San Mateo 4:23 - Nuevo Testamento Uwotjüja

²³ Jesú-mä̧, Galirea rȩjȩ o'kajuiyünä̧, sinagogas odewiyä jü̧'a̧kuä̧ kue'ächü wo̧juȩti̧nü̧. Wo̧juȩtü̧mä̧ ji'äwinü̧ jareünä̧ Ru̧wa̧ Dio weü wȩnȩ, ji'äu kkä̧nü̧mä̧ na̧nȩttü̧ttü̧'i̧nä̧, ubara ttu'u usurä ttȩmä̧u̧'i̧nä̧ aditü ikuinü̧.

TÄ̧DO Ä̧CUÄ̧ I̧HUȨNȨ

²³ Jesús Galilea rȩjȩnä̧ pa̧ja̧cu̧nä̧ huo̧juȩtö̧ cue'ächinödo, o'ca juiyönä judíos ttu̧huo̧jui̧'i̧nodehuiyänä koromecu, koromecu'inä. Adihuä huȩnȩ, Dios Ru̧hua̧ päi'önä ö̧jä̧cuȩ huȩnȩ, ji'ähuinödo. Ja̧'hua̧ta̧nö̧ o'ca toi'önä na̧'ä̧chä̧tö̧rö̧mä̧ aditö icuinödo.

San Mateo 4:23 Referans Kwoze

San Mateo 9:35

Jesú-mä̧ bäreu ütawiyänä̧'i̧nä̧, ppo̧ü̧ ütawiyänä̧'i̧nä̧, sinagogas odewiyä pünä̧ kue'ächü wo̧juȩti̧nü̧. Jareünä̧ Ru̧wa̧ Dio weü wȩnȩ wo̧juȩtü̧mä̧, na̧nȩttü̧mä̧ o'kajuiyünä̧ aditü iku kkä̧nü̧, ubara ttu'u na̧nȩttü̧'i̧nä̧, o'kajuiyünä̧tä̧ aditü ikuinü̧.

San Marcos 1:39

Ja̧'wa̧nü̧ ja̧'a̧ttü̧, sinagoga odewiyä pünä̧, Galirea rȩjȩnä̧mä̧ o'kajuiyünä̧tä̧ jareü wȩnȩmä̧ ji'äwinü̧, epíritu-tu̧ suropätürü'i̧nä̧ rä'epe'ü iku kkä̧nü̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

San Lucas 7:22

Jua̧u̧nü̧ o'ka'a, jä'epäjätürü pä'inü̧: —Tätukui, Ju̧a̧-rü̧mä̧ to'kuäjätukutä, kuä̧ju̧kuä̧jä̧tu̧ku̧tä̧ jikuäwätukuarüjä̧: Ä̧to̧kä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ 'chä̧tü̧, Repra-ttü na̧nȩpä̧tü̧'i̧nä̧ pȩji̧pä̧tü̧, ä̧ju̧kuo̧ko̧tü̧'i̧nä̧ ä̧ju̧kuä̧tü̧, wa'ü ikuinä̧tü̧'i̧nä̧ tto'ächätü ja̧'wa̧ta̧nü̧ usurä isotümä̧ adiwäjuei jareü wȩnȩ ä̧ju̧kuä̧tü̧.

San Mateo 11:5

Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.

San Mateo 13:54

I̧rȩjä̧ra̧'a̧ rȩbȩwi̧pä̧ji̧'ka̧ ttiäre sinagoga isodettü kkä̧mä̧dü̧ u̧wo̧juȩti̧nä̧u̧ ja̧'wa̧nü̧ ja̧'a̧ rü̧ȩnä̧ amükuädü pä'inä̧tü̧: —¿Pi̧yȩ u̧wo̧juö̧ o'kajuiyünä̧mä̧ torü u̧wo̧jui̧'i̧nü̧jä̧ttü̧? ¿Jȩtto̧kü̧ jueimä̧ toku jȩpü̧ jȩü̧ttü̧?

San Marcos 1:21

Cafarnaúm ütawiyänä̧ tti̧rȩbȩwi̧'ä̧ja̧'a̧. Sawaru mo̧ro̧ päi'omȩnä̧, Jesú-mä̧ sinagoga isodenä̧ do'ächi'ü wo̧juȩti̧nü̧.

Romanos 10:15

¿Ja̧'wa̧ta̧nü̧ toku jittäwäkua'a̧jä̧ttü̧, we'ätü toa'anä̧mä̧? wȩyu̧kuä̧ wȩnȩ pä'a: ¡Juiyo adiwa'a adiwä juei jareü wȩnȩ i'kächätürümä̧!

San Lucas 8:1

Jua̧u̧ o'ka'a Jesú-mä̧ ütawiyä ppo̧ü̧nä̧'i̧nä̧, bäreu ütawiyänä'i̧nä̧ o'kajuiyünä̧tä̧, Dio weü adiwä wȩnȩ ji'äu kue'ächinü̧. Kueächa'a, doce-nü̧ wotü umüwäyotü apótore'i̧nä̧ kue'ächinä̧tü̧.

San Marcos 6:2

Sawaru mo̧ro̧ päi'omȩnä̧ sinagoga-ttü Jesú-mä̧ wo̧juȩti̧nü̧. Ja̧'wa̧nü̧ u̧wo̧juȩta̧'a̧ ä̧ju̧ku̧ rekuätü too to̧pä̧rü̧ kkä̧nü̧ jä̧'ȩpä̧ra̧kuä̧wi̧'i̧nä̧tü̧: —¿Torü u̧wo̧jui̧'i̧nü̧ttü̧ juiyo u̧wo̧juö̧mä̧? ja̧'wa̧ta̧nü̧ ¿jȩtto̧kü̧ juei jȩü̧'i̧nä̧ torü u̧wo̧jui̧'i̧na̧'ä̧jä̧ttü̧?

San Mateo 24:14

Ja̧'wa̧ta̧nü̧ pi̧yȩ jareünä̧ weü wȩnȩmä̧ pi̧jä̧ o'kajuiyünä̧ jiäkuä̧wä̧kuȩ, pi̧jä̧ ttü̧ja̧ o'katoi'ünä̧ ttu̧wo̧jua̧ pä'ü; ja̧'wa̧nü̧ jü̧ o'ka'a pi̧jä̧mä̧ beipächäkua'a.

San Mateo 12:9

Jesú-mä̧ juorü 'kuä'o'ü juätütä ttiäre sinagoga isodenä̧ do'ächi'inü̧.

San Juan 18:20

Jesú-mä̧ ädätinä̧ku̧: —Ttümä̧ ttü̧ja̧ o'katoi'ünä̧ ttä'ka jo̧mȩttü̧ ukuokuä'ijüsä; sinagogas odewiyättü'i̧nä̧ ja̧'wa̧ta̧nü̧ Dio-rü ukuokuäkuäwodettü'i̧nä̧, jü̧nä̧; judío ttü̧ka̧ka̧kuä'ijomȩmä̧, yä̧wä̧i̧nä̧mä̧ ukuokuokü pä'ijüsä.

San Lucas 13:10

Sawaru mo̧ro̧ Jesú sinagoga isodettü u̧wo̧juȩto̧mȩnä̧;

San Lucas 9:11

Ja̧'wa̧nü̧ ja̧'a̧ ttü̧ja̧mä̧ wo̧jui̧'ü̧, o'ka'anä̧ 'chä̧jä̧tü̧rü̧; Jesú-mä̧, yawokuoka'a Dio weü wȩnȩ jiäwinä̧u̧ ja̧'wa̧ta̧nü̧ na̧nȩpä̧tü̧rü̧'i̧nä̧ aditü ikuinä̧u̧.

San Lucas 5:17

Ya'ute mo̧ro̧ Jesú u̧wo̧juȩto̧mȩnä̧, Galirea rȩjȩ ütawiyättü'i̧nä̧, Judea rȩjȩ ütawiyättü'i̧nä̧, Jerusarȩ́ ütawiyättü'i̧nä̧ ichäjä'kotü fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧ pȩji̧nä̧tü̧. Tu̧ru̧wa̧ ujurumä̧ kki̧na̧'a̧ na̧'ä̧chä̧tü̧rü̧ aditü ikua'a i̧jȩkuä̧chü̧nä̧.

