Biblia Todo Logo
Bib sou entènèt

- Piblisite -




San Mateo 4:24 - Nuevo Testamento Uwotjüja

24 Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

Gade chapit la Kopi

TÄ̧DO Ä̧CUÄ̧ I̧HUȨNȨ

24 Ja̧'hua̧nö̧ cueächomenä, o'ca juiyönä Siria rȩjȩnä̧'i̧nä̧ ä̧ju̧cui̧nä̧tö̧do Jesúsru. Ja̧'hua̧nö̧ ja̧'a̧ttö̧ o'ca toi'önärö na̧'ä̧chä̧tö̧rö̧'i̧nä̧, koro juäi surojö ubara ttu'ätörö'inä, espíritus suropätörö ku̧nä̧rä̧tö̧rö̧'i̧nä̧, koro juäi na̧'ä̧chi̧pä̧rä̧tö̧rö̧'i̧nä̧, 'cuä'ätörö'inä i'cächinätödo Jesúsru. Jesús aditö icuinödo jahuätörö.

Gade chapit la Kopi




San Mateo 4:24
41 Referans Kwoze  

—Chu̧ru̧wa̧, chi̧tti̧rü̧ re kkä̧wi̧yi̧ttü̧, jue'ipä̧rü̧ na̧'ä̧chü̧ usurä ȩmä̧wi̧yä̧ku̧sä̧; kko̧ro̧nü̧ pünä̧mä̧ okuränä̧'i̧nä̧, ajenä̧'i̧nä̧ ma̧ä̧chä̧'chä̧'i̧jiyä̧ku̧sä̧.


pä'inü̧, —Chu̧ru̧wa̧, isodenä̧ chu̧mü̧wä̧ya̧, parárisi-ttü rü̧ȩnä̧ na̧'ä̧chü̧ usurä ȩmä̧u̧ ü̧'i̧yä̧ku̧sä̧,


Ja̧'wa̧nü̧tä̧tä̧ Jesú ütü'kümä̧ yabokunü̧ ukuowächina̧'a̧. Ttü̧ja̧ rekuätü ka̧ka̧kui̧nä̧tü̧ ttä̧ju̧kua̧rü̧ pä'ü'i̧nä̧, ttumä̧richeittü aditü ikuatü pä'ü'i̧nä̧, jü̧nä̧.


Pi̧yȩ ä̧kuo̧mȩnä̧ tti̧mi̧ tti̧wȩyu̧ku̧mä̧, Siria rȩjȩttü̧ Quirinio ru̧wa̧ gobernador jü̧nä̧ weü pä̧nä̧ kkä̧mä̧dü̧ jȩpi̧nä̧tü̧.


Ja̧'wa̧nü̧ ja̧'a̧, Jesú-mä̧ ujuruku weäku epíritu su̧ro̧pa̧mä̧ jua̧u̧ mü̧ä̧ya̧ttü̧ rä'opächinü̧, ja̧'wa̧nü̧ jo̧mȩnä̧ ji̧yȩtä̧ hora-nä̧tä̧ na̧wä̧chä̧ji̧ttü̧mä̧ pi̧'i̧nü̧.


Ja̧'wa̧nü̧ ja̧'a̧ juä̧jä̧ rȩjȩttü̧ canaá̧ ttü̧ja̧saju ü̧jo̧mȩku̧ ichi'ü wojinä̧ku̧: —¡Dawi I̧tti̧, Chu̧ru̧wa̧ rȩrü̧jü̧ topittü! ¡epíritu su̧ro̧pa̧ chittijünä̧ ü̧ja̧'a̧ rü̧ȩnä̧ usurä kkȩmä̧u̧nä̧ jȩi̧yä̧kua̧sä̧!


Ja̧'wa̧nü̧ ja̧'a̧ Jesú ü̧jo̧mȩku̧ epíritu su̧ro̧pa̧ ü̧jä̧ku̧ru̧ i'kächipinä̧tü̧ ä̧to̧kü̧'i̧nä̧ ä̧to̧kü̧ kkä̧nü̧, ukuokuokürü; ja̧'wa̧nü̧ ja̧'a̧ aditü ikuäjäkumä̧ adiu topü ukuokuinü̧.


Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.


Ujutu apótore-mä̧, igresia-ttü a̧ci̧a̧nu̧ wotüku, ji̧nä̧ ji̧yȩtȩnä̧ wotümä̧, ukutu judío pokotü ttü̧'kä̧tȩnä̧, Antioquía-nä̧'i̧nä̧, Siria-nä̧'i̧nä̧, Ciricia-nä̧'i̧nä̧ kka̧kuä̧tü̧rü̧: Te'äwätüjä̧.


Ja̧'wa̧nü̧ jiäwa'a 'kä̧tȩnä̧, ttü̧ja̧ pa̧ja̧kuä̧nü̧ wotü, parárisi mä̧richei na̧'ä̧chü̧rü̧ i'kächinä̧tü̧.


Täkü, kkä̧wa̧ ma̧ä̧chä̧ji̧ o'ka'a, yodó päi'omȩnä̧. Ttü̧ja̧mä̧, rü̧ȩnä̧ na̧nȩpä̧tü̧rü̧'i̧nä̧ ja̧'wa̧ta̧nü̧ epíritu-tu̧ suropätü ttü̧ja̧kuä̧u̧ru̧'i̧nä̧ Jesú ü̧jo̧mȩku̧ i'kächinä̧tü̧.


Jesú-mä̧, Galirea rȩjȩ o'kajuiyünä̧, sinagogas odewiyä jü̧'a̧kuä̧ kue'ächü wo̧juȩti̧nü̧. Wo̧juȩtü̧mä̧ ji'äwinü̧ jareünä̧ Ru̧wa̧ Dio weü wȩnȩ, ji'äu kkä̧nü̧mä̧ na̧nȩttü̧ttü̧'i̧nä̧, ubara ttu'u usurä ttȩmä̧u̧'i̧nä̧ aditü ikuinü̧.


Ja̧'wa̧nü̧ ja̧'a̧mä̧, Siria rȩjȩnä̧'i̧nä̧, Ciricia rȩjȩnä̧'i̧nä̧ 'kuä'opü ji'äwinä̧tü̧ tteseäkuäwünä̧, igresia wotü ttü̧ja̧kuo̧mȩmä̧.


Jesú Epíritu Sa̧tu̧ jo̧mȩnü̧ wa̧ Galirea rȩjȩra̧'a̧ku̧ ppa̧wä̧chi̧'a̧ja̧'a̧, o'katoi'ünä̧ juȩnȩ ütawiyä jäyänä̧ kka̧kuä̧tü̧ jua̧u̧ ütü'kü ukuowa'a ä̧ju̧kui̧nä̧tü̧.


Ja̧'wa̧nü̧ aditomȩnä̧, yotäku, Jesú ütü'kümä̧ Galirea rȩjȩ o'kajuiyünä̧ ukuowi'ina̧'a̧.


Jua̧u̧nu̧tä̧ pä̧nä̧ Herode Antipas-mä̧, Galirea rȩjȩnä̧ ru̧wa̧ pä̧nü̧, Jesú rü̧ȩnä̧ ukuota'a ä̧ju̧kui̧nü̧.


Pätta'anä̧ kkorotümä̧, pä'inä̧tü̧: —Pi̧yȩ ukuokumä̧ epíritu su̧ro̧pa̧ jäwämä̧kü̧. ¿Jua̧u̧nu̧mä̧, epíritu su̧ro̧pa̧mä̧ ä̧to̧kä̧tü̧rü̧'i̧nä̧ aditü iku tä̧jí̧?


Jesú-mä̧ bäreu ütawiyänä̧'i̧nä̧, ppo̧ü̧ ütawiyänä̧'i̧nä̧, sinagogas odewiyä pünä̧ kue'ächü wo̧juȩti̧nü̧. Jareünä̧ Ru̧wa̧ Dio weü wȩnȩ wo̧juȩtü̧mä̧, na̧nȩttü̧mä̧ o'kajuiyünä̧ aditü iku kkä̧nü̧, ubara ttu'u na̧nȩttü̧'i̧nä̧, o'kajuiyünä̧tä̧ aditü ikuinü̧.


Jua̧u̧ jȩä̧ji̧mä̧, juä̧jä̧nä̧ kka̧kuä̧tü̧mä̧ o'katoi'ünä̧tä̧ ukuowa'a ä̧ju̧kui̧nä̧tü̧.


