San Mateo 5:18 - Nuevo Testamento Uwotjüja

¹⁸ Isopäi'ünä̧ pädäu̧jä̧, pi̧jä̧'i̧nä̧, mo̧ro̧jä̧'i̧nä̧, beipächü juiyäimä̧, weäwä wȩnȩttü̧mä̧ juiyo a̧'u̧ku̧ ja̧ pä'ü'i̧nä̧ ȩmü̧mä̧ ikuäwokü jä̧kuȩ, pä'ijümä̧ o'kajuiyünä̧ jo̧mȩnü̧ pa̧ja̧kuä̧chü̧nä̧ päi'omȩbü päi'ünä̧.

TÄ̧DO Ä̧CUÄ̧ I̧HUȨNȨ

¹⁸ Iso päi'önä pä'ösä ucuturu, pi̧jä̧'i̧nä̧, mo̧ro̧jä̧'i̧nä̧ beipächa'anä, hueähuä huȩnȩ ji̧'qui̧cha̧nö̧'i̧nä̧ beipächocödo. O'ca juiyönä päömä 'cuäopäcua'a.

San Mateo 5:18 Referans Kwoze

San Lucas 16:17

Mo̧ro̧jä̧'i̧nä̧, pi̧jä̧ rȩjȩ'i̧nä̧ 'kuäunä̧tä̧ beipächü ja̧'a̧nä̧, weäwä wȩnȩttü̧ a̧'u̧ku̧nä̧tä̧ jü̧ ja̧ pä'ü'i̧nä̧, beipächokü jä̧kuȩ.

1 Pedro 1:25

Ja̧'wa̧nü̧ ja̧'a̧nä̧ tu̧ru̧wa̧ i̧wȩnȩmä̧ 'kuäopünä̧tä̧ kkü̧, ja̧'wa̧nü̧ ja̧'a̧ttü̧ pi̧yȩ ja̧'a̧ jareü wȩnȩ ukuturu jittäwinü̧mä̧.

San Marcos 13:30

Isopäi'ünä̧ pä'üsä ukuturu, pi̧yȩmä̧ o'kajuiyünä̧ 'kuäopäkua'a jitä pä̧nä̧ kka̧kuä̧tü̧ 'koru juottächäkua'a ä'kanä̧.

Apocalipsis 20:11

Ja̧'wa̧ta̧nü̧, ji̧yȩtȩ ruwo wȩä̧wä̧kä̧ rü̧ä̧kä̧ tȩä̧kä̧ topinü̧sä̧ ja̧'wa̧ta̧nü̧ juä̧kä̧nä̧ pü̧rü̧'i̧nä̧. Jua̧u̧ ä'ka jo̧mȩttü̧ pi̧jä̧'i̧nä̧, mo̧ro̧jä̧'i̧nä̧ o'kajuiyütä tipächina̧a'a̧, pä'äjita'anü̧mä̧ uwäu juiyünä̧tä̧.

San Juan 5:19

Jesú-mä̧ päinä̧u̧: Isopäi'ünä̧ pädäu̧jä̧, I̧tti̧mä̧ a̧mü̧nä̧ pa̧ja̧tü̧mä̧ jȩpo̧kü̧, Jä'o jȩa̧'a̧ toütä jȩpü̧; ja̧'wa̧nü̧ ja̧'a̧ttü̧ Jä'o jȩa̧'a̧ toümä̧ o'kajuiyünä̧tä̧, I̧tti̧'i̧nä̧ jȩpü̧ yoräteunä̧tä̧.

