San Mateo 5:16 - Nuevo Testamento Uwotjüja

¹⁶ Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

TÄ̧DO Ä̧CUÄ̧ I̧HUȨNȨ

¹⁶ Ja̧'hua̧ta̧nö̧ ucutu'inä, lámpara adiu tȩa̧u̧'a̧nö̧, adiu ka̧cuä̧tu̧cui̧ o'ca toi'önä ttä'ca jo̧mȩttö̧, ucutu adiu jȩcu̧'ä̧tu̧cua̧'a̧ topö, Cuä'o Diosrö, mo̧ro̧jä̧ra̧'a̧ kö̧rö̧ ttesetäcua'a̧nö̧, —huo̧juȩti̧nö̧do Jesús.

San Mateo 5:16 Referans Kwoze

1 Pedro 2:12

Judío pokotü ttü̧'kä̧tȩttü̧mä̧ adiunä̧ o'ikuätukui. Ja̧'wa̧nü̧ jü̧nä̧tä̧, jitämä̧ ukuturu suronä̧ jȩpä̧tü̧rü̧ 'kua̧rü̧nä̧ ttukuokua'anä̧, adiu jȩ'kuä̧tu̧kua̧'a̧ topü chutä o'katoi'ünä̧rü̧ jä'epü mo̧ro̧ päi'omȩnä̧ Dio-rü ttesewäkuotü.

Tito 2:7

O'kajuiyünä̧, ukutä kua̧mü̧nä̧ pa̧ja̧tü̧ wȩnȩku̧ i̧jȩkui̧ adiwäjueimä̧ pa̧'a̧nü̧ jȩä̧kuä̧wä̧ pä'ü, wo̧juȩtü̧mä̧ adiutä jȩpü̧ kua̧'kua̧pü̧nü̧ kkä̧nü̧ i̧jȩkui̧.

San Juan 15:8

Pi̧yȩnä̧ i̧jȩkuä̧cha̧'a̧, Chä'o ukuo jäwämä̧: u̧wä̧ju̧ rü̧ȩnä̧ kku̧nä̧rü̧ kkä̧nü̧, ttü cho'ka'anä̧ kuichätukuomȩnä̧.

Efesios 5:8

isopäi'ünä̧ ji̧yȩnü̧ mo̧ro̧mä̧ yo̧ü̧nä̧ kka̧kui̧nä̧tü̧jä̧, ja̧'wa̧nü̧ ja̧'a̧nä̧ jitämä̧, Tu̧ru̧wa̧nä̧mä̧ tȩya̧u̧ wotüjä̧; ja̧'wa̧nü̧ ja̧'a̧ttü̧ tȩya̧u̧ i̧tti̧mü̧ jü̧nä̧ kka̧kuä̧tu̧kui̧.

1 Pedro 3:16

Ja̧'wa̧nü̧ ja̧'a̧nä̧ ukuo tekuäwätukuoka'a ukuotünü̧ jȩpü̧ adiwomȩnä̧ amükuädätukui, Crito-rü esetätü jü̧nä̧ adiu ku̧jä̧tu̧kuo̧mȩnä̧ suronä̧ ukuokuä'ijätümä̧, jitütä tti̧wȩnȩnä̧ dä'ättuttäkua'anü̧.

1 Pedro 4:14

Ukuturu eseäkuäwä kka̧'a̧, Crito jäwänä̧ suronä̧ pättä'chäkurumä̧, jua'amä̧ ukuo'i̧nä̧ Dio a̧'kua̧rü̧ i̧sa̧'i̧nä̧ ukutunä̧ ü̧ja̧'a̧ttü̧.

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.

Tito 3:14

Ja̧'wa̧ta̧nü̧ ujututtümä̧ adiu jȩä̧kuä̧wä̧'i̧nä̧ tawaruwä rekuä rü̧jä̧u̧ru̧ ppädäkuäwä'i̧nä̧ ttu̧wo̧jui̧'ü̧'a̧nü̧ ja̧'a̧, ja̧'wa̧nü̧tä̧ ttü̧jü̧nä̧mä̧ ppädäkuäwä isotü ttäkuotü.

