San Mateo 3:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧nä̧ Ju̧a̧-mä̧, jarodünü̧ päinä̧ku̧: —Ukutäjä̧ ttürü bautizo jȩ'ku̧'a̧nü̧ wa̧mä̧, ttürümä̧ wekuäu juiyü'anü̧ wa̧jä̧,

TÄ̧DO Ä̧CUÄ̧ I̧HUȨNȨ

¹⁴ Äcuomenä Juan Jesúsru bautizando pä'ocö pi̧nö̧do. Jesúsru pä'inödo: —Ttörötä bautizando jȩcu̧'a̧nö̧ ja̧'a̧to. ¿Tta̧'a̧nö̧ pä'ö cuichäjättö, ucuru bautizando jȩcha̧ pä'ö?

San Mateo 3:14 Referans Kwoze

Gálatas 4:6

Ja̧'wa̧nü̧, täkü i̧tti̧mü̧ ta'attü̧ Dio-mä̧ i̧tti̧ a̧'kua̧rü̧ i̧sa̧ Epíritu-ru we'inü̧ ta̧mi̧'iso'kinä̧: jua̧u̧ Epíritu ja̧'a̧, ¡Abbá! ¡Chä'o! pä'ü wopümä̧.

Gálatas 3:22

Wȩyu̧kuä̧ wȩnȩmä̧ pä'a, o'katoi'ünä̧rü̧tä̧ surojü pecado pättümä̧ kkȩdä̧rä̧u̧jä̧, ja̧'wa̧nü̧ ja̧'a̧ttü̧ Dio mippoünä̧ iya päinü̧mä̧ Jesucrito-rü tta̧'kua̧ wȩnä̧rä̧tü̧rü̧tä̧ ttȩma̧ pä'ü ja̧'a̧.

Romanos 3:25

Dio-mä̧, Crito-rü ukuoja erünä̧ jȩo̧mȩnä̧, eseku ikuäwä iya pä'ü iyinü̧. Jua̧u̧ eseku ikuäwämä̧ tta̧'kua̧ wȩnä̧rü̧tä̧ rȩbȩä̧kuä̧wä̧ ja̧'a̧. Ja̧'wa̧nü̧ jȩpü̧ Dio-mä̧, i̧jȩpi̧nä̧u̧jä̧ adiwä jueinä̧tä̧ pärotü ikumä̧, suronä̧ jȩtä̧'i̧jü̧, jȩpü̧ ikua'attü̧.

Romanos 3:23

jua'amä̧, o'katoi'ünä̧ surojü jȩtti̧na̧'a̧ttü̧, Dio ädiwättümä̧ otó wotüjä̧.

San Juan 1:16

Isopäi'ünä̧ Jua̧u̧ u̧ju̧nä̧rü̧ttü̧tä̧ o'katoi'ünä̧ ȩmi̧nä̧tü̧jä̧, rettü ppädina̧'a̧mä̧, jua'a yabo ppädinä̧u̧jä̧.

San Lucas 1:43

¿Tta̧'a̧nü̧ pä'ü ttürümä̧ pi̧yȩ iyäwi'äkuasä̧ttü̧, Chu̧ru̧wa̧ ja̧ju̧ ttürü do'ächü kkichattü pä'ümä̧?

San Mateo 3:13

Ja̧'wa̧nü̧ jä̧ji̧ o'ka'a Jesú-mä̧, Galirea rȩjȩttü̧ rä'opächäji̧'ka̧, Jordán ajera̧'a̧ku̧, Ju̧a̧ bautizo jȩa̧rü̧ pä'ü, ü̧jo̧mȩku̧ ichinü̧.

San Mateo 3:15

Päomȩnä̧, Jesú-mä̧ ädätinä̧ku̧: —Jitätämä̧ wä̧i̧nä̧ja̧'a̧ Dio weinü̧tä̧ jȩta̧ pä'i. Päomȩnä̧, Ju̧a̧-mä̧ «ye pä'ü esetinä̧ku̧.»

Romanos 1:13

Ja̧'wa̧nü̧ ja̧'a̧nä̧ chawaruwä chü̧jä̧wa̧tü̧ ku̧wo̧juä̧tu̧kua̧ pä'üsä, do'ächü chicha pä'ü jȩcha̧'a̧nä̧, do'ächü chichü juiyünä̧ weyekuä'ijüsä. Ji̧nä̧somä̧ kkorotü judío pokotürü jä̧'i̧jü̧ta̧'a̧nü̧ ukutunä̧'i̧nä̧ u̧wä̧ju̧ chu̧ju̧nä̧ra̧ pä'ü.

Hebreos 7:23

Kkorotü sacerdote winä̧tü̧mä̧ rekuinä̧tü̧, rekuo ttü̧jü̧ juiyünä̧ wa'are rȩbȩwa̧'a̧ttü̧, juätürü.