San Mateo 17:20

Pättäku Jesú-mä̧ ädätinä̧u̧: —Jua'amä̧ kua̧'kua̧ ku̧wȩnä̧rä̧tu̧ku̧ juikuätukua'attü. Isopäi'ünä̧tä̧ pä'üsä ukuturu, mostaza u̧wä̧ju̧ isäte a̧'u̧kuä̧'i̧jü̧ta̧'a̧nü̧, a̧'u̧ku̧nä̧tä̧ kua̧'kua̧ ku̧wȩnä̧rä̧tu̧ku̧ttü̧'i̧nä̧, ji'kaja mü̧ä̧'ka juorümä̧ tü'ipächi päkuätukuttümä̧ tüipächäkua'a. Ja̧'wa̧nü̧ ja̧'a̧ttü̧ jȩttü̧ juiyünä̧ weyekumä̧ juiya'a.

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

San Mateo 13:17

Isopäi'ünä̧ ukuturu pä'üsä: Profeta winä̧tü̧'i̧nä̧, adiwäjueinä̧ kka̧kui̧nä̧tü̧'i̧nä̧ ukutu to'kuätuku, totta pätta'anä̧, topokotü pinä̧tü̧ ja̧'wa̧ta̧nü̧ kuäju̧kuä̧tu̧ku̧'i̧nä̧, ttä̧ju̧kua̧ pätta'anä̧ ä̧ju̧kuo̧ko̧tü̧ pinä̧tü̧.

San Mateo 10:23

Ku̧jä̧tu̧ku̧ ütawiyättü suronä̧ jȩtta̧ pä'ü ttusomȩnä̧mä̧, kkoro ütawiyäku dükuekuätukuajä̧; isopäi'ünä̧ pä'üsä ukuturu, Irae ütawiyä jü̧'a̧kuä̧ o'kajuiyünä̧ jo̧mȩ päi'ünä̧mä̧ 'kuäkuopätukuoka'anä̧, ubo I̧tti̧mä̧ i̧chä̧kua̧.

San Mateo 6:2

Ja̧'wa̧nü̧ ja̧'a̧ttü̧ usurä isotürü ppäkuädomenä̧mä̧, sinagogas odewiyättü'i̧nä̧, mä̧ni̧yä̧ttü̧'i̧nä̧ ttü̧ja̧ ttu̧wo̧jui̧pü̧nä̧mä̧ jikuäwä, adiwä isotüjä̧ pä'ätü jȩttü̧'a̧nü̧mä̧; ja̧'wa̧nü̧ jȩ'kuä̧tu̧ku̧ttü̧mä̧ premio pättümä̧, täkü ȩmä̧tü̧jä̧.

San Mateo 5:26

Isopäi'ünä̧ pädäkujä̧, juorümä̧ o'kajuiyünä̧ kuimitäwomȩbü päi'ünä̧ rä'opokü kuä̧kua̧jä̧.

San Juan 21:18

Isopäi'ünä̧tä̧ pädäkujä̧: Ji̧nä̧ mü̧ä̧ya̧ kuäimä̧, ku̧'ka̧tä̧wä̧ta̧tä̧ 'ka̧tä̧wi̧'ü̧ pä̧wä̧rü̧ja̧'a̧ kue'ächü 'chi̧nü̧jä̧; ja̧'wa̧nü̧ ja̧'a̧nä̧ bü̧o̧sa̧ kuomȩnä̧nä̧mä̧, kujo käkuepa'anä̧ kka̧ra̧tä̧ ü̧'ka̧tä̧ku̧jä̧ ja̧'wa̧nü̧ jȩpü̧ kuju'kokomȩ ȩpä̧ku̧jä̧.

San Juan 16:23

Ji̧yȩnü̧ mo̧ro̧mä̧, täkü jä̧kuȩpä̧rä̧tu̧kuo̧ko̧ku̧ chä̧kua̧sä̧. Isopäi'ünä̧ pä'üsä ukuturu: Chä'orü ttü chi̧mi̧nä̧, jäkuepätukumä̧, o'kajuiyünä̧ i̧yä̧kuä̧u̧jä̧.