1 Timoteo 6:18

Adiwäjuei jȩtta̧'a̧nä̧'i̧nä̧ adiwäjuei aditäkuäwänä̧ ruwotü juo'ü ja̧'wa̧ta̧nü̧ ttiäre ttu̧ju̧nä̧rü̧'i̧nä̧ iyü ppädäkuäwämä̧ jo̧mȩnü̧ ttü̧ja̧kua̧ we'itü.

2 Corintios 9:13

Pi̧yȩ kuiyätukua'a topü, Dio-rü tteseäkuäwäkuotü, Crito weinü̧nä̧ kukuotätukua'attü̧ ja̧'wa̧ta̧nü̧ ppäkuätukua'attü jitürütä'i̧nä̧, kkorotü o'katoi'ünä̧rü̧'i̧nä̧, jü̧nä̧;

Efesios 2:10

Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

Hebreos 10:24

Yotukunä̧ repe'äkuäwätukui, eseäkuäwä yabonü̧ rü̧ä̧chü̧nä̧ adiu ppä'ädäkuäu jȩ'kuä̧tu̧ku̧nä̧.

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.

1 Tesalonicenses 2:12

Jitäwä'i̧jä̧u̧jä̧ Dio i̧tti̧mü̧ ttü̧ja̧ku̧'a̧nü̧ ku̧ja̧kuä̧tu̧kuä̧kua̧'a̧nü̧, ttu̧ju̧nä̧ra̧ pä'ü woinä̧u̧ jü̧nä̧.

1 Pedro 3:1

Ja̧'wa̧ta̧nü̧ ukutu tti̧tti̧mü̧ tta̧ju̧tu̧'i̧nä̧, kui̧tti̧mü̧tu̧ku̧ ttä̧'o̧tü̧rü̧ ukuotätukui, yotüte Dio i̧wȩnȩ ttesetü juiyüttü'i̧nä̧, ukutu kukuokuätukuoka'anä̧ ku̧jä̧tu̧ku̧ttü̧ topü ttesetäkua'anü̧,

Hechos 9:36

Ji̧yȩnü̧ pä̧nä̧ Jope ütawiyänä̧ kki̧nä̧ju̧, Jesucrito-rü esetäju Tabitá pä'ü mi̧kuaju, Grecia ttü̧ja̧ tti̧wȩnȩnä̧mä̧ Dorca pä'ü mikuinä̧ju̧. Juäju rü̧ȩnä̧ ppä'ädinä̧ju̧, rü̧ȩnä̧ rekuä rü̧jä̧u̧ru̧.

1 Timoteo 5:25

Ja̧'wa̧nü̧ jü̧ ta̧'a̧nü̧ adiwä jueimä̧ jü̧ttü̧'i̧nä̧ i̧jȩkua̧'a̧; ja̧'wa̧ta̧nü̧ adiwäjuei jo̧kü̧mä̧ 'kuäopünä̧tä̧mä̧ dajawä̧ru̧mä̧ kko̧kü̧ jä̧kuȩ.

San Mateo 5:45

Ja̧'wa̧nü̧ jȩ'kuä̧tu̧kuo̧mȩnä̧tä̧ Kuä'otuku mo̧ro̧jä̧nä̧ kkü̧ i̧tti̧mü̧ kuäkuotüjä̧; jua̧u̧mä̧ adiwä isotürü'i̧nä̧, suropätü isotürü'i̧nä̧, aditinä̧ku̧ kkä̧wa̧rü̧mä̧ räopünä̧ jȩä̧u̧ ja̧'wa̧ta̧nü̧ adiu jȩpä̧tü̧rü̧'i̧nä̧, surojü jȩpä̧tü̧rü̧'i̧nä̧ ajiya icha pä'ü wȩä̧u̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

1 Timoteo 2:10

adiwomȩnä̧ tta̧di̧kuä̧rü̧mä̧ kkorotürü äräbe'ünä̧, nä̧tü̧ Dio-rü ttukuota pä'ätü ttü̧ja̧ku̧ta̧'a̧nü̧ pätekuächäkua'a.

Gálatas 1:24

Ja̧'wa̧nü̧ ttürü pärotü ikuina̧'a̧ topü, Dio-rümä̧ juiyo eseäkuäwinä̧tü̧.

