San Mateo 3:12 - Nuevo Testamento Uwotjüja

¹² Trigo pojäwäkä u̧mü̧nä̧ 'chu̧'ä̧rü̧ kkü̧, surojä'kua do'opü iku, adiutätä ü'ojo'a pä'ü; u̧kuȩ trigo-mä̧ ka̧ka̧kuo̧ka̧nä̧ ka̧ka̧tü̧ u̧ju̧nä̧kua̧, ja̧'wa̧nü̧ ja̧'a̧nä̧ o'ko'kuamä̧ okurä na̧wi̧po̧karänä̧ kkuwü.

TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ trigo pättö juäi ppa̧'ȩpö̧ icua pä'ö, jo̧mȩ päi'önä ru'tucä 'chu̧'ä̧rö̧ u̧mö̧nä̧. Trigo ppa̧huȩpö̧mä̧ isodenä hua'adö u̧ju̧nä̧cua̧. O'co'cuamä ocuränä, yoröiso beipocaränä, ku i̧cuä̧cua̧, —pä'inödo Juan.

San Mateo 3:12 Referans Kwoze

San Mateo 13:30

Ja̧'a̧tä̧ topätukui yoräteunä̧ büó juoa'anä̧, u̧wä̧ju̧ jo̧mȩnü̧ päi'omȩbü päi'ünä̧; jua̧u̧ ttü̧ka̧ka̧tü̧ mo̧ro̧ päi'omȩnä̧, ka̧ka̧tä̧tü̧rü̧ wȩdä̧kua̧sä̧: Ä̧kuo̧mȩnä̧mä̧ surojü adiyä ka̧ka̧tü̧, obanä̧ juä'ü ttu̧ju̧na̧ pä'ü, kkuwü ikuäwäkuomȩtä̧ päi'ünä̧. Jua̧u̧nü̧ o'ka'a trigo-mä̧ ka̧ka̧kuo̧ka̧nä̧ ka̧ka̧tü̧ tu̧ju̧na̧ pä'ü.

San Lucas 3:17

U̧mü̧nä̧ 'chu̧ä̧rä̧nü̧ i'chachü trigo pojäwäkä, jua̧u̧ pojü ikua pä'ü. Jua̧u̧ trigo-mä̧ i̧so̧ka̧nä̧ wa'adü kku̧nu̧, wä̧mȩ isä'kuatä okurä yoriso na̧wi̧pokoränä̧ kkuwü i̧kuä̧kua̧.

San Mateo 13:41

Ubó I̧tti̧mä̧ umüwäyotü á̧gȩrȩ-rü wȩä̧kua̧, chutä ru̧wa̧ jü̧nä̧ weomȩttü̧ kkorotürü ma̧ttä̧chü̧nä̧ jȩpi̧nä̧tü̧rü̧'i̧nä̧, suronä̧ jȩpä̧tü̧rü̧'i̧nä̧ o'katoi'ünä̧rü̧ ttü̧ka̧ka̧ta̧ pä'ü.

San Juan 15:2

O'kajuiyünä̧, ä̧na̧jui̧yä̧, ttünä̧ u̧wä̧ju̧ wȩjo̧kü̧mä̧, ȩmü̧ i̧kuä̧kuȩ; ja̧'wa̧nü̧ ja̧'a̧nä̧, o'kajuiyünä̧ ji̧yȩ u̧wä̧ju̧ wȩjü̧mä̧, surojü juiyünä̧ aditü u̧ju̧nä̧kuȩ, yabonü̧ u̧wä̧ju̧ wȩja̧ pä'ü.

San Mateo 13:43

Ja̧'wa̧nü̧ ja̧'a̧nä̧, Dio-rü ukuotätümä̧ Jä'o weomȩttü̧mä̧, kkä̧wa̧ kkȩdȩpa̧'a̧ jä̧'i̧nü̧'a̧nü̧ ti̧tȩya̧u̧nä̧ ttäkuotü. Ä̧ju̧ku̧ kku̧nä̧rü̧mä̧ ä̧ju̧kui̧.

San Mateo 13:42

Juätürümä̧ okurä beipokaränä̧ kki'ope'ü ttikuäkuä̧u̧; jua'attümä̧ ttaku norü ttajuäkuäwäkuotü.

San Lucas 3:16

Jua̧u̧ topü Ju̧a̧-mä̧ päinä̧u̧: Ttümä̧, isopäi'ünä̧ ukuturumä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧, ttüttü'i̧nä̧ abonä̧nü̧ ujuru kku̧nä̧rü̧ ichü; jua̧u̧ ü̧jä̧pü̧ isäya isappä chejädü juiyü'anü̧ wa̧sä̧. Jua̧u̧tä̧tä̧ jä̧kua̧'a̧ ukuturu Epíritu Sa̧tu̧nä̧'i̧nä̧, okuränä̧'i̧nä̧ bautizo jȩä̧kuä̧mä̧.