San Juan 16:20

Isopäi'ünä̧ pädäu̧jä̧: Ukutumä̧ kua̧'kua̧ tta̧'ȩku̧ kuajuäkuäwäkuotüjä̧, pi̧jä̧ ttü̧ja̧mä̧ tteseäkuäwa'anä̧. Ja̧'wa̧nü̧ ja̧'a̧nä̧, kua̧'kua̧ tta̧kuȩkuä̧tu̧ku̧mä̧, eseäkuäwänä̧tä̧ kui'ärowächäkuotüjä̧.

San Juan 14:12

Isopäi'ünä̧ pädäu̧jä̧: Ttürü esetümä̧, ttü jȩchü̧mä̧ jȩä̧kua̧; juȩnȩ abonä̧nü̧ rü̧ jäwä'i̧nä̧ jȩä̧kua̧, Chä'o ü̧jo̧mȩ chi̧'cha̧'a̧ttü̧.

San Juan 13:38

Jesú-mä̧ ädätinä̧ku̧: —¿Isopäi'ünä̧, kua̧'kua̧rü̧mä̧ ttü jäwänä̧ kuiyäwä̧kua̧jä̧? Isopäi'ünä̧tä̧ pädäkujä̧: Äkärä woäkua'a ä'kanä̧, wäbodäkuä jo̧mȩnä̧ ttürü kuä̧ppü̧tä̧rü̧ o'ka'a jä̧kua̧'a̧.

San Juan 13:16

Isopäi'ünä̧tä̧ pädäu̧jä̧: Ttu̧mü̧wä̧ya̧mä̧, u̧ru̧wa̧ttü̧'i̧nä̧ u̧wä̧mȩnä̧mä̧ wokü ja̧'wa̧ta̧nü̧ wȩ'ä̧wa̧mä̧, we'äji u̧wä̧mȩnä̧mä̧ wokü.

San Juan 12:24

Isopäi'ünä̧ pädäu̧jä̧, trigo u̧wä̧ju̧ isäte rȩjȩ ma̧ä̧chü̧ wa'ü iku juiyüttümä̧, jitetätä ja̧'a̧; ja̧'wa̧nü̧ ja̧'a̧nä̧ wa'ü ikuttümä̧ rü̧ȩnä̧ u̧wä̧ju̧ wȩjä̧kua̧'a̧.

San Juan 10:7

Jesú-mä̧ pä'äjita'anü̧ päinä̧u̧: Isopäi'ünä̧ pädäu̧jä̧: Ttütä ja̧'a̧, äpate oweja-tü̧ dodettatemä̧.

San Juan 10:1

Ja̧'wa̧ta̧nü̧ isopäi'ünä̧ pädäu̧jä̧, pä'inü̧ Jesú: Oweja-tü̧ tto̧ka̧ku̧ doächomȩnä̧, äpatenä̧ do'ächoka'a, päte'ünä̧ do'ächümä̧, su̧ro̧pa̧tä̧, nä̧u̧kuä̧rä̧kuä̧wä̧ i̧sa̧tä̧ wa̧ ja̧'a̧.

San Juan 8:58

Jesú päinä̧u̧: —Isopäi'ünä̧ ukuturu pä'üsä: Abraha̧ ü̧jä̧kua̧'a̧'i̧nä̧, ä'kanä̧ ttümä̧ kki̧nü̧sä̧.

San Juan 8:51

Isopäi'ünä̧ pädäu̧jä̧, chi̧wȩnȩ päü jȩpü̧mä̧, wa'ü ikuokü jä̧kua̧.

San Juan 8:34

Jesú ädätinä̧u̧: —Isopäi'ünä̧ pädäu̧jä̧, o'katoi'ünä̧ surojü jȩpä̧tü̧mä̧, surojütä 'kiyünä̧ wȩä̧u̧ ja̧'a̧.

San Juan 6:53

Pättiyäku, Jesú-mä̧ päinä̧u̧: —Isopäi'ünä̧ pädäu̧jä̧, ubo i̧tti̧ idepättü kukuätuku juiyüttümä̧ ja̧'wa̧ta̧nü̧ ukuojattü kuawätuku juiyüttümä̧, kkä̧kuä̧wä̧mä̧ juikuäkuotüjä̧.

