San Mateo 5:46 - Nuevo Testamento Uwotjüja

⁴⁶ Isopäi'ünä̧ ukuturu adiu jȩpä̧tü̧rü̧tä̧ re kkä̧nü̧ kuesewätukuttümä̧, ¿Däje premio kuemä̧tu̧kuä̧kua̧'a̧jä̧ttü̧? jua̧u̧mä̧ jȩttä̧'i̧jü̧, Roma-ra̧'a̧ iyäwä pärätä ka̧ka̧tä̧tü̧'i̧nä̧.

TÄ̧DO Ä̧CUÄ̧ I̧HUȨNȨ

⁴⁶ Iso päi'önä ucuturu repe'ätörötä repecuhuätucuttumä, ¿däje adihuä juäi cuȩmä̧tu̧cuä̧cua̧'a̧jä̧ttö̧? Korotö suronä jȩpö̧ ka̧cuä̧tö̧'i̧nä̧ ja̧'hua̧nö̧ jȩpä̧tö̧do.

San Mateo 5:46 Referans Kwoze

San Mateo 11:19

Jua̧u̧nü̧ o'ka'a ubo I̧tti̧ ichinü̧ u̧kuȩ'i̧nä̧ kuäkuäwä i̧sa̧ ja̧'wa̧ta̧nü̧ au'i̧nä̧ awäwä i̧sa̧ pä'ätü, ja̧'wa̧nü̧ ichina̧'a̧mä̧ pä'ä'ijätü: Pidemä̧ 'kuäopünä̧tä̧ kuäkuäwä i̧sa̧, vino-tä̧ awäwä i̧sa̧, suronä̧ jȩpä̧'i̧jä̧tü̧tä̧ ja̧'wa̧ta̧nü̧ pärätä ka̧ka̧tä̧'i̧jä̧tü̧tä̧ tta̧wa̧ru̧wa̧tä̧ wa̧, jü̧nä̧. Ja̧'wa̧nü̧ ja̧'a̧nä̧ Dio iyü wo̧juä̧wä̧ wȩnȩmä̧ jȩttü̧ttü̧tä̧ topü wo̧juä̧wä̧ ja̧'a̧.

San Lucas 18:13

Ja̧'wa̧nü̧ ja̧'a̧nä̧, Roma-ra̧'a̧ weäwä pärätä ka̧ka̧kuä̧ i̧sa̧mä̧, otonä̧tä̧ kkä̧nü̧, u'i̧nä̧ kä'epü mo̧ro̧jä̧ra̧'a̧ku̧mä̧ toa päoka'atä, a̧mü̧kanä̧ 'ta'tapäkuäu pä'inü̧: Chü̧ä̧nä̧wa̧ Dio, rȩrü̧jü̧ topittü, ttümä̧ surojütä jȩä̧kuä̧wä̧ i̧sa̧sä̧.

San Lucas 15:1

Ttü̧ja̧mä̧, Roma-ra̧'a̧ weäwä pärätä ka̧ka̧tä̧'i̧jä̧tü̧'i̧nä̧ ja̧'wa̧ta̧nü̧ kkorotü suronä̧ jȩpü̧ ttü̧ja̧'a̧ ukuotä'ijätü'i̧nä̧ o'katoi'ünä̧ Jesú jiäwa'a ttä̧ju̧kua̧ pä'ü ka̧ka̧kui̧nä̧tü̧.

San Mateo 18:17

Ja̧'wa̧nü̧ jȩ'kuo̧mȩnä̧'i̧nä̧ esetü juiyüttümä̧, igresia-rü ji'äwi; ji̧nä̧ juätürü'i̧nä̧ esetü juiyüttümä̧ Dio-rü esetokotü jü̧nä̧tä̧, Roma impuesto pättü ka̧ka̧kuä̧ isotü jä̧'i̧jü̧'a̧nü̧tä̧ topätukuirü.

San Mateo 6:1

Ttü̧ja̧ ttä'kattü, juätü tottatü pä'ütä adiumä̧ jȩ'kuä̧tu̧ku̧ juiyü'anü̧ ja̧'a̧, ja̧'wa̧nü̧ jȩ'kuä̧tu̧ku̧ttü̧mä̧ Kuä'otuku mo̧ro̧jä̧ra̧'a̧ kkü̧mä̧ ji̧yȩtȩ premio'i̧nä̧ i̧yo̧ko̧u̧ kuäkuotüjä̧.

San Lucas 19:7

Ja̧'wa̧nü̧ jȩa̧'a̧ topü, ttü̧ja̧mä̧ o'katoi'ünä̧ ukuokuinätü̧: Toku pä'ü Jesú-mä̧, suronä̧ jȩä̧kuä̧wä̧ i̧sa̧ ojusodenä̧ do'ächa'attü̧ pä'ü.

