San Mateo 5:39 - Nuevo Testamento Uwotjüja

³⁹ Ja̧'wa̧nü̧ ja̧'a̧nä̧ ukuturu pä'üsä: Ukuru suronä̧ jȩü̧ttü̧mä̧, mikuämä̧ jȩ'kuä̧rü̧; ja̧'wa̧nü̧ ja̧jü̧ jueimä̧ kui'ebaba ku̧wo̧jua̧'a̧ku̧nä̧ 'tauttümä̧, pätekua'anä̧ iyäwirü.

TÄ̧DO Ä̧CUÄ̧ I̧HUȨNȨ

³⁹ Jitämä ttö pä'ösä ucuturu, ya̧tȩ suronä cuäöttömä ucuru, ucutä pä̧ro̧cua̧mä̧ cuäcuhuärö. Ya̧tȩ cu'änä 'tauttumä, kara'anä'inä 'tahua iyirö.

San Mateo 5:39 Referans Kwoze

1 Tesalonicenses 5:15

Ya̧tȩ suronä̧ jȩo̧mȩnä̧, pärokua'aku suronä̧ jȩa̧'a̧nä̧ ja̧'a̧tä̧ to'kuätukuä. Pärokua'aku adiutätä jȩpä̧tu̧kui̧, kkorotürü'i̧nä̧, o'katoi'ünä̧ku̧tä̧.

1 Pedro 3:9

Surojünä̧mä̧ mikuämä̧ päkuätukuä, ja̧'wa̧ta̧nü̧ suronä̧ pä'chäkuäwänä̧'i̧nä̧, to'ija̧'a̧ku̧tä̧ adiwäjueitä iyätukui, ja̧'wa̧nü̧ ja̧'a̧ttü̧ Dio-mä̧ adiwäjuei kuȩmä̧tu̧kua̧ pä'ü woinä̧u̧jä̧.

1 Corintios 6:7

Ja̧'wa̧nü̧ ja̧'a̧ttü̧, kurowäwätukuomȩnä̧mä̧, täkü surojünä̧ jȩpä̧tü̧jä̧ ¿Tta̧'a̧nü̧ pä'ü wä̧i̧nä̧ usurä ȩmä̧wä̧tü̧jä̧ pä'ü kuamükuädätukuoka'ajä̧ttü̧? ¿Tta̧'a̧nü̧ pä'ü wä̧i̧nä̧ ttüyaparewä̧u̧jä̧, pä'ü kuamükuädätukuoka'ajä̧ttü̧? Ja̧'wa̧nü̧ jȩ'kuä̧tu̧ku̧ttü̧mä̧ kkorottü'i̧nä̧ abonä̧nü̧ rü̧ȩnä̧ mikuäwa'a.

Santiago 5:6

Ukutumä̧ suronä̧ jȩpo̧ko̧tü̧rü̧ wȩnȩtä̧'chü̧, ja̧'wa̧ta̧nü̧ ttürowäwa pä'ü'i̧nä̧ jerupätürü kuä'äu ikuinä̧tü̧jä̧.

Hebreos 12:4

Isopäi'ünä̧ surojüku rowäu usurä kuȩmä̧wä̧tu̧kua̧'a̧nä̧; Jua̧u̧ ji̧nü̧'a̧nü̧mä̧ wa'arera̧'a̧bü päi'ünä̧mä̧ rȩbȩwo̧ko̧tü̧jä̧,

San Lucas 22:64

I'äre mü̧'ȩpä̧jä̧'kotü, jä̧ttȩpä̧ri̧nä̧ku̧: ¡Díjä̧ttü̧ ukuru kuä'ümä̧, ji'äwitü pä'ä'chü!

San Mateo 5:40

Ja̧'wa̧ta̧nü̧ ukuru, ya̧tȩ ku̧'ka̧tä̧wä̧ta̧ jakuä i̧sä̧ta̧ 'choipa pä'ü ürowäwawuttümä̧ wä̧mȩ i̧sä̧ta̧'i̧nä̧ iyipirü.

San Lucas 6:7

Ja̧'wa̧nü̧ ja̧'a̧, weäwä wȩnȩ wo̧juȩkuä̧ isotü'i̧nä̧ ja̧'wa̧ta̧nü̧ fariseo wotü'i̧nä̧, Jesú-ru to̧pä̧ri̧nä̧tü̧ sawaru mo̧ro̧ jua̧u̧ru̧ aditü ikuaja ja̧ pä'ü, ji̧yȩnä̧tä̧ suronä̧ kkorotürü jittäwa pä'ü.

San Juan 18:23

Päiyäku, Jesú-mä̧ ädätinä̧ku̧: —Surojü pädäjittümä̧, pi̧yȩ suronä̧ pä'üjä̧ pä'ittü; ja̧'wa̧nü̧ ja̧'a̧nä̧ adiunä̧tä̧ pädäjittümä̧ ¿Tta̧'a̧nü̧ pä'ü kuäkuäjä̧ttü̧ttü̧?