San Juan 6:47

Ja̧'wa̧nü̧ ja̧'a̧ttü̧ isopäi'ünä̧ pädäu̧jä̧: Ttürü esetümä̧ kkä̧kuä̧wä̧ i'ko kku̧nä̧rü̧.

San Juan 6:32

Ja̧'wa̧ta̧nü̧ Jesú-mä̧ päinä̧u̧: —Isopäi'ünä̧ pädäu̧jä̧, jua̧u̧ mo̧ro̧jä̧ra̧'a̧ttü̧ ttukunä̧ iyinü̧mä̧ Moisé-mä̧kü̧ ji̧na̧'a̧; ji̧nä̧so iyinü̧mä̧ Chä'o ja̧'a̧, Isopäi'ünä̧ kuäkuäwä mo̧ro̧jä̧ra̧'a̧ttü̧ iyümä̧.

San Juan 6:26

Jesú-mä̧ päinä̧u̧: —Isopäi'ünä̧ ukuturu pä'üsä, jȩtto̧kü̧ ja̧jü̧ juei ja̧'a̧ to'kuätukua'amä̧ kusätukuokokusä, suro sukuädi'ätukunä̧ kuäjä'kotütä kusätukuäkusä.

San Juan 3:11

Isopäi'ünä̧ pädäkujä̧, ujutumä̧ tu̧wo̧juö̧nä̧ ukuokuätüjä̧ ja̧'wa̧ta̧nü̧ totinü̧tä̧ ji'äwätüjä̧ ja̧'wa̧nü̧ ja̧'a̧nä̧ ukutumä̧ jitäu esetokotüjä̧.

San Juan 3:5

Jesú ädätinä̧ku̧: —Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧.

San Juan 3:3

Jesú-mä̧ jua̧u̧ru̧ pä'inü̧: —Isopäi'ünä̧tä̧ pädäkujä̧, jareünä̧ uwäpächokümä̧, Ru̧wa̧ Dio weomȩmä̧ topokü jä̧kua̧.

San Juan 1:51

Ja̧'wa̧ta̧nü̧ Jesú-mä̧ päinä̧ku̧: —Isopäi'ünä̧ ukuturu pä'üsä: Porütä kkä̧mä̧dü̧ mo̧ro̧jä̧ bawekuächa'a to'kuäkuotüjä̧ ja̧'wa̧ta̧nü̧ mo̧ro̧jä̧nä̧ kka̧kuä̧tü̧ á̧gȩrȩ Dio umüwäyotü ubo I̧tti̧ ü̧jo̧mȩku̧ tti̧mȩyȩwa̧'a̧'i̧nä̧ ja̧'wa̧ta̧nü̧ 'chattächa'a'i̧nä̧, jü̧nä̧.

San Lucas 23:43

Päku Jesú-mä̧ päinä̧ku̧: Isopäi'ünä̧ pädäkujä̧, jitä mo̧ro̧tä̧ paraíso-ra̧'a̧ ttütäku ku̧jä̧kua̧jä̧.

San Lucas 18:29

Jesú-mä̧ ädätinä̧ku̧: —Isopäi'ünä̧ ya̧tȩ'i̧nä̧ toa'a, ojusode jäwä'i̧nä̧, jä̧'o̧tü̧rü̧'i̧nä̧, ü̧jä̧wa̧tü̧rü̧'i̧nä̧, üjäwaju̧tu̧rü̧'i̧nä̧, i̧tti̧mü̧rü̧'i̧nä̧, kä'ädi'inü̧mä̧ Ru̧wa̧ Dio weü jäwänä̧.

San Lucas 18:17

Isopäi'ünä̧ ukuturu pä'üsä, Ru̧wa̧ Dio weü, ya̧tȩ ji̧'ki̧cha̧wa̧ jü̧'a̧nü̧ ȩmo̧kü̧mä̧, jua̧u̧nä̧mä̧ do'ächokü jä̧kua̧.

