San Mateo 4:11 - Nuevo Testamento Uwotjüja

¹¹ Ja̧'wa̧nü̧ päku, Jesú ü̧jo̧mȩttü̧ äwettämä̧ i̧wi̧'a̧'a̧nä̧, A̧gȩrȩ-tü̧mä̧ ichi'ü ppättädinä̧ku̧.

TÄ̧DO Ä̧CUÄ̧ I̧HUȨNȨ

¹¹ Ja̧'hua̧ ja̧'a̧ ähuettämä rä'opächinödo Jesús ö̧jo̧mȩttö̧. Ja̧u̧nu̧ o'ca'a ángeles ichö ppä'ädinätödo Jesúsru.

San Mateo 4:11 Referans Kwoze

San Mateo 26:53

¿Ukutu kuamükuädätukumä̧ Chä'orümä̧ doce-nü̧ wotü á̧gȩrȩ-rü̧mä̧, ttumüwäyotuku weattü pä'ü jädepüttümä̧, weü juiyü'anü̧ ja̧'a̧?

Hebreos 1:14

Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.

San Lucas 22:43

[Ja̧'wa̧nü̧ ukuokua'a 'kä̧tȩnä̧ mo̧ro̧jä̧ á̧gȩ rä'o'inü̧, Jesú-ru ujuru iya pä'ü.

San Lucas 4:13

Täkü, äwettämä̧ o'kajuiyünä̧ kka̧kuä̧mȩ'ü̧ topäji̧'ka̧, Jesú ü̧jo̧mettü̧mä̧ 'ke'i̧pä̧chi̧nü̧, juiyo rekuomä̧kü̧tä̧.

Hebreos 1:6

Ja̧'wa̧ta̧nü̧, Dio i̧tti̧ ä̧kuo̧mȩnä̧ i̧sa̧rü̧ pi̧jä̧ra̧'a̧ we'ümä̧ pä'inü̧: «O'katoi'ünä̧ chumüwäyotü A̧gȩrȩ-mä̧ kuiwe'kiyunä̧ kkä̧mä̧dü̧ esewätukuirü.»

San Juan 14:30

Täkü ukutukumä̧, kkoro rü̧ȩnä̧mä̧ ukuokuoküsä, jua'amä̧ pi̧jä̧nä̧ we'ä'ijü icha'attü, Jua̧u̧mä̧ ttükumä̧ yoriso jui̧'a̧.

San Lucas 22:53

'Kuäopünä̧ mo̧ro̧ ji̧nü̧ a̧'u̧kuä̧, Dio-rü ukuokuäkuäwodenä̧ ukutukumä̧ kkä̧'i̧jü̧sä̧, ja̧'wa̧nü̧ ja̧'a̧nä̧ 'chukuädätukuokoku pä'ijüsä; ja̧'wa̧nü̧ ja̧'a̧nä̧ jitämä̧, ukutu jȩ'kuä̧tu̧kua̧ pä'ü hora ja̧'a̧, yo̧ü̧ ujuru.

San Marcos 1:13

Jua'a rȩba̧ dȩ'a̧ra̧'a̧mä̧, ttü̧ja̧ ta̧ju̧ mo̧ro̧ jo̧mȩnä̧ kki̧nü̧. Juȩnȩ, ü̧jo̧mȩnä̧ de'iyü isotü ra̧wä̧pi̧wotü rekuinä̧tü̧. Jua'attü ta̧bo̧i̧ya̧ Satanás kka̧kuä̧mȩ'ü̧ toinä̧ku̧; ja̧'wa̧ta̧nü̧ A̧gȩrȩ-mä̧ tta̧ttä̧ri̧nä̧ku̧.

San Mateo 4:6

päinä̧ku̧: —Isopäi'ünä̧, Dio I̧tti̧ kuttümä̧ rȩjȩku̧ tü'ächi; wȩyu̧kuä̧ wȩnȩmä̧ pä'ija'a: «Dio-mä̧ umüwäyotü á̧gȩrȩ-rü wȩä̧kua̧ 'chuttädaku pä'ü, i̧nä̧wänä̧ ppekuokuächü juiyünä̧.»

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.