San Mateo 3:1 - Nuevo Testamento Uwotjüja

¹ Ji̧yȩnü̧ mo̧ro̧, bautizo jȩä̧kuä̧wä̧ i̧sa̧ Ju̧a̧ pä'ü mi̧kua̧ rȩbi̧yu̧ dȩ'a̧ra̧'a̧ ji'äwä̧ya̧ ichinü̧.

TÄ̧DO Ä̧CUÄ̧ I̧HUȨNȨ

¹ Ja̧u̧nu̧ pä̧nä̧ Juan el Bautista ji'äu ichinödo Judea de'ara̧'a̧.

San Mateo 3:1 Referans Kwoze

San Lucas 1:76

Ukú ji̧'ki̧cha̧wa̧mä̧, mo̧ro̧jä̧ ru̧wa̧ wȩ'ä̧wa̧ profeta pä'ü ottäkua̧jä̧ u̧mä̧nä̧ jo̧mȩnü̧ jȩpü̧ ku̧ju̧nä̧kua̧'a̧ttü̧,

San Mateo 11:11

Isopäi'ünä̧ pädäu̧jä̧: O'katoi'ünä̧ nä̧tü̧ttü̧ uwäpächinä̧tü̧mä̧, bautizo jȩä̧kuä̧wä̧ i̧sa̧ Ju̧a̧ u̧wä̧mȩnä̧ wa̧mä̧ toa'a; ja̧'wa̧nü̧ ja̧'a̧nä̧ mo̧ro̧jä̧ jäwä weomȩttü̧ a̧'u̧kua̧mä̧ jua̧u̧ttü̧'i̧nä̧ u̧wä̧mȩnä̧ wa̧ jä̧kua̧.

San Marcos 1:15

Jua'attü ji'äwinü̧: «Dio ü'ätetinü̧ mo̧ro̧, jo̧mȩnü̧ päia'a. Täkü, Dio wȩä̧kuȩ mo̧ro̧ tü'kü ja̧'a̧; surojü jȩ'kuä̧tu̧ku̧ kä'ädi'ü, jareü wȩnȩ esetü pärowächätukui,» jü̧nä̧.

San Mateo 16:14

Päomȩnä̧ ttädätinä̧ku̧: —Yotukupünä̧mä̧ Ju̧a̧ bautizo jȩä̧kuä̧wä̧ i̧sa̧jä̧do pä'ä'ijätü, kkorotümä̧ Elía-jä̧do, kkorotütä Jeremía-jä̧do, ja̧'wa̧nü̧ jü̧ juiyüttü'i̧nä̧ profeta winä̧tü̧ttü̧ ya̧tȩjä̧do pä'ä'ijätü.

Hechos 1:22

Tu̧ru̧wa̧rü̧ Ju̧a̧ bautizo jȩi̧no̧mȩttü̧ kkä̧mä̧dü̧, mo̧ro̧jä̧ra̧'a̧ i̧wi̧no̧mȩbü päi'ünä̧, ujutuku kue'ächä'ijätüttü, ya̧tȩrü̧ tȩma̧ pä'ü ja̧'a̧; Jesú ttoächinü̧ wȩnȩ ujutuku ji̧ä̧wä̧kua̧rü̧.»

San Lucas 7:24

Ju̧a̧ wȩä̧jä̧u̧ ppa̧ttä̧chä̧chä̧ji̧ o'ka'a, Jesú-mä̧ ttü̧ja̧rü̧ pä'inü̧, Ju̧a̧ ütü'kü: «¿Rȩbi̧yu̧ dȩ'a̧ra̧'a̧mä̧, dajé topü kuichäjätukuättü̧? ¿Nä̧yü̧ o̧na̧nä̧ kkä̧rü̧'koppa düa'a?

San Mateo 11:7

Juätü ppa̧ttä̧chä̧chä̧ji̧ o'ka'a Jesú-mä̧, Ju̧a̧ ütü'kü ji'äunu̧ ttü̧ja̧rü̧ pä'inü̧: ¿Däje topü kuichäjätukuättü̧ rȩba̧ dȩ'a̧ra̧'a̧mä̧? ¿Nä̧yü̧na̧nä̧ kkä̧rü̧'koppa düa'a topü kuichäjätukua'a?

San Mateo 3:8

Isopäi'ünä̧, surojü käkuädi'ätukuttümä̧, tottünä̧ jȩpü̧ kka̧kuä̧tu̧kui̧,

San Mateo 21:32

Isopäi'ünä̧ Ju̧a̧-mä̧ adiu kkä̧kuä̧wä̧ mä̧nä̧ ji'äu ichinü̧, ja̧'wa̧nü̧ ja̧'a̧nä̧ ukutumä̧ esetokotü pinä̧tü̧jä̧; pärokuotü, Roma-ra̧'a̧ iyäwä pärätä ka̧ka̧tä̧'i̧jä̧tü̧tä̧ ja̧'wa̧ta̧nü̧ nä̧tü̧ u̧mä̧tu̧ku̧ surojuo'ächinä̧tü̧tä̧ ttesetinä̧ku̧. Ja̧'wa̧nü̧ ja̧'a̧nä̧, ukutumä̧ jua̧u̧ to'kuätukua'anä̧'i̧nä̧ esetokotü pinä̧tü̧jä̧.

San Marcos 1:2

Profeta Isaía i̧wȩyu̧ti̧nü̧ jiäwinü̧ta̧'a̧nü̧, 'kuäopina̧'a̧. Jua̧u̧ pä'inü̧: Kuä'kanä̧ we'üsä ttü chi̧wȩnȩ ȩkuä̧ i̧sa̧rü̧, ku̧mä̧nä̧ aditü u̧ju̧nä̧kua̧rü̧,