San Lucas 13:35

Ja̧'wa̧nü̧ ja̧'a̧ttü̧ topätukui, kuojusodetukumä̧ toünä̧ kki̧'ä̧kuode ja̧'wa̧ta̧nü̧ pädäu̧jä̧ pä'äji jä̧ji̧'a̧nü̧mä̧ to'kuätukuokoku chä̧kua̧sä̧, ukutu pa̧'a̧nü̧ päkuätuku mo̧ro̧bü päi'ünä̧: «Tu̧ru̧wa̧ i̧mi̧nä̧ ichürümä̧ adiunä̧tä̧ jä̧kua̧,» jü̧nä̧.

San Lucas 12:37

Rü̧ȩnä̧ eseäkuäwä kka̧'a̧, ttu̧ru̧wa̧ ichomȩnä̧ ttä'i'oka'a to̧pä̧rä̧tü̧rü̧mä̧. Isopäi'ünä̧tä̧ ttu̧ru̧wa̧mä̧ chutätä ü̧'ka̧tä̧wä̧ta̧ ti̧'ä̧dä̧kuä̧wo̧po̧'ü̧, mesa isodänä̧ ttü̧'ä̧mä̧da̧ pä'ü we'ü, ttu̧kuȩ i̧yä̧'chä̧kuä̧u̧.

San Lucas 11:51

Abel to'e'ächinü̧ ukuojattü kkä̧mä̧dü̧, Zacaría santuario mi̧kuomȩ, altar mi̧kuomȩ 'kä̧tȩ jo̧mȩttü̧ toe'ino̧mȩbü päi'ünä̧. Ja̧'wa̧nü̧ ja̧'a̧ttü̧ Dio-mä̧, juätü totte'ächinü̧mä̧, pi̧yȩ pä̧nä̧ ttü̧ja̧rü̧ jä̧ȩpä̧kua̧.

San Marcos 14:30

Päomȩnä̧, Jesú-mä̧ ädätinä̧ku̧: —Jueünä̧tä̧ pädäkujä̧ jitä yodomä̧, äkärä todärenä̧ ra̧wä̧kua̧'a̧ ä'kanä̧, ttü chütü'kümä̧, kuä̧ppü̧tä̧rä̧kua̧jä̧ wäbodäkuä jo̧mȩnä̧.

San Marcos 14:25

Isopäi'ünä̧ pädäu̧jä̧, täkü penebütä uwa dauttü adikuoya chawa'amä̧ awokü chä̧kua̧sä̧, pä'äjita'anü̧ ji̧yȩnü̧ mo̧ro̧ ru̧wa̧ Dio weomȩttü̧tä̧ chawa pä'ü.

San Marcos 14:18

Täkü, mesa isodänä̧ ttu̧kuȩ kuä̧nü̧ ttü̧'ȩja̧'a̧, Jesú-mä̧ päinä̧u̧: —Jueünä̧tä̧ pädäu̧jä̧, ukututtü ya̧tȩ, ttüku u̧kuȩ kuä̧nü̧ pü̧ ja̧'a̧, ttürü iyü i̧kuä̧kua̧mä̧.

San Marcos 14:9

Ja̧'wa̧nü̧ ja̧'a̧ttü̧ isopäi'ünä̧ pä'üsä ukuturu, pi̧jä̧nä̧ttü̧ jareü wȩnȩ jittäwomȩmä̧, ukuokuäkuäwäkua'a paju jȩjü̧mä̧, jȩjü̧ ttamükuäda pä'ü.

