San Mateo 5:22 - Nuevo Testamento Uwotjüja

²² Ja̧'wa̧nü̧ ji̧na̧'a̧nä̧ ttümä̧ ukuturu pä'üsä, ya̧tȩ ü̧jä̧wa̧rü̧ ü̧ra̧wä̧rü̧ttü̧mä̧, weäwä wȩnȩnä̧tä̧ ro̧ȩkui̧'ä̧kua̧, jü̧nä̧. Ja̧'wa̧ta̧nü̧ ü̧jä̧wa̧rü̧ ttu̧'ȩpä̧ro̧kü̧jä̧ päüttümä̧ ukuo isotü ttä'ka jo̧mȩ ȩkuä̧kua̧ tä̧bo̧kui̧'a̧rü̧ pä'ü; ja̧'wa̧ta̧nü̧ ü̧jä̧wa̧rü̧ «Kuamükuädü jui̧'a̧jä̧» päüttümä̧ okurä na̧wi̧po̧karänä̧ usurä ȩmä̧wa̧ pä'ütä, pä̧wi̧'ä̧kua̧.

TÄ̧DO Ä̧CUÄ̧ I̧HUȨNȨ

²² Jitämä ttö pä'ösä ucuturu, ya̧tȩ ö̧jä̧hua̧rö̧ ö̧ra̧huä̧rö̧ttö̧mä̧, ja̧u̧ru̧'i̧nä̧ ttö̧tä̧bo̧tö̧'a̧nö̧ ja̧'a̧. Ja̧'hua̧ta̧nö̧ ya̧tȩ suronä ädätö ucuocuttumä ö̧jä̧hua̧rö̧, ruhuotö ttö̧tä̧bo̧tö̧'a̧nö̧ ja̧'a̧ ja̧u̧ru̧. Ja̧'hua̧ta̧nö̧ ya̧tȩ ö̧jä̧hua̧rö̧ “suripächöjä” päöttömä, ja̧u̧mä̧ ocurä beipocaränä cuo'ö icu'a̧nö̧ ja̧'a̧.

San Mateo 5:22 Referans Kwoze

1 Juan 2:9

Ya̧tȩ, tȩya̧u̧nä̧ kkü̧sä̧ pä'anä̧, a̧wa̧ru̧wa̧ ü̧jä̧wa̧rü̧ üjü'kü juiyüttümä̧; ji̧nä̧ yo̧ü̧nä̧tä̧ kkü̧.

Santiago 3:6

Ja̧'wa̧ta̧nü̧ tti̧nȩmä̧ okurä ja̧'a̧. Pi̧jä̧ttü̧ surojü jȩttü̧mä̧ ujutu jättäpäyotünä̧ kka̧'a̧ ttü̧ja̧ o'katoi'ünä̧rü̧ bochäwächümä̧. Okurä na̧wi̧po̧korämä̧ ji̧yȩtä̧tä̧ rȩdȩkua̧'a̧ kuo'ü kka̧'a̧ ja̧'wa̧nü̧ jo̧mȩnä̧ tta̧'kua̧rü̧mä̧ o'kajuiyünä̧ du'unä̧ barawa'a.

Tito 3:2

Ya̧tȩrü̧'i̧nä̧ to'i ja̧'a̧ku̧ suronä̧mä̧ ttukuoku juiya, pättä'chäkuäu. O'katoi'ünä̧ku̧ eseku ttü̧jü̧'a̧nü̧ ja̧'a̧, ja̧'wa̧ta̧nü̧ kkorotürü eseku tti̧jȩpa̧ rȩrü̧jü̧nü̧ toäkuäwä.

San Mateo 10:28

Ja̧'wa̧ta̧nü̧ kuidepätuku kuä'ü ikurumä̧ yekuekuätukuä, jua̧u̧mä̧ kua̧'kua̧rü̧mä̧ kuä'ü ikuokü; ji̧nä̧somä̧ kua̧'kua̧rü̧ kuä'ü ikuru, kuidepä okurä beipokaränä̧ kuä'ü ikurütä ye'ekuätukui.

