San Mateo 5:26 - Nuevo Testamento Uwotjüja

²⁶ Isopäi'ünä̧ pädäkujä̧, juorümä̧ o'kajuiyünä̧ kuimitäwomȩbü päi'ünä̧ rä'opokü kuä̧kua̧jä̧.

TÄ̧DO Ä̧CUÄ̧ I̧HUȨNȨ

²⁶ Iso päi'önä pä'ösä ucuru, ja̧'hua̧nö̧ cärenä cu̧'u̧ttu̧mä̧, rä'opocöjä o'ca juiyönä cuhuäre pärätä cuimitome jubö päi'önä, —pä'ö huo̧juȩti̧nö̧do Jesús.

San Mateo 5:26 Referans Kwoze

San Mateo 18:34

Ja̧'wa̧nü̧ ji̧yä̧ku̧ u̧ru̧wa̧mä̧, rü̧ȩnä̧ ra̧wä̧ri̧pü̧ o'kajuiyünä̧ i̧mi̧ppotü i̧mi̧täwomȩbü päi'ünä̧ kärenä̧ ttütünä̧ weinä̧ku̧.

San Lucas 12:59

Ja̧'wa̧nü̧ ja̧'a̧ttü̧ ukuru pä'üsä, jua'attümä̧ yoriso, rä'opokü kuä̧kua̧jä̧, rüjí kui̧mi̧ppo̧tä̧bi̧ kuimitäwomȩbü päi'ünä̧.

Santiago 2:13

Ja̧'wa̧ta̧nü̧ kkorotürü rȩrü̧jü̧nü̧ topokotü pä'ijätürümä̧, rȩrü̧jü̧ toäkuäwä juiyünä̧tä̧ ro̧ȩpä̧kuo̧tü̧, ja̧'wa̧nü̧ ja̧'a̧nä̧ rȩrü̧jü̧ toäkuäwä kku̧nä̧rä̧'i̧jä̧tü̧mä̧ Dio ro̧ȩpü̧ mo̧ro̧ adiu rä'opü tteseäkuäwäkuotü.

2 Tesalonicenses 1:9

Pitürümä̧ ro̧ȩpä̧kua̧ si'epü i̧kuä̧kuä̧u̧ 'kuäopünä̧tä̧ totteächünä̧, pitümä̧ otó abo do'opü i̧kuä̧kuä̧u̧ Tu̧ru̧wa̧ ü̧jo̧mettü̧mä̧, uruwo kko̧mȩttü̧'i̧nä̧, ujuru kko̧mȩttü̧'i̧nä̧,

San Lucas 16:26

Suro jua̧u̧tä̧mä̧kü̧ ja̧'a̧, ji̧yȩtȩ ukuturu'i̧nä̧, ujuturu'i̧nä̧ tto̧ȩpä̧rü̧ kka̧'a̧; ja̧'wa̧nü̧ ja̧'a̧ttü̧ jua̧dä̧ttü̧mä̧ ttüjü'ka'anä̧ poku 'kuäkuo'ätuku juiyünä̧tä̧ ja̧'wa̧ta̧nü̧ pa̧nä̧ttü̧dä̧jä̧ jua'aku 'kuäto'ü juiyünä̧tä̧.

San Mateo 25:46

Ja̧'wa̧nü̧ ja̧'a̧ttü̧, pa̧'a̧nü̧ suronä̧ jȩpi̧nä̧tü̧mä̧ ro̧ȩkuä̧ beipokomȩtä̧ tti̧'cha̧'a̧nä̧, adiu jȩpi̧nä̧tü̧mä̧ kkä̧kuä̧wä̧ i'ko kka̧'a̧tä̧ tti̧'chä̧kuo̧tü̧.

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Mateo 10:29

¿Ppi̧yu̧ ta̧ju̧nä̧mä̧, pä̧rä̧tä̧bi̧ ji̧bi̧tȩtä̧ mikuä pä'ü iyäwa'akü̧ pädä'ijä'ä? Ja̧'wa̧nü̧ ja̧'a̧nä̧ juätüttümä̧ ya̧tȩ'i̧nä̧ 'korujuo'ächokü Dio-rü pä̧wä̧rü̧jo̧ko̧mȩnämä̧.

San Marcos 12:42

Ttȩno̧mȩ 'kä̧tȩnä̧, usurä isaju rekua, yajute ichi'ü, yo̧ka̧tȩnä̧ cobre o̧bi̧ to̧bi̧rȩ, a̧'u̧ku̧nä̧tä̧ mikuäu ȩni̧nä̧ju̧.

San Lucas 12:58

Ya̧tȩ ukuru kärenä̧ ttüta pä'ü we'äjiku, ukuo isotü ttä'ka jo̧mȩ kui̧'chü̧ttü̧mä̧, ji̧nä̧ kui̧'chi̧'ä̧kua̧'a̧ ä'kanä̧ mä̧nä̧ttü̧tä̧ eseku ikuirü ja̧'wa̧nü̧ jȩ'ku̧ juiyüttü̧mä̧, juez ä'ka jo̧mȩtä̧ ttȩpä̧kua̧jä̧, jua'a yabomä̧ su̧ro̧do̧u̧ i̧sa̧rü̧ iyü iku o'ka'a, jua'a yabo jua̧u̧mä̧ kärenä̧ra̧'a̧ rütü ikuaku pä'ütä ja̧'a̧.