San Marcos 12:43

Ja̧'wa̧nü̧ ji̧yä̧ku̧ Jesú-mä̧ u̧wo̧juȩtä̧u̧rü wopo'ü, pä'inü̧: —Isopäi'ünä̧ pädäu̧jä̧ paju rekua usurä isajumä̧ o'katoi'ünä̧ cofre o̧ka̧nä̧ pärätä ȩnä̧tü̧ttü̧'i̧nä̧ abonä̧nü̧ ȩnä̧ju̧;

San Marcos 11:23

Isopäi'ünä̧ ukuturu pä'üsä, ya̧tȩ pi'ka mü̧ä̧'ka pätetü: ¡Juorü pporächi'ü rü̧ä̧ duboranä̧ ma̧'ä̧chi̧! päüttümä̧, päüta'anü̧ 'kuäopäkua'a, üdüdüwoka'a a̧'kua̧ wȩnä̧rü̧ päomȩnä̧mä̧.

San Marcos 10:29

Ja̧'wa̧nü̧ pättäku Jesú-mä̧ ädätinä̧u̧: —Isopäi'ünä̧ pä'üsä ukuturu ya̧tȩ'i̧nä̧ toa'a, ttü jäwänä̧ ja̧'wa̧ta̧nü̧ jareü wȩnȩ jäwänä̧ ojusode'i̧nä̧, ü̧jä̧wa̧tü̧rü̧'i̧nä̧, üjäwaju̧tu̧rü̧'i̧nä̧, jä'orü'i̧nä̧, ja̧ju̧ru̧'i̧nä̧, i̧tti̧mü̧rü̧'i̧nä̧, idepiyu'i̧nä̧ jaropi'inümä̧,

San Marcos 10:15

Isopäi'ünä̧ pädäu̧jä̧, ji̧'chi̧cha̧wa̧ jä̧'i̧nü̧'a̧nü̧ Dio weü ȩmo̧kü̧mä̧, juȩnȩ Dio weomȩmä̧ do'ächokü jä̧kua̧.

San Marcos 9:41

Ya̧tȩ, ukuturu i̧so̧'ta̧nä̧, ajiya iyomȩnä̧, Crito isotü kuätukua'attü, isopäi'ünä̧ jua̧u̧mä̧ mikuämä̧ to'e'ächokü jä̧kua̧.

San Marcos 9:1

Ja̧'wa̧ta̧nü̧ Jesú-mä̧ päinä̧u̧: —Isopäi'ünä̧ pȩnȩ́ kka̧kuä̧tü̧ yotukunä̧mä̧ wa'ü ttikua pä'ü pättokäkuotü, ru̧wa̧ Dio weümä̧ ujuruku icha'a tottomȩbü päi'ünä̧.

San Marcos 8:12

Jesú-mä̧, rü̧ȩnä̧ juäpünü juätürü pä'inü̧: —¿Tta̧'a̧nü̧ pä'ü pitü ttü̧ja̧mä̧ jȩtto̧kü̧ juei jȩchi̧ya̧tü̧ pä'ü jä'epätüjä̧ttü̧? Juätürü pä'üsä, jȩtto̧kü̧ jueimä̧ jȩä̧kuä̧wo̧ka̧'a̧ jä̧kua̧'a̧, pitü ttü̧ja̧ totta pä'ümä̧.

San Marcos 6:11

Ja̧'wa̧ta̧nü̧ kkoromȩ kui̧'chä̧tu̧kuo̧mȩnä̧, ttojusodenä̧ dottädoka'a, ä̧ju̧ku̧'i̧nä̧ ttä̧ju̧ku̧ juiyüttümä̧, ku̧jä̧pü̧tu̧ku̧ i̧sa̧ppȩ ppüsäu kuikuätukuajä̧. Ja̧'wa̧nü̧ jȩ'kuä̧tu̧kuo̧mȩnä̧, ttu̧wo̧juä̧kuo̧tü̧.

San Marcos 3:28

Isopäi'ünä̧ pä'üsä ukuturu: o'kajuiyünä̧tä̧ ttü̧ja̧ suronä̧ jȩttä̧'i̧ja̧'a̧nä̧'i̧nä̧, suronä̧ ttukuokuä'ija'anä̧'i̧nä̧, surojü jui'ätü jü̧nä̧ Dio-mä̧ jȩpü̧ i̧kuä̧kua̧.