San Marcos 6:6

Ja̧'wa̧nü̧ ja̧'a̧ttü̧, Jesú-mä̧ churutä ttesetokoku rü̧ȩnä̧ amükuädinü̧. Jesú-mä̧ kue'ächü wo̧juȩti̧nü̧ o'kajuiyünä̧ ütawiyä tü'künä̧nü̧ kka̧ku̧nä̧mä̧.

San Marcos 3:10

Jua'akumä̧, rekuätürü aditü ikua'anä̧'i̧nä̧, kkorotü na̧nȩpä̧tü̧'i̧nä̧ mȩtta̧rü̧ pä'ü rü̧ȩnä̧ ma̧ttä̧mi̧nä̧ku̧.

San Marcos 1:14

Ju̧a̧-rü̧ kärenä̧ ttütäji o'ka'a, Jesú-mä̧ Galirea rȩjȩra̧'a̧, jareünä̧ ru̧wa̧ Dio weü wȩnȩ ji'äu 'chi̧nü̧.

Hechos 20:25

Ja̧'wa̧nü̧ ja̧'a̧ttü̧, jitämä̧ wo̧jua̧sä̧, täkü ttürümä̧ topokotü kuäkuotüjä̧, ku̧'kä̧tȩtu̧ku̧nä̧ jareünä̧ ru̧wa̧ Dio weü wȩnȩ jidäwä'ija'amä̧.

Hechos 18:4

Ja̧'wa̧nü̧ ja̧'a̧, sawaru mo̧ro̧ jü̧ta̧'a̧nü̧ Pauru-mä̧ sinagoga isodenä̧ ji'äwinü̧, judío'i̧nä̧, griegos'i̧nä̧ esetä'chü ttikunä̧.

San Juan 6:59

Pi̧yȩmä̧ Jesú wo̧juȩti̧nü̧ Cafarnaúm ütawiyä, sinagoga isodettü.

San Lucas 10:9

Juȩnȩ na̧nȩpä̧tü̧ ttü̧ja̧ku̧ttü̧mä̧ aditü kuikuätukuajä̧ ja̧'wa̧nü̧ jȩpü̧mä̧ pa̧'a̧nü̧ päkuätukuajä̧: «Ru̧wa̧ Dio weü wȩnȩmä̧ ukuturu tü'kü kka̧'a̧,» jü̧nä̧.

San Lucas 6:17

Jesú-mä̧ müä'kara̧'a̧ttü̧ juätütäku mȩyȩwä̧ji̧'ka̧ mȩje'ka jo̧mȩ kkä̧mä̧di̧nü̧ u̧wo̧juȩtä̧u̧ku ja̧'wa̧ta̧nü̧ ttü̧ja̧ rekuätü, judea rȩjȩ ütawiyä'i̧nä̧, Jerusarȩ́-ttü̧'i̧nä̧, Tiro rȩjȩttü̧'i̧nä̧, Sidón rȩjȩnä̧ttü̧'i̧nä̧ ichäjätü pinä̧tü̧ jiäu ttä̧ju̧kua̧ pä'ü ja̧'wa̧ta̧nü̧ na̧nȩttü̧'i̧nä̧ aditü ikuatü pä'ümä̧,

San Mateo 14:14

Jesú-mä̧ woi'kattü i̧mȩyȩwi̧'o̧mȩnä̧ ttü̧ja̧ rekuätü ttü̧ja̧kua̧'a̧ topinü̧; to'omȩnä̧ rȩrü̧jä̧chi̧'ä̧ku̧ na̧nȩpä̧tü̧ tti̧'chä̧chä̧jä̧u̧ru̧ aditü ikuinü̧.