San Mateo 18:35

Jesú-mä̧ jua'a yabonü̧ pä'inü̧: —Ja̧'wa̧nü̧ ji̧nü̧ta'anü̧ Chä'o mo̧ro̧jä̧nä̧ kkü̧mä̧ jȩä̧kuä̧u̧jä̧, ukutu'i̧nä̧ kuawaruwä kui̧jä̧wa̧tü̧rü̧ kua̧mi̧'iso'kitukunä̧ jo̧mȩnü̧ eseku kuikuätuku juiyüttümä̧.

1 Pedro 3:9

Surojünä̧mä̧ mikuämä̧ päkuätukuä, ja̧'wa̧ta̧nü̧ suronä̧ pä'chäkuäwänä̧'i̧nä̧, to'ija̧'a̧ku̧tä̧ adiwäjueitä iyätukui, ja̧'wa̧nü̧ ja̧'a̧ttü̧ Dio-mä̧ adiwäjuei kuȩmä̧tu̧kua̧ pä'ü woinä̧u̧jä̧.

Romanos 12:10

Yotukunä̧mä̧ ttü̧jä̧wa̧tü̧rü̧ eseu repettü'anü̧, eseu repe'äkuäwätukui; yotukunä̧ ukuotäkuäu kkä̧nü̧.

1 Pedro 2:23

Suronä̧ pättä'chomȩnä̧mä̧, suronä̧ pä'ümä̧ ädätokü pinü̧; usurä ȩmä̧u̧nä̧ jȩttä̧ku̧'i̧nä̧, suronä̧mä̧ jȩpo̧kü̧ pinü̧, ja̧'wa̧nü̧ jȩtta̧jueimä̧ Dio jueünä̧tä̧ pä'ürütä iyäwinü̧.

San Mateo 18:21

Ja̧'wa̧nü̧ ja̧'a̧ Peduru-mä̧, Jesú-ru jä'epü ä̧ju̧kui̧nü̧: —Chu̧ru̧wa̧, ¿cha̧wa̧ru̧wa̧ chi̧jä̧wa̧ ttürü suronä̧ jȩü̧ttü̧mä̧, tta̧'a̧nü̧ rü̧ȩnä̧ jo̧mȩnä̧ chesekuäkua'ajättü̧, jua̧u̧ru̧mä̧? ¿Kko̧ro̧mü̧ttü̧nü̧ todäre jo̧mȩnä̧tä̧?

Judas 1:9

Ja̧'wa̧nü̧ jo̧ka̧'a̧, á̧gȩrȩ-tü̧ ttu̧ru̧wa̧ Miguel'i̧nä̧ Moisé o'ko jäwänä̧ äwettäku päwomȩnä̧, suronä̧ pättajü jueimä̧ päinä̧ku̧: «¡Tu̧ru̧wa̧tä̧ ro̧ȩpä̧kua̧jä̧!,» jü̧nä̧.

1 Juan 3:10

Pa̧'a̧nü̧ jo̧mȩttü̧ Dio i̧tti̧mü̧rü̧'i̧nä̧, äwettä i̧tti̧mü̧rü̧'i̧nä̧ wo̧juä̧wa̧'a̧: o'katoi'ünä̧ adiwä juei Dio jäwä jȩpo̧ko̧tü̧mä̧, Dio i̧tti̧mü̧mä̧kü̧. Ja̧'wa̧ta̧nü̧ ttü̧jä̧wa̧tü̧rü̧ repe'okotü'i̧nä̧, Dio i̧tti̧mü̧mä̧kü̧.