San Mateo 25:45

Ja̧'wa̧nü̧ pättomȩnä̧ chä̧dä̧tä̧kua̧sä̧: Isopäi'ünä̧ pä'üsä ukuturu, pitü ppo̧'ä̧tü̧ ja̧'a̧nä̧ ya̧tȩrü̧ ppäkuädätukuoka'a ji̧na̧'a̧mä̧, ttürü'i̧nä̧ ppä'ädokotü pinä̧tü̧jä̧.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

San Mateo 25:12

Pättäku jua̧u̧mä̧ ädätinä̧u̧: «Isopäi'ünä̧ pädäu̧jä̧, ukuturumä̧ jȩru̧pa̧sä̧.»

San Mateo 24:47

Isopäi'ünä̧ pädäu̧jä̧, jua̧u̧ru̧mä̧, u̧ru̧wa̧mä̧ o'kajuiyünä̧ iäre tta̧wä̧ra̧ pä'ütä we'ü u̧ju̧nä̧kua̧.

San Mateo 24:2

Juätürü, Jesú-mä̧ päinä̧u̧: —¿Pode isode rü̧o̧de o'kajuiyünä̧ topätüjä̧? Juodemä̧ o'kajuiyünä̧tä̧ pparächi'äkuode. ¡Ji̧yȩtȩ'i̧nä̧ kki̧'ü̧ juiyünä̧tä̧!

San Mateo 23:36

Ja̧'wa̧nü̧ ja̧'a̧ttü̧ pi̧yȩmä̧ o'kajuiyünä̧ pitü ttü̧ja̧rü̧ ma̧ä̧mä̧kua̧'a̧.

San Mateo 21:31

¿Juätüttü, jä'o weäji jȩpi̧nü̧mä̧, dí ji̧na̧'a̧jä̧ttü̧?, päomȩnä̧: —Ä̧kuo̧mȩnä̧ i̧sa̧ —pä'ü, ädätinä̧tü̧. Ttädätiyäku Jesú-mä̧ päinä̧u̧: —Isopäi'ünä̧ pädäu̧jä̧, Roma-ra̧'a̧ iyäwä pärätä ka̧ka̧tä̧'i̧jä̧tü̧tä̧ ja̧'wa̧ta̧nü̧ nä̧tü̧ u̧mä̧tu̧ku̧ surojuo'ätütä ru̧wa̧ Dio weomȩku̧ ä'kanä̧ dodepätümä̧.

San Mateo 21:21

Jesú ädätinä̧u̧: —Isopäi'ünä̧ pädäu̧jä̧, 'kikuekuätukuoka'a jueünä̧tä̧ kua̧'kua̧ ku̧wȩnä̧rä̧tu̧ku̧ttü̧mä̧, suro higuera isäinä̧ 'kuäopäjitämä̧ jo̧ka̧'a̧ jä̧kua̧'a̧; pi'ka mü̧ä̧'ka «juorü tü'ipächü, rü̧ä̧ duborara̧'a̧ ma̧'ä̧chi̧ päkuätukuttü'inä̧,» ja̧'wa̧ta̧nü̧ jä̧kua̧'a̧.

San Mateo 19:28

Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.

San Mateo 19:23

Ja̧'wa̧nü̧ ji̧yä̧ku̧ Jesú-mä̧ u̧wo̧juȩtä̧u̧rü pä'inü̧: —Isopäi'ünä̧ pädäu̧jä̧ Dio weomȩ pärätä ru̧wa̧ doächa pä'ümä̧, rü̧ȩnä̧ weyekua'a abotä ja̧'a̧.

San Mateo 18:18

Isopäi'ünä̧ pädäu̧jä̧ pi̧jä̧nä̧ttü̧ ku̧nü̧'kätukumä̧ mo̧ro̧jä̧ra̧'a̧ttü̧'i̧nä̧ nü̧'kächi'äkua'a; ja̧'wa̧ta̧nü̧ pi̧jä̧nä̧ttü̧ kuejädätükumä̧ mo̧ro̧jä̧ttü̧'i̧nä̧ ejächi'äkua'a.

