San Mateo 5:17 - Nuevo Testamento Uwotjüja

¹⁷ Weäwä wȩnȩ'i̧nä̧, profetas jittäwi̧nü̧'i̧nä̧ si'epü iku ichinü̧ pä'ümä̧ kuamükuädätukuättü̧, pärokua'aku jo̧mȩnü̧ mikuäwächünä̧tä̧ ji'äu ichinü̧sä̧.

TÄ̧DO Ä̧CUÄ̧ I̧HUȨNȨ

¹⁷ Juhua'a yabonö huo̧juȩti̧nö̧do Jesús: —Moisés hueähuä huȩnȩ'i̧nä̧, Dios i̧huȩnȩ jiäcuähuä isotö ttu̧huo̧juȩti̧nö̧'i̧nä̧ jȩpö̧ icu ichäjicö̧ pä'ömä cuamöcuädätucuä'. Ja̧u̧ huȩnȩ jȩpö̧ chicua pä'ö ichocö päjisä. Ji̧nä̧ isocu ja̧u̧ huȩnȩ jȩpö̧ kä̧nö̧ adiu cu̧huo̧juä̧tu̧cuä̧cua̧'a̧nö̧ huo̧juȩtö̧ ichäjisä.

San Mateo 5:17 Referans Kwoze

Romanos 10:4

Isopäi'ünä̧ weäwä wȩnȩ ji̧nü̧mä̧ beipa'a Crito-nä̧tä̧, o'katoi'ünä̧ Churutä tta̧'kua̧ wȩnä̧rü̧ esetätürümä̧ adiwä isotütä päi'ünä̧ pärotü ikuatü pä'ü.

San Lucas 16:17

Mo̧ro̧jä̧'i̧nä̧, pi̧jä̧ rȩjȩ'i̧nä̧ 'kuäunä̧tä̧ beipächü ja̧'a̧nä̧, weäwä wȩnȩttü̧ a̧'u̧ku̧nä̧tä̧ jü̧ ja̧ pä'ü'i̧nä̧, beipächokü jä̧kuȩ.

Romanos 8:4

Weäwä wȩnȩ weä'ijümä̧ ujutunä̧ jo̧mȩnü̧ päi'a pä'ü, jȩpi̧nü̧; jua'amä̧, täkü tidepä pä̧wä̧rü̧ja̧'a̧ku̧ jȩpü̧ ttü̧ja̧ku̧ juiyünä̧, pärokua'aku Epíritu Sa̧tu̧rü̧ pä̧wä̧rü̧jo̧mȩnä̧ jȩpü̧ tü̧ja̧kui̧ya̧rü̧ pä'ü.

Romanos 3:31

Ja̧'wa̧nü̧ pätomȩnä̧mä̧ ¿weäwä wȩnȩmä̧ mikuäwokü pä'ü päta'a tä̧jí̧? ja̧'wa̧nü̧mä̧kü̧, yabokutä weäwä wȩnȩ kkiokuächunä̧ pä'ätüjä̧, Crito-rü ta̧'kua̧ tu̧wȩnä̧ro̧mȩnä̧mä̧.

San Mateo 7:12

Jua̧u̧ jü̧ta̧'a̧nü̧, ukuturu o'kajuiyünä̧ kkorotü ttü̧ja̧ jȩttä̧tu̧kua̧ku̧ päkuä'ijätukumä̧ juätürü'i̧nä̧ ji̧yȩta̧'a̧kuä̧ jȩpä̧tu̧kui̧; jua'amä̧ jua̧u̧ ja̧'a̧ weäwä wȩnȩmä̧ ja̧'wa̧ta̧nü̧ profeta ttukuokuinü̧mä̧.

San Mateo 3:15

Päomȩnä̧, Jesú-mä̧ ädätinä̧ku̧: —Jitätämä̧ wä̧i̧nä̧ja̧'a̧ Dio weinü̧tä̧ jȩta̧ pä'i. Päomȩnä̧, Ju̧a̧-mä̧ «ye pä'ü esetinä̧ku̧.»

Hechos 18:13

pä'inä̧tü̧: Pidemä̧ ttü̧ja̧ ttesetächünä̧ ji'äu, Dio ü̧rü̧ä̧ tteseunä̧tä̧, jua̧u̧mä̧ ujutu jȩtü̧ weäwä wȩnȩmä̧ to'ija̧'a̧ku̧ ja̧'a̧.

Hechos 6:13

Ja̧'wa̧nü̧ jȩpü̧ yapareu jittäwa pä'ü ttu̧ju̧nä̧jä̧u̧mä̧ pä'inä̧tü̧: —Pide ttü̧ja̧sa̧mä̧ pode Dio-rü ukuokuäkuäwode tü'kü'i̧nä̧, weäwä wȩnȩ tü'kü'i̧nä̧ to'ija̧'a̧ku̧ suronä̧tä̧ ukuoku,

San Juan 8:5

Moisé weäwä wȩnȩnä̧mä̧, pa̧'a̧nü̧ jȩpä̧ju̧ru̧mä̧ ido'kiyänä̧ ikuäu, kuä'ü tikua pä'ü we'inü̧, ¿Ukumä̧ toku päkua'ajä̧ttü̧?

Hechos 21:28

wopinä̧tü̧: «¡Irae ttü̧ja̧, ppä'ädätukuitü! ¡pide ja̧'a̧ ujutu jäwä'i̧nä̧, weäwä wȩnȩ'i̧nä̧, ja̧'wa̧ta̧nü̧ tü̧jo̧mȩ'i̧nä̧ to'ija̧'a̧ku̧ ji'äu wo̧juȩtä̧'i̧jü̧mä̧. Ja̧'wa̧ta̧nü̧ jitämä̧ yotüte Griego-rü'i̧nä̧ do'ädäji Dio-rü ukuokuäkuäwode surojuoächünä̧!»