Hechos 17:18

Ja̧'wa̧ta̧nü̧ kkorotü, tta̧'kua̧ adiunä̧ kkä̧kuä̧wä̧tä̧ ji̧nä̧so ji̧yȩtä̧mä̧ pä'ü wo̧juȩtä̧tu̧ku̧'i̧nä̧ ukuoku kkä̧nü̧, kkorotü surojü jȩttü̧ juiya pä'ümä̧ tta̧mü̧nä̧ pa̧ja̧tü̧tä̧ jȩä̧kuä̧wa̧'a̧ pä'ü wo̧juȩtä̧tu̧ku̧'i̧nä̧ ukuokuinü̧. Ja̧'wa̧nü̧ ja̧'a̧nä̧ kkorotü pä'inä̧tü̧: —¿Däjé ukuokuttü̧ chujua, wiräkuäwä i̧sa̧mä̧? Ja̧'wa̧ta̧nü̧ kkorotümä̧ pä'inä̧tü̧: —Kko̧ro̧jä̧ttü̧ ttü̧ä̧nä̧wo̧tü̧rü̧ ji'äu ja̧'a̧, pättinä̧ku̧. Jua'amä̧ jareü wȩnȩ Jesú u̧wo̧juȩti̧nü̧'i̧nä̧ ja̧'wa̧ta̧nü̧ ttoächinü̧'i̧nä̧ jiäwiyä̧u̧.

1 Tesalonicenses 4:6

Kuawaruwä kui̧jä̧wa̧tü̧rü̧mä̧ kuyaparewätukuä; jitäwä'ijüta'anü̧ Tu̧ru̧wa̧ Dio-mä̧ rü̧ȩnä̧ usurä ttȩmä̧u̧nä̧ ro̧ȩpä̧kua̧ ja̧'wa̧nü̧ jȩpä̧tü̧rü̧mä̧.

San Marcos 14:55

Ja̧'wa̧nü̧ jȩpü̧ kkä̧nü̧, sacerdote wotü tturuwotü'i̧nä̧ ja̧'wa̧ta̧nü̧ sanedrín ruwotü'i̧nä̧ ji̧yȩtȩnä̧ tottünä̧ i̧jȩpü̧, ji'äu kuä'ü ttikuarü pä'ü usinä̧tü̧; ja̧'wa̧nü̧ ttüsa'anä̧, po̧kui̧po̧ko̧tü̧ pinä̧tü̧.

San Mateo 26:59

Sacerdote wotü tturuwotü'i̧nä̧ ja̧'wa̧ta̧nü̧ sanedrín isotü'i̧nä̧ yapareu jittäwiyatü pä'ü usinä̧tü̧, ji̧yȩnä̧tä̧ Jesú-ru kuä'ü ttikunä̧ jȩtta̧ pä'ü.

San Juan 11:47

Ja̧'wa̧nü̧ ja̧'a̧mä̧, fariseo wotü'i̧nä̧, sacerdote tturuwotü'i̧nä̧, ji̧nä̧so ukuo isotürü ä̧tȩpo̧'ü̧, ka̧ka̧ku̧ pȩjä̧mü̧ pä'inä̧tü̧: —¿Däjetä jȩtä̧ku̧ttü̧? Jua̧u̧mä̧ jȩtto̧kü̧ juei rü̧ȩnä̧ jȩa̧'a̧mä̧.

Apocalipsis 20:14

Juȩnȩ o'komȩnä̧, wa'are'i̧nä̧, wa'are weü'i̧nä̧ okurä rü̧a̧rära̧'a̧ do'opü ikuinä̧u̧. Pi̧yȩku̧mä̧, yȩnȩta̧'a̧nü̧ wa'ü ikuäwä jä̧kua̧'a̧.

Hechos 7:37

Ja̧'wa̧ta̧nü̧, jua̧u̧ Moisé-tä ji̧na̧'a̧ Irae ttü̧ja̧rü̧ pä'inü̧mä̧: Dio-mä̧ ttü ta̧'a̧nü̧ profeta-rü ukututtü ya̧tȩrü̧ rä̧ȩpä̧kua̧, jua̧u̧ru̧ kuä̧ju̧kuä̧tu̧kua̧jä̧, jü̧nä̧.

