San Mateo 4:25 - Nuevo Testamento Uwotjüja

²⁵ Ja̧'wa̧nü̧ jo̧mȩnä̧, Galirea ttü̧ja̧'i̧nä̧, Decápoli ttü̧ja̧'i̧nä̧, Jerusarȩ́ ttü̧ja̧'i̧nä̧, Judea rȩjȩ ttü̧ja̧'i̧nä̧ ja̧'wa̧ta̧nü̧ Jordán ji̧jä̧ku̧nä̧ ttü̧ja̧'i̧nä̧, rekuätü Jesú o'ka'anä̧ 'chi̧nä̧tü̧.

TÄ̧DO Ä̧CUÄ̧ I̧HUȨNȨ

²⁵ Ja̧'hua̧ta̧nö̧ Jesús o'ca'anä recuätö 'chi̧nä̧tö̧do. Galilea rȩjȩttö̧'i̧nä̧, Decápolis rȩjȩttö̧'i̧nä̧, Jerusalén ötahuiyättö'inä, Judea rȩjȩttö̧'i̧nä̧, Jordán aje ji̧jȩcu̧ttu̧'i̧nä̧ Jesús o'ca'anä 'chi̧nä̧tö̧do.

San Mateo 4:25 Referans Kwoze

San Lucas 6:17

Jesú-mä̧ müä'kara̧'a̧ttü̧ juätütäku mȩyȩwä̧ji̧'ka̧ mȩje'ka jo̧mȩ kkä̧mä̧di̧nü̧ u̧wo̧juȩtä̧u̧ku ja̧'wa̧ta̧nü̧ ttü̧ja̧ rekuätü, judea rȩjȩ ütawiyä'i̧nä̧, Jerusarȩ́-ttü̧'i̧nä̧, Tiro rȩjȩttü̧'i̧nä̧, Sidón rȩjȩnä̧ttü̧'i̧nä̧ ichäjätü pinä̧tü̧ jiäu ttä̧ju̧kua̧ pä'ü ja̧'wa̧ta̧nü̧ na̧nȩttü̧'i̧nä̧ aditü ikuatü pä'ümä̧,

San Marcos 5:20

Ja̧'wa̧nü̧ jä̧ji̧ o'ka'a, jua̧u̧mä̧, Decápoli rȩjȩnä̧ Jesú ppädäji tü'kü ji'äu kue'ächinü̧. Ja̧'wa̧nü̧ jiäwomȩnä̧, ttü̧ja̧mä̧, ¡Isoo pä'ü, eseäkuäwinä̧tü̧!

San Marcos 7:31

Jesú-mä̧, pä'äji jä̧ji̧ta̧'a̧nü̧ Tiro rȩjȩttü̧ rä'opächü Sidón ütawiyänä̧ 'kuä'o'ü Galirea rü̧ä̧ duboranä̧ rȩbȩwi̧pi̧nü̧, Decápoli rȩjȩnä̧ 'kuä'opünü̧.

San Lucas 6:19

Ja̧'wa̧nü̧ ja̧'a̧ttü̧ ttü̧ja̧ o'katoi'ünä̧tä̧ mȩtta̧rü̧ pä'ü jȩpi̧nä̧tü̧, Chunä̧tä̧ ujuru kka̧'a̧ ttumä̧richei aditü ikuiyä̧u̧.

San Marcos 6:2

Sawaru mo̧ro̧ päi'omȩnä̧ sinagoga-ttü Jesú-mä̧ wo̧juȩti̧nü̧. Ja̧'wa̧nü̧ u̧wo̧juȩta̧'a̧ ä̧ju̧ku̧ rekuätü too to̧pä̧rü̧ kkä̧nü̧ jä̧'ȩpä̧ra̧kuä̧wi̧'i̧nä̧tü̧: —¿Torü u̧wo̧jui̧'i̧nü̧ttü̧ juiyo u̧wo̧juö̧mä̧? ja̧'wa̧ta̧nü̧ ¿jȩtto̧kü̧ juei jȩü̧'i̧nä̧ torü u̧wo̧jui̧'i̧na̧'ä̧jä̧ttü̧?

San Mateo 19:2

Ja̧'wa̧nü̧ ja̧'a̧ o'ka'anä̧mä̧ ttü̧ja̧ rekuätü tti̧'chä̧ja̧'a̧, jua'attümä̧ na̧nȩpä̧tü̧rü̧ aditü ikuinü̧.

San Mateo 12:15

Jua̧u̧ wo̧jui̧'ü̧, Jesú-mä̧ juorü rä'opächü i̧'cha̧'a̧ ttü̧ja̧'i̧nä̧ rekuätü 'chi̧nä̧tü̧; o'katoi'ünä̧ na̧nȩpä̧tü̧rü̧ aditü ikuinü̧,

San Mateo 8:1

Jesú mü̧ä̧'kattü i̧mȩyȩwi̧'ä̧ji̧ o'ka'a, ttü̧ja̧ rekuätü chutäku 'chi̧nä̧tü̧.

San Mateo 5:1

Jesú-mä̧, ttü̧ja̧ rekuätürü topü müä'kara̧'a̧ku̧ 'cha'achäji'ka̧ ü̧'ä̧mä̧da̧'a̧ u̧wo̧juȩtä̧u̧mä̧ ichi'inä̧tü̧,

San Mateo 4:15

Ä̧ju̧kuä̧tu̧kui̧ Zaburó̧ i̧rȩjä̧, rü̧ä̧ aje tü'kü kka̧kuä̧tü̧mä̧; Ä̧ju̧kuä̧tu̧kui̧ Neftarí i̧rȩjä̧ ttü̧ja̧mä̧, Jordán ajenä̧ kkä̧wa̧ ma̧ä̧cha̧'a̧ku̧nä̧ kka̧kuä̧tü̧mä̧, Ä̧ju̧kuä̧tu̧kui̧ Galirea rȩjȩnä̧ kka̧kuä̧tü̧mä̧, Judío pokotü tti̧rȩjä̧nä̧: