San Mateo 3:7 - Nuevo Testamento Uwotjüja

⁷ Ja̧'wa̧nü̧ ja̧'a̧nä̧, rekuätü fariseo wotü'i̧nä̧, saduceo wotü'i̧nä̧, Ju̧a̧ bautizo jȩa̧'a̧ topü ttichäja'a, päinä̧u̧. «¡Ukutumä̧ ä̧ka̧tü̧ isotü wotüjä̧!» ¿Dí jiäwinä̧tu̧kuä̧ku̧ttü̧ usurä ttȩmä̧u̧nä̧ ro̧ȩpä̧kuȩttü̧ tü'ipächü ku̧ji̧pä̧tu̧kua̧ pä'ümä̧?

TÄ̧DO Ä̧CUÄ̧ I̧HUȨNȨ

⁷ Ja̧'hua̧ ja̧'a̧ttö̧ recuätö fariseos huotö'inä, saduceos huotö'inä bautizando jȩa̧'a̧ topö ttichomenä, chutä Juan pä'inödo jahuätörö: —¡Ä̧ca̧tö̧ jä̧'i̧nö̧'a̧nö̧ huotöjä! ¿Di jiähuäjättö ucuturu Dios ro̧ȩcuä̧ttö̧ töcuhuipächätucu'a̧nö̧ ja̧'a̧ päö?

San Mateo 3:7 Referans Kwoze

San Mateo 12:34

¡Ä̧ka̧tü̧ tti̧tti̧mü̧ wotüjä̧! ¿toku kukuokuätukua'ajä̧ttü̧ adiwäjueimä̧, suropätü isotü kuätukua'amä̧? isopäi'ünä̧ tta̧mi̧'iso'kinä̧ rü̧ȩnä̧ ȩkü̧tä̧ ttänä̧mä̧ räopa'a.

1 Tesalonicenses 1:10

Ja̧'wa̧ta̧nü̧ juätümä̧ wo̧juä̧tü̧ mo̧ro̧jä̧ra̧'a̧ttü̧ i̧chä̧kua̧rü̧, wa'arettü tto'ächinü̧rü̧, Dio ro̧ȩpä̧kuȩttü̧ rä'epü ikuäwä i̧sa̧ Jesucrito ichakua'a tta̧kuä̧rä̧tu̧kua̧'a̧mä̧.

Romanos 1:18

Ja̧'wa̧nü̧ ja̧'a̧nä̧ Dio üjü'kokümä̧ mo̧ro̧jä̧ra̧'a̧ttü̧ kkä̧mä̧dü̧ i̧jȩkuä̧cha̧'a̧ o'katoi'ünä̧ ttü̧ja̧ suronä̧ jȩpä̧tü̧rü̧, suronä̧ jȩpü̧ jueü wȩnȩ surojuo'epätürümä̧.

San Mateo 23:33

¡Ä̧ka̧tü̧tä̧ wotüjä̧! ¿Toku ku̧ja̧kui̧'ä̧tu̧kuä̧'kua̧'a̧jä̧ttü̧ beipokarä okuränä̧ tä̧bo̧kuä̧kuȩttü̧mä̧?

Romanos 5:9

Jua'a yabonä̧, Jesucrito ukuojanä̧ adiwä isotü jü̧nä̧ jȩi̧nä̧u̧ ta'attü̧, jua̧u̧ Jesucrito-nä̧tä̧ ro̧ȩkuä̧kuȩttü̧mä̧ tü̧ja̧kui̧'ä̧kuo̧tü̧jä̧.

San Mateo 22:23

Jua̧u̧nu̧tä̧ mo̧ro̧, saduceo wotüttü, wa'arettümä̧ ttoächäkuäwoka'a pä'ü esetätü ja̧'a̧, yotüte Jesú-ru jä'epü ttä̧ju̧kui̧nä̧ku̧:

San Mateo 16:6

Jesú-mä̧ päinä̧u̧: —Fariseo wotürü'i̧nä̧, saduceo wotürü'i̧nä̧ jȩttü̧ levadura pä'ü mikuttü ttu̧'ȩpä̧rä̧kuäu̧nu̧ tta̧'a̧rä̧kuä̧wä̧tu̧kui̧.

1 Juan 3:10

Pa̧'a̧nü̧ jo̧mȩttü̧ Dio i̧tti̧mü̧rü̧'i̧nä̧, äwettä i̧tti̧mü̧rü̧'i̧nä̧ wo̧juä̧wa̧'a̧: o'katoi'ünä̧ adiwä juei Dio jäwä jȩpo̧ko̧tü̧mä̧, Dio i̧tti̧mü̧mä̧kü̧. Ja̧'wa̧ta̧nü̧ ttü̧jä̧wa̧tü̧rü̧ repe'okotü'i̧nä̧, Dio i̧tti̧mü̧mä̧kü̧.

San Juan 9:40

Pi̧yȩ ä̧ju̧ku̧, yotukunä̧ fariseo wotü, juȩnȩ kka̧kuä̧tü̧mä̧ pä'inä̧tü̧: —¿Jua̧u̧ttü̧mä̧, ujutu'i̧nä̧ ä̧to̧kä̧tü̧jä̧?

Hebreos 11:7

A̧'kua̧ u̧wȩnä̧ra̧'a̧ttü̧, Nuémä̧, Dio jiäwomȩnä̧mä̧, ji̧nä̧ 'kuäopäkuȩmä̧ tooka'anä̧ esetü woi'ka aditinü̧ i̧tti̧mü̧tä̧ku̧ ü̧ji̧pa̧ pä'ümä̧. Ja̧'wa̧nü̧ a̧'kua̧ u̧wȩnä̧ro̧mȩnä̧mä̧ pi̧jä̧ ttü̧ja̧mä̧ to'e'inä̧tü̧ ja̧'wa̧nü̧ ja̧'a̧nä̧ Nuémä̧ Dio-ttü ȩmi̧nü̧ adiwäjuei, Churutä tta̧'kua̧ wȩnä̧rä̧tü̧rü̧ iyü.

Hechos 26:5

Ja̧'wa̧ta̧nü̧ wo̧juä̧tü̧ ä̧kuo̧mȩnä̧ttü̧tä̧ päi'ünä̧, fariseo wotü jü̧nä̧ chesetina̧'a̧mä̧, jittäwa pättüttümä̧ ji'äwätü, juätütä ja̧'a̧ 'kiyünä̧ Dio-rü esetätümä̧.

Hechos 20:31

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧; wäbodäkuä años jo̧mȩnä̧, mo̧ro̧'i̧nä̧, yodo'i̧nä̧, kädädi'oka'a chi̧'chȩrȩjaku chu̧wo̧juȩti̧nü̧, ukutu yotukunä̧rü̧.

Hechos 15:5

Ja̧'wa̧nü̧ jittäwa'a ä̧ju̧ku̧, Fariseo wotü ja̧'a̧nä̧ Jesucrito-rü esetätü yotukunä̧mä̧ pä'inä̧tü̧: —Judío pokotü, Jesucrito-rü esetü ikuätümä̧, Moisé weinü̧, circuncisión jȩttä̧kuä̧wa̧ pä'ü'i̧nä̧ ja̧'wa̧ta̧nü̧ weäwä wȩnȩ ttukuota pä'ü'i̧nä̧ ja̧'a̧.

Hechos 5:17

Ja̧'wa̧nü̧ ja̧'a̧, sacerdote ttu̧ru̧wa̧mä̧ ja̧'wa̧ta̧nü̧ saduceo wotü'i̧nä̧ juȩnȩ kka̧kuä̧tü̧mä̧ kkü'kü jui'ü ra̧wä̧ri̧nä̧tü̧.

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

San Juan 1:24

Ju̧a̧-ku̧ ttukuokua pä'ü wȩttä̧jä̧u̧mä̧, fariseo wotü ji̧na̧'a̧.

San Lucas 18:11

Fariseo wotü i̧sa̧mä̧ ä̧rä̧mi̧'ä̧ji̧'ka̧ kkä̧nü̧ pa̧'a̧nü̧ Dio-rü ukuokuinü̧: Chü̧ä̧nä̧wa̧ Dio, ukuru eseusä, kkorotü jü̧'a̧nü̧, nä̧u̧kuä̧rü̧'i̧nä̧, suronä̧ jȩpä̧'chü̧'i̧nä̧, ttirekua pokojuru kkä̧'chü̧'i̧nä̧ ja̧'wa̧ta̧nü̧ pide Roma-ra̧'a̧ weäwä pärätä ka̧ka̧kuä̧ i̧sa̧ jü̧'a̧nü̧'i̧nä̧ jȩpo̧kü̧ cha'attü,

San Lucas 16:14

Ja̧'wa̧nü̧ jiäwa'a fariseo wotümä̧, pärätä kkü'kätü ja̧'a̧ ä̧ju̧kuä̧rü̧, Jesú-ru ya̧'a̧wȩ'i̧nä̧tü̧.