Ja̧'wa̧nü̧ jä̧ja̧'a̧, Jesú-mä̧ rü̧ä̧ dubora ji̧jä̧ku̧nä̧, Gadara rȩjȩnä̧ i̧rȩbȩwi̧'o̧mȩnä̧, epíritu-tu̧ suropätü ttü̧ja̧kuä̧u̧ ta̧ju̧ jo̧mȩnä̧ wa'are ikuäwä idoriyä 'kä̧tȩttü̧ rä'ekuipinä̧tü̧, rü̧ȩnä̧ pä̧i̧kuä̧tü̧, juä̧mä̧ mä̧nä̧nä̧mä̧ kkorotü'i̧nä̧ 'kuättopü juiyünä̧tä̧ jȩpä̧'i̧jä̧tü̧;


Juätürü tta̧'ä̧rä̧jä̧tü̧mä̧, ütawiyära̧'a̧ dü'ekuächinä̧tü̧. Jua'attümä̧ 'chä̧wi̧'ü̧ epíritu-tu̧ suropätü ttü̧ja̧kuä̧u̧ru̧ 'kuäopäji'i̧nä̧, kuchitü̧rü̧ 'kuäopäji'i̧nä̧ o'kajuiyünä̧tä̧ ji'äwinä̧tü̧.


Ja̧'wa̧nü̧ ja̧'a̧nä̧ ttü̧ja̧ ttirekua'a dottächü juiyünä̧ jä̧u̧, isode wä̧mȩnä̧ Jesú ü̧jo̧mȩ päte'ü, 'tä̧'ȩpäjä'kotü isäbänä̧ sä̧bü̧kä̧nü̧ ü̧'a̧'a̧nä̧ jui'ädinä̧tü̧.


¿Toku pättüttütä adiwomȩnä̧ ja̧'a̧ttü̧, parárisi mä̧richei na̧'ä̧chü̧rü̧mä̧? ¿Suronä̧ jȩ'kuä̧'i̧jü̧mä̧ jȩä̧chä̧ku̧jä̧, pä'ü jui'ü'i̧nä̧ ku̧'ä̧bä ȩmi̧pü̧ täi, pättüttütä, adiwomȩnä̧ ja̧'a̧, ukuturumä̧?


Jesú-mä̧ sinagoga isodettü rä'opächü 'chä̧ji̧'ka̧ Simón ojusodenä̧ doächi'omȩnä̧. Simón i̧mi̧yaju rü̧ȩnä̧ du'unä̧ na̧jä̧chi̧yä̧u̧ Jesú-ru ppädiyatü pä'ü jättepinä̧ku̧,


Ja̧u̧ttü̧mä̧, isopäi'ünä̧, pi̧jä̧ttü̧mä̧ Ubo I̧tti̧mä̧ suronä̧ jü̧ttü̧'i̧nä̧ jȩpü̧ ikua pä'ü ujuru kku̧nä̧rü̧ pä'ü ku̧wo̧juä̧tu̧kuä̧kua̧'a̧nü̧, i̧'chü̧ juiyünä̧ wa̧ parárisi na̧'ä̧chü̧rü̧ pä'inü̧: —Ukuru pä'üsä, ä̧rä̧mi̧'ü̧, ku̧'ä̧bä, ȩmi̧pü̧ kuojusodera̧'a̧ täi.


Rekuätü epíritu-tu̧ suropätürü kku̧nä̧rä̧tü̧'i̧nä̧ adiu pȩji̧pi̧nä̧tü̧; juätü ttü̧ja̧ttü̧ rä'ekuächümä̧ wopinä̧tü̧; ja̧'wa̧ta̧nü̧ rekuätü parárisi mä̧richei na̧nȩpä̧tü̧'i̧nä̧, tti̧'chü̧ juiyünä̧ wotü'i̧nä̧ adiwächinä̧tü̧.


Ja̧'wa̧nü̧ jä̧ja̧'a̧mä̧, Jesú ütü'kümä̧ Judea rȩjȩmä̧ o'kajuiyünä̧tä̧ ja̧'wa̧ta̧nü̧ jäyä rȩjȩnä̧'i̧nä̧ o'kajuiyünä̧tä̧ ukuowi'ina̧'a̧.


Ja̧'wa̧nü̧ jä̧ji̧yä̧u̧, juȩnȩ kka̧kuä̧tü̧mä̧ kkorotü na̧nȩpä̧tü̧'i̧nä̧ i̧jȩku̧ tticha'a aditü ikuinä̧u̧.


Swiv nou:

Piblisite


Piblisite