San Lucas 12:5

Ja̧'wa̧nü̧ ja̧'a̧nä̧, ji̧nä̧so yettekuajakuru ji'äusä: Ji̧nä̧somä̧ ye'ekuätukui tta̧'kua̧rü̧ kuä'ü ikuipü'ka̧'i̧nä̧, okurära̧'a̧ do'opü ikuru. Isopäi'ünä̧ a̧, jua̧u̧tä̧ ja̧'a̧ ye'ekuäkuäwa̧mä̧.

San Mateo 5:44

Ja̧'wa̧nü̧ ja̧'a̧nä̧ ukuturumä̧ pä'üsä: Kuaboiyotürümä̧ re kka̧kuä̧tu̧kui̧ ja̧'wa̧ta̧nü̧ ukuturu suronä̧ jȩtta̧ pä'ü usätürü, Dio-rü ukuokuätukui.

San Mateo 5:34

Ja̧'wa̧nü̧ ja̧'a̧nä̧ ukuturumä̧ pä'üsä: Yorisotä, juramento pättünä̧mä̧ jȩ'kuä̧'chä̧tu̧kuä̧. Mo̧ro̧jä̧ i̧mi̧nä̧'i̧nä̧, jua'amä̧ Dio i̧dȩä̧kä̧ ja̧'a̧ttü̧;

San Mateo 3:17

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ i̧wȩnȩ ji̧yȩtȩ rä̧mi̧pi̧na̧'a̧: «Pidemä̧ chi̧tti̧ rü̧ȩnä̧ rȩni̧'a̧, jua̧u̧ru̧ juiyo eseusä.»

1 Juan 5:16

Ya̧tȩ ta̧wa̧ru̧wa̧ ti̧jä̧wa̧ Dio-ttü jo̧mȩnü̧ 'kȩ'ȩpü̧ ikuokü surojü jȩo̧mȩnä̧mä̧, jua̧u̧ru̧ Dio-rü ukuokui, jua̧u̧ru̧ Dio kkä̧kuä̧wä̧ iyarü, jua'a'i̧nä̧ Dio-ttü jo̧mȩnü̧ 'kȩ'ȩpü̧ ikuokü surojü jȩo̧mȩnä̧tä̧. Ja̧'wa̧nü̧ ja̧'a̧nä̧ kkoro surojü kka̧'a̧ Dio-ttü jo̧mȩnü̧ 'kȩ'ȩpü̧ iku, jua̧u̧ jȩü̧ttü̧mä̧, Dio-rümä̧ jättepa pä'oküsä.

Santiago 2:20

Jȩru̧pa̧ 'kua̧rü̧mä̧ kkü̧jä̧, kua̧'kua̧ ku̧wȩnä̧ra̧'a̧nä̧ jȩ'ku̧ i̧jȩpo̧ka̧'a̧ jü̧ttü̧mä̧ kua̧'kua̧ ku̧wȩnä̧rü̧mä̧ ppädoka'a.

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.

Hebreos 5:9

ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

1 Corintios 6:10

nä̧u̧kuä̧rä̧tü̧'i̧nä̧, ruwoku tta̧'kua̧ ro'ekuätü'i̧nä̧, tä̧'ä̧mä̧'chä̧tü̧'i̧nä̧, suronä̧ pä'ä'chätü'i̧nä̧, nä̧u̧kuä̧rä̧tü̧'i̧nä̧ dodettokäkuotü ru̧wa̧ Dio weomȩmä̧.

1 Corintios 6:6

¡Suro Dio-rü esetinä̧tü̧tä̧mä̧ rowäkuäwokotüjä̧, Dio-rü esetokotü wȩnȩ aditü ikuäwä isotü ttä'kattü'i̧nä̧ rowäkuäu 'chä̧tü̧jä̧!