San Lucas 19:2

Ya̧tȩ ru̧wa̧, Roma-ra̧'a̧ weäwä pärätä ka̧ka̧tä̧'i̧jä̧tü̧ ttu̧ru̧wa̧ Zaqueo pä'ü mi̧kua̧ juȩnȩ kki̧nü̧.

San Mateo 5:47

Ja̧'wa̧ta̧nü̧ kui̧jä̧wa̧tu̧ku̧ päi'ünä̧ wotürütä tekuäwätukuttümä̧, ¿Däjejä̧ttü̧ jua'a yabonä̧nü̧ jȩ'kuä̧tu̧ku̧mä̧? jua̧u̧mä̧ judío pokotü'i̧nä̧ jȩttä̧'i̧jü̧tä̧ ja̧'a̧.

San Marcos 2:15

Jua̧u̧nü̧ o'ka'a, Jesú-mä̧ Mateo ojusodettü mesa-nä̧ u̧kuȩ ukua'a ppeyänä̧, Roma-ra̧'a̧ weäwä pärätä ka̧ka̧tä̧'i̧jä̧tü̧'i̧nä̧, suronä̧ jȩtta̧'a̧ ukuowä'ijätü'i̧nä̧, chutä u̧wo̧juȩtä̧u̧'i̧nä̧, rekuätü o'ka'anä̧ kue'ächätü'i̧nä̧, pȩji̧nä̧tü̧.

San Marcos 2:16

Ja̧'wa̧nü̧, juätuku u̧kuȩ ukua'a topü, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧, Jesú u̧wo̧juȩtä̧u̧rü jä'epü ä̧ju̧kui̧nä̧tü̧: —¿Tta̧'a̧nü̧ pä'ü ku̧ru̧wa̧tu̧ku̧mä̧, pärätä ka̧ka̧kuä̧ isotüku'i̧nä̧, suronä̧ jȩpä̧'i̧jä̧tu̧ku̧'i̧nä̧, u̧kuȩmä̧ ukua'ajä̧ttü̧?

San Lucas 3:12

Ja̧'wa̧ta̧nü̧ impuesto pättü, pärätä ka̧ka̧tä̧'i̧jä̧tü̧ttü̧ bautizo jȩttä̧kuä̧wa̧ pä'ü ichäjä'kotü, yotüte Ju̧a̧-rü̧ jä'epü ä̧ju̧kui̧nä̧tü̧: —Wo̧juȩkuä̧ i̧sa̧, ¿däjetä jȩtü̧'a̧nü̧jä̧ttü̧?

San Lucas 5:29

Mateo-mä̧ ojusodettü, Jesú-ru eseu ü'ä'käri jȩi̧ni̧yä̧ku̧; ja̧'wa̧nü̧ u̧ju̧na̧'a̧ kkorotü impuesto ka̧ka̧tä̧'i̧jä̧tü̧'i̧nä̧ ja̧'wa̧ta̧nü̧ kkorotü'i̧nä̧ juätütäku mesa isodenä̧ pȩji̧nä̧tü̧.

San Lucas 5:30

Ja̧'wa̧nü̧ ji̧yä̧u̧ fariseo wotümä̧ ja̧'wa̧ta̧nü̧ weäwä wȩnȩ wo̧juȩkuä̧ isotü'i̧nä̧ Jesú u̧wo̧juȩtä̧u̧rü ttüjü'kü juiyünä̧ jä̧u̧ pä'inä̧tü̧: —¿Tta̧'a̧nü̧ pä'ü ukutumä̧ impuesto ka̧ka̧kuä̧ isotüku, suronä̧ jȩä̧kuä̧wä̧ isotüku kuänü̧'i̧nä̧, au'i̧nä̧ pȩjä̧tü̧jä̧ttü̧?

San Lucas 7:29

O'katoi'ünä̧ Ju̧a̧-rü̧ ä̧ju̧kuä̧tü̧mä̧, Roma jäwä pärätä ka̧ka̧kuä̧ isotü'i̧nä̧, jua̧u̧ bautizo jȩü̧nä̧ we'äwinä̧tü̧, isopäi'ünä̧ Dio-mä̧ adiutä jȩpü̧ pätta'attü̧.

San Lucas 7:34

Ja̧'wa̧nü̧ ja̧'a̧nä̧, ttü Ubo i̧tti̧, chu̧kuȩ'i̧nä̧ ku, au'i̧nä̧ au chichina̧'a̧mä̧ pä'ätüjä̧: «Topätukui, chujuarü, u̧kuȩ'i̧nä̧ kuru ja̧'wa̧ta̧nü̧ vino awäwä i̧sa̧rü̧ ja̧'wa̧ta̧nü̧ Roma-ra̧'a̧ weäwä ka̧ka̧tä̧'i̧jä̧tü̧'i̧nä̧, suronä̧ jȩpä̧tü̧'i̧nä̧ tta̧wa̧ru̧wa̧tä̧ wa̧rü̧,» jü̧nä̧.