San Mateo 4:17 - Nuevo Testamento Uwotjüja

¹⁷ Juorütä kkä̧mä̧dü̧ Jesú-mä̧, ji'äwinü̧: «Dio-ku ppa̧'ä̧chä̧tu̧kui̧, täkü Ru̧wa̧ Dio weümä̧ tü'kü ja̧'a̧,» jü̧nä̧.

TÄ̧DO Ä̧CUÄ̧ I̧HUȨNȨ

¹⁷ Juhuorö kä̧nö̧ Jesús kä̧mä̧dö̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'ö ji'ähuinödo.

San Mateo 4:17 Referans Kwoze

San Mateo 3:2

Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

San Lucas 5:32

Ttümä̧ adiu jȩpä̧tü̧rü̧mä̧ ȩmü̧ ichokü pinü̧sä̧, pärokua'akutä surojü jȩpä̧tü̧rü̧, jua̧u̧ttü̧ kättädächa pä'ü ȩmü̧ ichinü̧sä̧.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

Hechos 17:30

Ja̧'wa̧nü̧ ja̧'a̧ttü̧, Dio-mä̧ ttü̧ja̧ ttieruwiyäku ja̧'a̧tä̧ toinü̧ mo̧ro̧ ji̧na̧'a̧nä̧, jitämä̧ o'katoi'ünä̧rü̧ ttü̧ja̧kuo̧mȩ pünä̧mä̧ surojüttü kättädi'a pä'ü.

San Mateo 9:13

Jua̧u̧nu̧mä̧ wo̧jui̧pä̧jä̧tu̧kui̧, pa̧'a̧nü̧ pä'ijü tü'kü: «Rȩrü̧jü̧ toäkuäwätä pä̧wä̧rü̧jä̧ku̧sä̧, sacrificios jü̧nä̧ kuä'ü jȩ'kuä̧tu̧ku̧mä̧ kkü'koküsä» pä'ijomȩ. Isopäi'ünä̧ adiu jȩpä̧tü̧rü̧mä̧ ȩmü̧ ichokü pinü̧sä̧ ja̧'wa̧nü̧ ja̧jü̧ jueimä̧ suronä̧ jȩpä̧tü̧rü̧, surojüttü kättädächa pä'ü ichinü̧sä̧.

Hechos 26:20

ja̧'wa̧nü̧ jä̧ku̧, ä̧kuo̧mȩnä̧ Damasco ütawiyä ttü̧ja̧rü̧, jua̧u̧nü̧ o'ka'a Jerusarȩ́-nä̧'i̧nä̧, Judea rȩjȩ o'kajuiyünä̧ kka̧kuä̧tü̧rü̧'i̧nä̧ ja̧'wa̧ta̧nü̧ judío pokotürü'i̧nä̧ ji'äwinü̧sä̧, surojü kä'ädäkuäu Dio-rü ukuotü kkä̧kuä̧wä̧ wȩnȩmä̧.

San Lucas 15:7

Ja̧'wa̧nü̧ jü̧ta̧'a̧nü̧ ja̧'a̧, ukuturu pä'üsä, Jua̧u̧ ji̧nü̧ta'anü̧, jitü noventa y nueve-nü̧ winä̧tü̧ kka̧kui̧pi̧nä̧tü̧ttü̧'i̧nä̧ abonä̧nü̧ mo̧ro̧jä̧ra̧'a̧ttü̧mä̧ eseäkuäwä kka̧'a̧, ya̧tȩ suronä̧ jȩpü̧ kkä̧'i̧jü̧ jua̧u̧ttü̧ räopächomȩnä̧mä̧; adiunä̧ kkä̧tü̧mä̧, surojü kättädi'a pä'ümä̧ rekuä rü̧jo̧ko̧u̧.