Tito 3:4

Ja̧'wa̧nü̧ ja̧'a̧nä̧ tü̧ä̧nä̧wa̧ Dio surojüttü tü̧ji̧pü̧nä̧ ppädäkuäwä i̧sa̧mä̧, ttü̧ja̧rü̧ rȩrü̧jü̧nü̧ toäkuäwä'i̧nä̧, eseäkuäwä'i̧nä̧ i̧jȩpi̧nü̧,

1 Corintios 14:25

Yä̧wä̧i̧nä̧ a̧mi̧so'kinä̧ ȩnä̧rä̧'i̧jü̧mä̧ i̧jȩkuä̧chä̧kua̧'a̧, ja̧'wa̧nü̧ jo̧mȩnä̧ Dio-rü iwe'kiyunä̧ pä̧mä̧dü̧ esewä̧kua̧, isopäi'ünä̧ Dio-mä̧ ukututä ku̧'kä̧tȩtu̧ku̧nä̧ kkü̧ ja̧'a̧ pä'ü.

San Lucas 11:2

Jesú-mä̧ päinä̧u̧: —Dio-rü kukuokuätukuomȩnä̧mä̧ pa̧'a̧nü̧ kukuokuätukuajä̧: Ujutu Tä'o mo̧ro̧jä̧nä̧ kkü̧mä̧, ukurutä isopäi'ünä̧ Dio ja̧'a̧ pä'ü ttu̧wo̧juä̧cha̧ pä'ätüjä̧. Ja̧'wa̧nü̧ ja̧'a̧ttü̧ «Tu̧ru̧wa̧ rey jü̧nä̧ ichi.»

San Mateo 9:8

Ja̧'wa̧nü̧ ja̧'a̧ topü ttü̧ja̧mä̧ ukuo te'äunu̧, Dio-rü esewinä̧tü̧, ttü̧ja̧rü̧ ttukuo iyini̧yä̧u̧.

San Mateo 23:5

O'kajuiyünä̧ jȩttü̧mä̧, ttü̧ja̧ tottatü pä'ütätä jȩpä̧tü̧. Ttüokuoränämä̧ weäwä wȩnȩ jäwä wȩyu̧kuȩ'ü̧ ru̧nä̧wä̧tü̧, ttüjonä̧'i̧nä̧ ja̧'wa̧ta̧nü̧ ttü̧'ka̧tä̧wä̧ti̧yu̧'i̧nä̧ otoü 'ka̧tä̧wȩ'ä̧tü̧, juiyo Dio-rü ukuotätü pättatü pä'ü.

San Mateo 6:16

Ukutu Dio-rü ukuoku ku̧kuȩ kua̧do̧chä̧tu̧kuo̧mȩnä̧, ä'koyättü esetätü jȩttü̧'a̧nü̧mä̧, kui'ätukunä̧ kua̧'kua̧ tta̧'ȩku̧ 'kua̧rü̧nä̧mä̧, jȩ'kuä̧tu̧kuä̧ ttü̧ja̧ tottätukuaku pä'ümä̧. Ja̧'wa̧nü̧ jȩ'kuä̧tu̧ku̧ttü̧mä̧ ukuturu pä'üsä, täkü jua̧u̧tä̧ po̧kui̧pä̧tü̧jä̧, mikuä jäkuepätukumä̧.

San Mateo 23:9

Ja̧'wa̧ta̧nü̧ pi̧jä̧nä̧ttü̧mä̧ ya̧tȩrü̧'i̧nä̧ chä'o pä'ümä̧ okuä'chätukuä, ukutu kuä'otukumä̧ ya̧tȩtä̧ ja̧'a̧, mo̧ro̧jä̧ ru̧wa̧tä̧.

San Mateo 6:9

Ja̧'wa̧nü̧ ja̧'a̧ttü̧ Dio-rümä̧ pa̧'a̧nü̧ kukuokuätukuajä̧: Tä'o Dio ukú, mo̧ro̧jä̧nä̧ kkü̧, kui̧mi̧mä̧ ukuo kkü̧nä̧tä̧ juoächa pä'ätüjä̧,