San Mateo 13:19

Mä̧nä̧nä̧ ma̧ä̧chi̧nü̧ u̧wä̧ju̧ jä̧ji̧mä̧, ru̧wa̧ Dio i̧wȩnȩ ttä̧ju̧kua̧'a̧nä̧, ttu̧wo̧jui̧pü̧juiyünä̧ wotürü wȩnȩkuä̧cha̧'a̧; tta̧mi̧so'kinä̧ kku̧nä̧wi̧'ä̧ji̧mä̧ su̧ro̧pa̧ ichi'ü 'choipä̧u̧ru̧.

San Mateo 3:2

Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

San Juan 7:1

Jua̧u̧ 'kuäopäji o'ka'a Jesú-mä̧ Galirea rȩjȩnä̧ kue'ächinü̧; ja̧'wa̧nü̧ ja̧'a̧nä̧ Judea rȩjȩnä̧mä̧ ü̧ja̧ pä'okü pinü̧, judío kuä'ü ttikua pättäku.

San Lucas 20:1

Ya'ute mo̧ro̧ Jesú-mä̧, Dio-rü ukuokuäkuäwodenä̧ jareü wȩnȩ wo̧juȩtü̧ ü̧ja̧'a̧ jakuänä̧, sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧, judío-ttü a̧ci̧a̧nu̧ wotü'i̧nä̧ ichi'ü,

San Lucas 4:14

Jesú Epíritu Sa̧tu̧ jo̧mȩnü̧ wa̧ Galirea rȩjȩra̧'a̧ku̧ ppa̧wä̧chi̧'a̧ja̧'a̧, o'katoi'ünä̧ juȩnȩ ütawiyä jäyänä̧ kka̧kuä̧tü̧ jua̧u̧ ütü'kü ukuowa'a ä̧ju̧kui̧nä̧tü̧.

San Lucas 6:6

Ja̧'wa̧ta̧nü̧ kkoro sawaru mo̧ro̧ Jesú-mä̧ sinagoga isodenä̧ do'ächi'ü wo̧juȩti̧nü̧. Ja̧'wa̧nü̧ ja̧'a̧ juodenä̧ ya̧tȩ u̧mü̧ u̧wo̧jua̧'a̧ku̧nä̧ joächächinä̧kü̧ kki̧nü̧.

San Lucas 7:21

Ja̧'wa̧nü̧ 'kuäopa'anä̧mä̧ rekuätürü ttümäricheittü'i̧nä̧, ubara ttuttu'i̧nä̧ aditü ikuinü̧ ja̧'wa̧ta̧nü̧ epíritu-tu̧ suropätü ttü̧ja̧kuä̧u̧ru̧'i̧nä̧ ja̧'wa̧ta̧nü̧ ä̧to̧kä̧tü̧rü̧'i̧nä̧ aditü ikuinü̧.

San Lucas 9:60

Päku, Jesú-mä̧ päinä̧ku̧: —Wä̧i̧nä̧ wa'inä̧tü̧tä̧, ttuwaparemä̧ ttu'tura'anä̧ ja̧'a̧tä̧ topi. Ja̧'wa̧nü̧ ja̧'a̧nä̧ ukumä̧ ru̧wa̧ Dio weü wȩnȩtä̧ ji'äwäji.

San Lucas 16:16

Weäwä wȩnȩ jäwä'i̧nä̧, profeta winä̧tü̧ jäwä'i̧nä̧, Ju̧a̧-bütä beipa'a. Täkü juorütä kkä̧mä̧dü̧, ru̧wa̧ Dio weü, jareü wȩnȩmä̧, kkä̧mä̧dü̧ jiäkuäwi'ina̧'a̧. Ja̧'wa̧nü̧ ja̧'a̧ttü̧ o'katoi'ünä̧ jua̧u̧nä̧ dodetta pä'ü borepäkuäwätü.

Hechos 28:31

Ru̧wa̧ Dio weü wȩnȩmä̧, Tu̧ru̧wa̧ Jesucrito ütü'kü'i̧nä̧ wäjuönä̧, wȩnȩ juiyünä̧tä̧ ji'äwinü̧.