San Mateo 5:44 - Nuevo Testamento Uwotjüja

⁴⁴ Ja̧'wa̧nü̧ ja̧'a̧nä̧ ukuturumä̧ pä'üsä: Kuaboiyotürümä̧ re kka̧kuä̧tu̧kui̧ ja̧'wa̧ta̧nü̧ ukuturu suronä̧ jȩtta̧ pä'ü usätürü, Dio-rü ukuokuätukui.

TÄ̧DO Ä̧CUÄ̧ I̧HUȨNȨ

⁴⁴ Jitämä ttö pä'ösä ucuturu, cuaboiyotörö repe'ätucui. Ucuturu suronä jȩpä̧tö̧rö̧, adiunätä ppä'ädätucui. Ucuturu repe'ocotörö, adiu jȩpä̧tu̧cui̧. Ucuturu suronä jȩpö̧ ucuocuätörö, Diosrö jä'epö ucuocuätucui jahuätörö.

San Mateo 5:44 Referans Kwoze

Romanos 12:14

Ukuturu suronä̧ jȩtta̧ pä'ü amükuädätürü, adiutä pä'ätukuitü. Suronä̧mä̧ päkuätukuätü.

1 Pedro 3:9

Surojünä̧mä̧ mikuämä̧ päkuätukuä, ja̧'wa̧ta̧nü̧ suronä̧ pä'chäkuäwänä̧'i̧nä̧, to'ija̧'a̧ku̧tä̧ adiwäjueitä iyätukui, ja̧'wa̧nü̧ ja̧'a̧ttü̧ Dio-mä̧ adiwäjuei kuȩmä̧tu̧kua̧ pä'ü woinä̧u̧jä̧.

San Lucas 23:34

Jesú-mä̧ pä'inü̧: «Chä'o, surojü jui'ätü 'kua̧rü̧nä̧ topitü, jerupü jȩtta̧'a̧ttü̧»] Ja̧'wa̧nü̧ ja̧'a̧nä̧ su̧ro̧do̧u̧mä̧ Jesú ü̧'ka̧tä̧wä̧ta̧ tȩma̧ pä'ü, dirü ma̧ä̧ma̧ ja̧ pä'ü jȩpä̧'chü̧ topinä̧tü̧.

1 Pedro 2:23

Suronä̧ pättä'chomȩnä̧mä̧, suronä̧ pä'ümä̧ ädätokü pinü̧; usurä ȩmä̧u̧nä̧ jȩttä̧ku̧'i̧nä̧, suronä̧mä̧ jȩpo̧kü̧ pinü̧, ja̧'wa̧nü̧ jȩtta̧jueimä̧ Dio jueünä̧tä̧ pä'ürütä iyäwinü̧.

Hechos 7:60

Ja̧'wa̧nü̧ ja̧'a̧ iwe'kiyunä̧ ma̧'ä̧mü̧, pä̧i̧ku̧nä̧ wopi'inü̧; ¡Chu̧ru̧wa̧, pi̧yȩ suronä̧ jȩttü̧mä̧ mikuämä̧ jȩ'kuä̧tü̧!, pi̧yȩ pä'ipütä 'koru pä'i'inü̧.

San Juan 13:34

Ji̧yȩtȩ jareünä̧ weäwä wȩnȩ we'üsä, ukuturu: Yotukunä̧ eseu repe'äkuäwätukui; ttü ukuturu eseu repedä'ijüta̧'a̧nü̧ ja̧'wa̧ta̧nü̧ ukutu'i̧nä̧ eseu repe'äkuäwätukui.

1 Tesalonicenses 5:15

Ya̧tȩ suronä̧ jȩo̧mȩnä̧, pärokua'aku suronä̧ jȩa̧'a̧nä̧ ja̧'a̧tä̧ to'kuätukuä. Pärokua'aku adiutätä jȩpä̧tu̧kui̧, kkorotürü'i̧nä̧, o'katoi'ünä̧ku̧tä̧.

Hechos 16:28

Ja̧'wa̧nü̧ jȩi̧yä̧ku̧ Pauru-mä̧ woi'inä̧ku̧: —¡Kuä'äkuäumä̧ kuikuä, o'katoi'ünä̧ pȩnȩtä̧ kka̧kuä̧tü̧jä̧!