Hechos 3:19

Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

San Lucas 15:10

Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Hebreos 6:1

Ja̧'wa̧nü̧ ja̧'a̧ttü̧, ä̧kuo̧mȩnä̧ Crito ütü'kü ku̧wo̧jui̧'i̧nä̧tu̧ku̧mä̧ pporädo'ü kku̧nu̧, yabokutä adiwä jueinä̧ jo̧mȩnü̧ juokuätukunä̧ päi'ünä̧ ti̧'chä̧tu̧kua̧; pä'äji ji̧nü̧ta'anü̧mä̧, ppa̧'a̧dü̧mä̧ surojüttü räopächäkuäwämä̧, Dio-rü tta̧'kua̧ wȩnä̧rä̧kuä̧wä̧mä̧ kukuokuätukuä, wa'ü tiku juiyäkua'anü̧, täkü jua̧u̧mä̧ kukuokuätukuä, jua'amä̧ yabonü̧ Dio-rümä̧ ta̧'kua̧ tu̧wȩnä̧ra̧'a̧ttü̧,

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

San Mateo 25:1

Ja̧'wa̧ta̧nü̧ mo̧ro̧jä̧ ru̧wa̧ weomȩmä̧, ya̧tȩ ü'käu icha'a nä̧tü̧ mü̧ä̧yotü to̧mü̧rȩnü̧ wotü ttiäre ra̧pa̧ra̧ ȩmi̧pü̧ jua̧u̧ru̧ tettäwa pä'ü rä'opächü tti̧'chi̧nü̧'a̧nü̧ ja̧'a̧.

San Mateo 13:47

Ja̧'wa̧ta̧nü̧ mo̧ro̧jä̧ ru̧wa̧ weümä̧ po̧i̧ wo̧ä̧wä̧sa̧ rü̧ä̧ duboranä̧ ttikuomȩnä̧ kkorojuo'otü po̧i̧'i̧nä̧ o'katoi'ünä̧ wottokuächa'a jä̧'i̧nü̧'a̧nü̧ ja̧'a̧.

San Mateo 10:7

Jua'a kui̧'chä̧tu̧kua̧'a̧ttü̧mä̧ pa̧'a̧nü̧ jikuäwätukuajä̧: Mo̧ro̧jä̧nä̧ttü̧ Dio weümä̧, täkü tü'küwächa'a, jü̧nä̧.

San Lucas 9:2

Ja̧'wa̧ta̧nü̧ Dio weü wȩnȩ jittäwa pä'ü'i̧nä̧, na̧'ä̧chä̧tü̧rü̧ aditü ttikua pä'ü'i̧nä̧ we'ümä̧,

San Mateo 11:12

Bautizo jȩä̧kuä̧wä̧ i̧sa̧, Ju̧a̧ ichino̧mȩttü̧ kkä̧mä̧dü̧ jitä pi̧yȩ mo̧ro̧bü päi'ünä̧, mo̧ro̧jä̧ jäwä weomȩmä̧ rowäkuäwätä kka̧'a̧ ja̧'wa̧ta̧nü̧ rowäkuäwä juruwätütä jua̧u̧mä̧ 'cho'ipätü.

San Mateo 13:24

Jesú-mä̧ kkoronä̧ wȩnȩtü̧ ji̧ä̧wi̧nä̧u̧: Mo̧ro̧jä̧ ru̧wa̧ weümä̧, ya̧tȩ ü'ättanä̧ adiwäjuei u̧wä̧ju̧ u̧ju̧ni̧nü̧'a̧nü̧ jü̧nä̧ wȩnȩkuä̧cha̧'a̧;

San Mateo 13:9

Ä̧ju̧ku̧nä̧ wa̧mä̧ ä̧ju̧kui̧.

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Mateo 6:10

kuruwo i'kächi. Mo̧ro̧jä̧ra̧'a̧ttü̧ kuju'komȩnä̧ jȩ'ku̧ta̧'a̧nü̧ pi̧jä̧nä̧'i̧nä̧ jȩpi̧.

San Lucas 3:23

Jesú-mä̧ treinta-nü̧ año jo̧mȩnä̧ kku̧nä̧ri̧nü̧ aditäwä kkä̧mä̧dü̧ aditinü̧mä̧. Jesú-mä̧ José i̧tti̧ pä'ütä ttu̧wo̧jui̧nä̧ku̧. José-mä̧ Elí i̧tti̧ ji̧na̧'a̧,