San Mateo 5:10 - Nuevo Testamento Uwotjüja10 Eseäkuäwä kka̧'a̧ adiu jȩtti̧yä̧u̧ suronä̧ jȩtta̧ pä'ü ttu̧sä̧rä̧u̧ru̧, jua'amä̧ mo̧ro̧jä̧ttü̧ weümä̧ juätütä ttȩmä̧kuȩ ja̧'a̧ttü̧. Gade chapit laTÄ̧DO Ä̧CUÄ̧ I̧HUȨNȨ10 “Korotörö, Diosrö tteseta'attö, korotö ya̧'ä̧huȩ'ö̧ jȩttä̧'cho̧mȩnä̧, adiunätä ka̧cuä̧tö̧mä̧, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧. Gade chapit la |
Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.
Sauro'i̧nä̧, Esteba̧-rü̧ kuä'ü ttikua'a ppä'ädinü̧. Jua̧u̧nu̧tä̧ mo̧ro̧ kkä̧mä̧di̧na̧'a̧, Jesucrito-rü esetätü Jerusarȩ́-nä̧ kka̧kuä̧tü̧rü̧ ra̧wä̧rü̧ ya'äu ttiku wȩnȩmä̧. Ja̧'wa̧nü̧ ya̧ttä̧wä̧u̧ o'katoi'ünä̧ dü'ekuinä̧tü̧ Judea rȩjȩra̧'a̧ku̧'i̧nä̧, Samaria rȩjȩra̧'a̧ku̧'i̧nä̧, jü̧nä̧; suro apótore-tä ttü̧ja̧kui̧'a̧nä̧.
Ja̧'wa̧ta̧nü̧ ujutumä̧ usurä ttȩmä̧wa̧'a̧nä̧ ttujuruku tta̧mi̧ 'ki'ächi'ü kka̧kuä̧tü̧rü̧ eseu kka̧kuä̧tü̧ pä'ätüjä̧. Ukutumä̧ Job usurä ȩmä̧wa̧'a̧nä̧ a̧mi̧ 'ki'ächi'ü ü̧ji̧nü̧ wȩnȩ'i̧nä̧, ja̧'wa̧ta̧nü̧ rüjinä̧ ü̧ä̧nä̧wa̧ Dio-mä̧ tta̧'a̧nü̧ jȩpü̧ esekuinä̧ku̧ttü̧ pä'ü'i̧nä̧ ä̧ju̧kui̧nä̧tü̧jä̧, isopäi'ünä̧ tü̧ä̧nä̧wa̧mä̧ rȩrü̧jü̧ toäkuäwä i̧sa̧ ja̧'a̧ttü̧ rȩrü̧jü̧nü̧ topü ppä'ädü.