San Lucas 7:30

Ja̧'wa̧nü̧ ja̧'a̧nä̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, Dio weina̧'a̧ku̧, Ju̧a̧ bautizo jȩa̧tü̧ pä'ü we'äwokotü pinä̧tü̧.

San Marcos 12:18

Ja̧'wa̧nü̧ ja̧'a̧, saduceo wotüttü yotüte Jesú-ru topü 'chi̧nä̧tü̧. Juätümä̧, 'korujuoächäkuäwämä̧ ttoächäkuäwokü pätta'attü̧, jua̧u̧ tü'kü jä'epü ttä̧ju̧kui̧nä̧ku̧:

San Marcos 12:13

Ja̧'wa̧nü̧ ja̧'a̧, fariseo wotü yotüterü ja̧'wa̧ta̧nü̧ Herode umüwäyotüttü yotüterü, Jesú ü̧ja̧'a̧ku̧ we'inä̧tü̧; ji̧yȩtȩ ieruwa'ajakuänä pä'opo'ü, jua̧u̧nä̧tä̧ 'chuttädarü pä'ü.

San Marcos 8:15

Ja̧'wa̧nü̧ ja̧'a̧ Jesú-mä̧ ro̧ȩpi̧nä̧u̧: —To̧pä̧rä̧kuä̧u̧ tta̧'a̧rä̧kuä̧wä̧tu̧kui̧, fariseo wottü ttu̧ju̧nä̧rü̧ levadura-ttümä̧ ja̧'wa̧ta̧nü̧ Herode u̧ju̧nä̧rü̧ levadura-ttü'i̧nä̧.

San Mateo 22:34

Ja̧'wa̧nü̧ saduceo wotürü Jesú-mä̧ 'korudü ikuäja'a ä̧ju̧ku̧, fariseo wotü'i̧nä̧ ka̧ka̧kui̧pi̧nä̧tü̧,

San Mateo 22:15

Ja̧u̧ jä̧ji̧ o'ka'a, fariseo wotümä̧ ka̧ka̧kui̧pü̧, Jesú-ru suronä̧ päomȩnä̧ ji̧yȩnä̧tä̧ ttu̧wȩnȩta̧rü̧ pä'ü, ukuokuäkuäu kku̧ni̧nä̧tü̧.

San Mateo 12:24

Ja̧'wa̧nü̧ pätta'a ä̧ju̧ku̧ fariseo wotümä̧ pä'inä̧tü̧: «epíritu-tu̧ suropätürü, rä'epü ikua'amä̧ ttu̧ru̧wa̧ Beelzebú ujurunä̧tä̧, rä'epe'ü iku ja̧'a̧.»

San Mateo 5:20

Ja̧'wa̧ta̧nü̧ isopäi'ünä̧ pädäu̧jä̧ weäwä wȩnȩ wo̧juȩtä̧tü̧'i̧nä̧, fariseo wotü'i̧nä̧ adiwäjuei jȩttä̧'i̧jü̧ u̧wä̧mȩnä̧ jȩ'kuä̧tu̧ku̧ juiyüttümä̧, mo̧ro̧jä̧ ru̧wa̧ weomȩmä̧ do'ächokotü kuäkuotüjä̧.

Hebreos 6:18

Ja̧'wa̧nü̧ Dio yaparewokü ja̧'a̧mä̧; juramento pättünä̧ iya päinü̧'i̧nä̧, wȩnȩtü̧ i̧mi̧nä̧ päinü̧'i̧nä̧ yoriso pärowächoka'a. Ja̧'wa̧nü̧ jo̧mȩttü̧ eseu ta̧'kua̧ wȩnä̧rä̧tü̧jä̧ Chutä ujuturu tta̧wä̧rü̧'i̧nä̧ ja̧'wa̧ta̧nü̧ ujuturu i̧yä̧kuȩ'i̧nä̧, jü̧nä̧.

San Mateo 15:12

Ja̧'wa̧nü̧ ja̧'a̧ u̧wo̧juȩtä̧u̧ ichi'opo'ü pättinä̧ku̧: —Fariseo wotümä̧ päkuäji ä̧ju̧ku̧ ra̧wä̧ri̧pä̧jä̧tü̧

San Mateo 16:1

Fariseo wotü'i̧nä̧, saduceo wotü'i̧nä̧ Jesú ü̧jo̧mȩku̧ 'chä̧wi̧'ü̧, ji̧nä̧ ttiweyettü jȩtto̧kü̧ juei mo̧ro̧jä̧ jäwä i̧jȩpa̧tü̧ pä'ü jättepinä̧ku̧.