojüttü'i̧nä̧ kua̧'kua̧rü̧ kki̧'i̧pü̧nä̧ jȩü̧mä̧.

Colosenses 3:12

Dio-mä̧ ukuturu repe'ü, ȩmi̧nä̧u̧jä̧ i̧tti̧mü̧ kuätukua pä'ü. Ja̧'wa̧nü̧ ja̧'a̧ttü̧ kkorotürü esewätukui, adiunä̧tä̧, ukuo tekuäwätukuoka'a, kua̧'kua̧pü̧nü̧ kkä̧nü̧ ja̧'wa̧ta̧nü̧ kua̧mi̧ 'ki'ächi'ü kka̧kuä̧tu̧kui̧.

San Mateo 11:29

Ttü wedümä̧ jȩpä̧tu̧kui̧, ttüttü wo̧jui̧pätu̧kui̧ cha̧mi̧so'kinä̧ ra̧wä̧rü̧ ukuo tedäwoka'a; ja̧'wa̧nü̧ jȩpü̧ ku̧'o̧kui̧'ä̧kuo̧tü̧jä̧ kua̧'kua̧rä̧tu̧ku̧ a̧'kua̧ ȩma̧ pä'ümä̧.

Efesios 4:2

Ukuo tekuäwätukuoka'a, kurowäwätukuoka'a, kua̧mi̧ 'ki'ächi'ü, eseunu̧ repe'äkuäu ppä'ädäkuäwätukui;

1 Pedro 3:15

Ja̧'wa̧nü̧ ja̧jü̧jueimä̧ Crito-rü kua̧mi̧'iso'kituku u̧ru̧wa̧ jü̧nä̧tä̧ ukuotätukui. 'Kuäopünä̧tä̧ jo̧mȩnü̧ kka̧kuä̧tu̧kui̧ o'kajuiyünä̧ ukutu tta̧'a̧rü̧ ku̧jä̧tu̧ku̧ jättepomȩnä̧ kuädätätukuä̧kuȩmä̧.

Tito 3:2

Ya̧tȩrü̧'i̧nä̧ to'i ja̧'a̧ku̧ suronä̧mä̧ ttukuoku juiya, pättä'chäkuäu. O'katoi'ünä̧ku̧ eseku ttü̧jü̧'a̧nü̧ ja̧'a̧, ja̧'wa̧ta̧nü̧ kkorotürü eseku tti̧jȩpa̧ rȩrü̧jü̧nü̧ toäkuäwä.

1 Pedro 3:4

ja̧'wa̧nü̧ ja̧jü̧ jueimä̧ kua̧mi̧'iso'ki jakuänä̧ttü̧, üadiwä toe'ächokü tta̧'kua̧rü̧ esewa'anä̧ unichä̧rü̧ kkä̧kuä̧wä̧ ja̧'a̧. Pi̧yȩ üadiwämä̧ Dio ä'kattümä̧ rü̧ȩnä̧ mikuäu.

1 Timoteo 6:11

Ja̧'wa̧nü̧ ja̧'a̧nä̧ uku Dio u̧mü̧wä̧ya̧mä̧, o'kajuiyünä̧ pi̧yȩ surojüttü̧mä̧ 'kȩ'i̧pä̧chi̧, 'kȩ'i̧pä̧chü̧mä̧ adiu jȩä̧kuä̧wä̧tä̧, rȩrü̧jü̧ toäkuäwänä̧tä̧, tta̧'kua̧ wȩnä̧rä̧kuä̧wä̧nä̧tä̧, eseu repeäkuäwänä̧tä̧, usurä ttȩmä̧wo̧mȩnä̧ tta̧mi̧ 'kiächi'äkuä̧wä̧nä̧tä̧ ja̧'wa̧ta̧nü̧ kkorotürü'i̧nä̧ kua̧mi̧so'kittü rȩrü̧jü̧ toäkuäwänä̧tä̧ täi.

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

Romanos 4:13

Isopäi'ünä̧ Abraha̧-rü̧ i̧rȩjä̧, churutä'i̧nä̧ iyü kkä̧nü̧, i̧tti̧mü̧rü̧'i̧nä̧ Dio iya pä'ina̧'a̧mä̧, weäwä wȩnȩ ukuotomȩttü̧mä̧ jo̧ka̧'a̧ ji̧na̧'a̧. Jua'amä̧ Dio-rü, churutä a̧'kua̧ u̧wȩnä̧ro̧mȩttü̧ ji̧na̧'a̧; Dio adiwä i̧sa̧ jü̧nä̧ pärotü ikumä̧.

San Mateo 21:5

Sión ütawiyänä̧ ji'äwi: Topi, Ru̧wa̧ Rey-mä̧ uku ku̧ja̧'a̧ku̧ ichü. Buro-nä̧, ukuo i̧sa̧ jü̧nä̧ wä̧nü̧, Buro ji̧'chi̧cha̧wa̧, i̧sa̧ a̧mä̧kü̧ ȩpü̧ jü̧nä̧ ttu'uttädäkunä̧.