San Mateo 18:3

pä'inü̧: —Isopäi'ünä̧ pädäu̧jä̧ ppo̧'ä̧tü̧ jä̧'i̧nü̧'a̧nü̧ kui'ärowächätuku juiyüttümä̧, mo̧ro̧jä̧ ru̧wa̧ weomȩmä̧ do'ächokotü kuäkuotüjä̧.

San Mateo 11:11

Isopäi'ünä̧ pädäu̧jä̧: O'katoi'ünä̧ nä̧tü̧ttü̧ uwäpächinä̧tü̧mä̧, bautizo jȩä̧kuä̧wä̧ i̧sa̧ Ju̧a̧ u̧wä̧mȩnä̧ wa̧mä̧ toa'a; ja̧'wa̧nü̧ ja̧'a̧nä̧ mo̧ro̧jä̧ jäwä weomȩttü̧ a̧'u̧kua̧mä̧ jua̧u̧ttü̧'i̧nä̧ u̧wä̧mȩnä̧ wa̧ jä̧kua̧.

San Mateo 10:42

Ja̧'wa̧ta̧nü̧ pitüttü ya̧tȩ ji̧'ki̧cha̧wa̧ ja̧ pä'ü'i̧nä̧, ttü chu̧mü̧wä̧ya̧ wa̧rü̧ ajiya diyawoya ji̧'ta̧tȩnä̧ iyürümä̧, isopäi'ünä̧ pä'üsä, jua̧u̧ iäre premio-mä̧ Dio-mä̧ unichi'okoku jä̧kua̧.

San Mateo 10:15

Isopäi'ünä̧ pädäu̧jä̧, ü'ojo'ü mo̧ro̧ päi'omȩnä̧mä̧ Sodoma rȩjȩ ttü̧ja̧rü̧ ji̧no̧mȩttü̧'i̧nä̧, Gomorra rȩjȩ ttü̧ja̧rü̧ ji̧no̧mȩttü̧'i̧nä̧ abonä̧nü̧ usurä ttȩmä̧wä̧kuo̧tü̧ juȩnȩ ütawiyä ttü̧ja̧mä̧.

San Mateo 8:10

Ja̧'wa̧nü̧ pä'a ä̧ju̧ku̧, Jesú-mä̧ rü̧ȩnä̧ amükuädünü̧ chutäku 'chä̧tü̧rü̧ pä'inü̧: —Isopäi'ünä̧ pädäu̧jä̧, Iraettümä̧ ya̧tȩrü̧'i̧nä̧ po̧kui̧po̧kü̧ pä'ijüsä, pa̧'a̧nü̧ rü̧ȩnä̧ a̧'kua̧ wȩnä̧rü̧rü̧mä̧.

San Mateo 6:16

Ukutu Dio-rü ukuoku ku̧kuȩ kua̧do̧chä̧tu̧kuo̧mȩnä̧, ä'koyättü esetätü jȩttü̧'a̧nü̧mä̧, kui'ätukunä̧ kua̧'kua̧ tta̧'ȩku̧ 'kua̧rü̧nä̧mä̧, jȩ'kuä̧tu̧kuä̧ ttü̧ja̧ tottätukuaku pä'ümä̧. Ja̧'wa̧nü̧ jȩ'kuä̧tu̧ku̧ttü̧mä̧ ukuturu pä'üsä, täkü jua̧u̧tä̧ po̧kui̧pä̧tü̧jä̧, mikuä jäkuepätukumä̧.

San Lucas 4:24

Jua'a yaboku päinä̧u̧: —Isopäi'ünä̧ pädäu̧jä̧, profeta wa̧mä̧ ya̧tȩ'i̧nä̧ toa'a idepiyuttü ttesewäkumä̧.