San Mateo 5:48 - Nuevo Testamento Uwotjüja

⁴⁸ Ja̧'wa̧nü̧ ja̧'a̧ttü̧ Kuä'otuku mo̧ro̧jä̧nä̧ kkü̧ surojü jui̧'a̧ jü̧ta̧'a̧nü̧ ukutu'i̧nä̧ surojü juiyünä̧ jȩpä̧tu̧kui̧.

TÄ̧DO Ä̧CUÄ̧ I̧HUȨNȨ

⁴⁸ Yoröiso adihuä juäitä jȩpä̧tu̧cui, Cuä'o mo̧ro̧jä̧ra̧'a̧ kö̧ jȩö̧'a̧nö̧, —pä'ö huo̧juȩti̧nö̧do Jesúsmä.

San Mateo 5:48 Referans Kwoze

Santiago 1:4

Ja̧'wa̧nü̧ ja̧'a̧nä̧ ja̧u̧ kujurutukunä̧ juekuächäkuäwära̧'a̧, ja̧'wa̧ta̧nü̧ jo̧mȩnü̧ buojuoäwära̧'a̧ kkoro'i̧nä̧ rekuä rü̧jü̧ juiyünä̧ ȩpa̧'a̧nä̧ kua̧mi̧ 'ki'ächi'ätukui.

San Lucas 6:36

Ukutu'i̧nä̧ rȩrü̧jü̧ topätukui, Kuä'o Dio-tuku'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

Colosenses 1:28

Jua̧u̧ Crito-rü ja̧'a̧ ujutu jitäumä̧ o'katoi'ünä̧rü̧ tä̧bo̧tü̧, o'kajuiyünä̧ wo̧juȩku̧nä̧, Crito jü̧ta̧'a̧nü̧ jo̧mȩnü̧ wotü juottächa pä'ü.

1 Juan 3:3

O'katoi'ünä̧ jua̧u̧ru̧ a̧mü̧kuä̧rü̧ tta̧'a̧rä̧tü̧mä̧, surojü adikuäkuäu ikuätü, jua'amä̧ Chutä Jesú'i̧nä̧ surojü jui̧'a̧ ja̧'a̧ttü̧.

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

San Lucas 6:40

Ya̧tȩ wo̧jui̧pü̧mä̧, wo̧juȩtü̧ u̧wä̧mȩnä̧mä̧ wokü: o'katoi'ünä̧ jo̧mȩnü̧ ttu̧wo̧jui̧'o̧mȩnä̧mä̧, ttu̧ru̧wa̧ wo̧juȩtü̧ jü̧'a̧nü̧tä̧ juo'ächätü.

San Mateo 5:16

Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

San Mateo 5:45

Ja̧'wa̧nü̧ jȩ'kuä̧tu̧kuo̧mȩnä̧tä̧ Kuä'otuku mo̧ro̧jä̧nä̧ kkü̧ i̧tti̧mü̧ kuäkuotüjä̧; jua̧u̧mä̧ adiwä isotürü'i̧nä̧, suropätü isotürü'i̧nä̧, aditinä̧ku̧ kkä̧wa̧rü̧mä̧ räopünä̧ jȩä̧u̧ ja̧'wa̧ta̧nü̧ adiu jȩpä̧tü̧rü̧'i̧nä̧, surojü jȩpä̧tü̧rü̧'i̧nä̧ ajiya icha pä'ü wȩä̧u̧.

Colosenses 4:12

Kui̧rȩjä̧tu̧ku̧ i̧sa̧, Crito-rü esetü, yaboku Dio-rü pä̧wä̧rü̧jo̧mȩnä̧ kui̧'chä̧tu̧kua̧ pä'ü Dio-rü ukuokuä'ijü, Epafra'i̧nä̧ ukuturu te'äu.

2 Corintios 13:9

Ja̧'wa̧nü̧ ja̧'a̧ttü̧, ujutu tijuiyuwomȩnä̧mä̧ esewätüjä̧, pärokua'aku ukutu kujuruwätukua'anä̧; ja̧'wa̧ta̧nü̧ yabokutä Dio-rü ukuokuätüjä̧ Crito-rü ukuotü juekuekuächätukunä̧.

2 Corintios 13:11

Täkü kkoromä̧ juiya'a, chawaruwä chi̧jä̧wa̧tü̧, eseäkuäwuötä, jue'ekuächünü̧tä̧, ro̧'ȩku̧tä̧, ji̧nä̧ ji̧yȩtȩnä̧tä̧, wȩnȩ juiyünä̧tä̧ kka̧kuä̧tu̧kui̧; wȩnȩ jui̧'a̧, eseäkuäwä kkä̧ku̧ Dio-tä ü̧jä̧kua̧ ukutunä̧mä̧.

Efesios 3:1

Ja̧'wa̧nü̧ jo̧mȩttü̧, Ttü Pauru-mä̧ Jesucrito kärenä̧ ütinä̧ku̧sä̧, ukutu judío pokotürü rekuä rü̧ji̧yä̧ku̧.

San Mateo 5:47

Ja̧'wa̧ta̧nü̧ kui̧jä̧wa̧tu̧ku̧ päi'ünä̧ wotürütä tekuäwätukuttümä̧, ¿Däjejä̧ttü̧ jua'a yabonä̧nü̧ jȩ'kuä̧tu̧ku̧mä̧? jua̧u̧mä̧ judío pokotü'i̧nä̧ jȩttä̧'i̧jü̧tä̧ ja̧'a̧.