Hechos 5:27

Ja̧'wa̧nü̧ i'kächipü, ruwotü ttä'ka jo̧mȩ ȩpü̧ ttu̧ju̧nä̧u̧ru̧, sacerdote-tü̧ ttu̧ru̧wa̧mä̧ päinä̧u̧:

San Juan 15:25

Ja̧'wa̧nü̧ ja̧'a̧nä̧, pi̧yȩmä̧, jitütä jäwä weäwä wȩnȩnä̧ wȩyu̧kua̧'a̧, pä'ijüta'a̧nü̧ 'kuäopa'a: «kkorojueimä̧ jȩcho̧ka̧'a̧nä̧, tta̧mi̧ suru tottinä̧ku̧sä̧» pä'ijomȩ.

San Juan 8:48

Ja̧'wa̧nü̧ pä̧i̧yä̧u̧ judío-mä̧ pättinä̧ku̧: —Ja̧'wa̧nü̧ ji̧yä̧u̧, ujutumä̧, ukurumä̧ Samaria ttü̧ja̧sa̧jä̧, epíritu su̧ro̧pa̧ ü̧jä̧ku̧ pätäkujä̧.

San Juan 7:20

Päomȩnä̧ ttü̧ja̧mä̧, ädätinä̧tü̧: —¡epíritu su̧ro̧pa̧rü̧ kku̧nä̧rü̧! ¿Dí kuä'ü ikua päkuttü̧?

San Marcos 15:1

Mo̧ro̧ päia'a, yotäku, sacerdote wotü tturuwotümä̧, judío-ttü a̧ci̧a̧nu̧ wotüku ja̧'wa̧ta̧nü̧ weäwä wȩnȩ wo̧juȩkuä̧ isotüku'i̧nä̧, ja̧'wa̧ta̧nü̧ Sanedrín wotüku'i̧nä̧ o'katoi'ünä̧ ka̧ka̧kui̧pü̧ ukuokuäjä'kotü. Jesú-ru nü̧'käwa̧rü̧tä̧ ȩmi̧pü̧, Pilato-rü iyinä̧tü̧.

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Mateo 23:33

¡Ä̧ka̧tü̧tä̧ wotüjä̧! ¿Toku ku̧ja̧kui̧'ä̧tu̧kuä̧'kua̧'a̧jä̧ttü̧ beipokarä okuränä̧ tä̧bo̧kuä̧kuȩttü̧mä̧?

San Mateo 23:15

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ rȩjȩnä̧'i̧nä̧, rü̧ä̧ ajenä̧'i̧nä̧ kue'ächätüjä̧ ukuturu esetürü ku̧'o̧kui̧'ä̧tu̧kua̧ pä'ü. Ja̧'wa̧nü̧ jȩpü̧ ku̧'o̧kui̧'ä̧tu̧kuä̧ku̧ru̧mä̧ ukututtü'i̧nä̧ yabonä̧nü̧ todäre jo̧mȩnä̧ okurä ä̧tȩkua̧ jü̧nä̧ juo'epätüjä̧.

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Mateo 12:24

Ja̧'wa̧nü̧ pätta'a ä̧ju̧ku̧ fariseo wotümä̧ pä'inä̧tü̧: «epíritu-tu̧ suropätürü, rä'epü ikua'amä̧ ttu̧ru̧wa̧ Beelzebú ujurunä̧tä̧, rä'epe'ü iku ja̧'a̧.»

San Mateo 10:17

Ja̧'wa̧ta̧nü̧ tta̧kuä̧rä̧kuä̧wä̧tu̧kua̧jä̧, isopäi'ünä̧ ruwotürü iyü iku kkä̧nü̧'i̧nä̧, sinagogas odewiyättü'i̧nä̧ kuäkuättäkuä̧u̧jä̧.

San Lucas 22:66

Mo̧ro̧ juoäja'amä̧, judío-ttü tä̧mü̧'i̧nä̧, sacerdote wotü tturuwotü'i̧nä̧, weäwä wȩnȩ wo̧juȩtä̧'i̧jä̧tü̧'i̧nä̧ ka̧ka̧ku̧ ttü̧'ȩjä̧ma̧'a̧. Ji̧nä̧so ukuo isotü ttü̧'ȩjo̧mȩ Jesú-ru ȩpi̧nä̧tü̧. Juorü ja'epä̧rü̧ ttä̧ju̧kui̧nä̧ku̧:

Hechos 4:15

Ja̧'wa̧nü̧ ja̧'a̧, juätürü u̧mi̧ku̧ rätto'ünä̧ we'opo'ü iku, jitütä ukuokuäkuäwinä̧tü̧:

Hechos 5:21

Pi̧yȩ ä̧ju̧kuä̧jä̧'kotü ji̧nä̧ yo̧ä̧i̧ ja̧'a̧ku̧ Dio-rü ukuokuäkuäwodenä̧ dodepü kka̧kuä̧mü̧ wo̧juȩti̧nä̧tü̧. Ja̧'wa̧nü̧ ja̧'a̧nä̧, sacerdote-tü̧ ttu̧ru̧wa̧mä̧, kkorotüku ichi'ü, Iraettü ukuo isotüku ka̧ka̧ku̧ pȩjä̧mü̧ we'inä̧tü̧ apótore-rü kärenä̧ ttü̧'ȩja̧'a̧ttü̧ ttȩmä̧ji̧ya̧tü̧ pä'ü.

Hechos 6:12

Ja̧'wa̧nü̧ jȩpü̧ ttü̧ja̧rü̧'i̧nä̧, judío-ttü a̧ci̧a̧nu̧ wotü'i̧nä̧, weäwä wȩnȩ wo̧juȩkuä̧ isottürü'i̧nä̧ ttü̧ra̧wä̧ri̧pü̧nä̧ jȩpi̧nä̧tü̧; ja̧'wa̧nü̧ jo̧mȩnä̧ Esteba̧-rü̧ 'chu'ädü ruwotü ukuo isotü ttä'ka jo̧mȩ ȩpü̧ kku̧ni̧nä̧tü̧.

Hechos 6:15

Ja̧'wa̧nü̧ pä̧tti̧yä̧u̧, juȩnȩ ruwonä̧ pȩjä̧tü̧mä̧, Esteba̧ ü'änä̧ tottomȩnä̧, á̧gȩ ü'ä 'kua̧rü̧nä̧ tottinä̧ku̧.

Hechos 22:30

Kkoro mo̧ro̧ päi'äja'a, su̧ro̧do̧u̧ ttu̧ru̧wa̧mä̧, Pauru-rü tta̧'a̧nü̧ pä'ü jȩpü̧ wottäja pä'ü, adiu u̧wo̧jua̧ pä'ü, nu̧'käwäjä̧sa̧ ejädü ttikunä̧ we'inü̧. Ja̧'wa̧nü̧ jȩpü̧, sacerdote tturuwotürü'i̧nä̧, judío tturuwotürü'i̧nä̧, ä̧tȩpä̧ji̧'ka̧, Pauru-rümä̧, juätü ttä'ka jo̧mȩ rä'epü ttu̧ju̧nu̧nä̧ we'inü̧.

Hechos 23:1

Ja̧'wa̧nü̧ ja̧'a̧ Pauru-mä̧ ukuo isotü Sanedrín, pättä̧u̧ru̧ topünü̧, pä'inü̧: —Chawaruwä chü̧jä̧wa̧tü̧, kkoro juei juiyünä̧ amükuädü kkä̧'i̧jü̧sä̧ Dio ä'ka jo̧mȩttü̧, jitä pi̧yȩ mo̧ro̧bü päi'ünä̧.

Hechos 24:20

Ja̧'wa̧nü̧ jü̧ juiyüttü'i̧nä̧ pȩnȩ́ kka̧kuä̧tü̧ jittäu'anü̧ ja̧'a̧, judío ukuo isotü ttä'ka jo̧mȩ wottäjäku, juätü ttü suronä̧ jȩchä̧ji̧ pättäja pä'ü'i̧nä̧.